الموضوع: يعنى ايه عوامل امان؟

المشاركة الأصلية كتبت بواسطة No Comment

علشان كدة عربية زى الميجان الهاتش باك كانت واخدة خمس نجوم من كام سنة ..... واحنا هنا فى مصر كان بعض الناس اللى مش مستوعبة الموضوع كويس بتقول عليها دى ضعيفة وأكصداماتها مش عارف ايه ....!!!
ومش عارفين ان كل ده أمان ونقاط انهيار علشان تقلل من اصابة الركاب فى حالة الحوادث لا قدر الله .

الحمد لله اللى وفرلنا ناس تقهمنا المواضيع دى و شكرا لمرورك

المشاركة الأصلية كتبت بواسطة bluemaneg

الموضوع الأمان ده متضمن نقط كتيرة منها

1- زي ما قلتم منطقة الأنهيار اللي بتوجد في الشاسيه و اللي لو الحادثة وصلتها بيحصل كسر في المنطقة دي و احيانا الموتور و الفتيس بيقعوا من العربية بدل ما بنقلوا الصدمة لكابينة السيارة

2- الأكصدام كمواد خام (سواء بلاستيك او فيبر) مواد تمتص الصدمة و تقللها عكس المعادن و خصوصا الحديد اللي بينقل تأثير الصدمة دون امتصاصها + مساعدين ممتصين للصدمة لتقليل اثرها

3- انظمة الفرامل المختلفة مثل abs, ebd اللي بتزود قوة الفرملة وتقلل التاثيرات السلبية ليها

4- انظمة متقدمة زي الحساسات اللي بتتوقع الحادث و تجهز السيارة و كرسي السائق و حزام الأمان لتلقي الصدمة و نظام تلافي الحادث بأن السيارة نتفرمل اوتوماتيكيا لو قربت بدرحة كبيرة من السيارة اللي أمامك

و انا اللى كنت فاكره موضوع الخامات ده استرخاص من المنتجين

و موضوع الفرامل ده خصوصا ال ebs لو موجود بيزود سعره جدا جدا جدا

انما موضوع الحساسات مش ممكن يقلب للضد؟ يعنى ممكن اجى اركن مثلا الاقى العربيه مفرمله و حالفه ما تتحرك ؟؟؟ ظلمتهم

المشاركة الأصلية كتبت بواسطة ahmed1611

موضوع جامد والفديو جامد جدا شكرا لصاحب الفيديو
لو في حد في العربية كانت رجلو راحت
لان ما بقاش في مكان في الدواسة بهد الحادث !!!!
اامن عربية في الاير باج والحاجات دي هي الفولفو الاير باج بتفتح حسب الخبطة
يعني لو الخبطه من الجنب لا قدر الله تفتح حاجات في الباب وكمان اير باج علشان الرقبة والضهر
وكل المساحات في العربية مدروسة يعني المساحة بين الكرسي والباب والسقف كل مدروس
الناس دي عباقرة ما شاء الله

ناس متفانيين فى شغلهم و بيتقدروا مش هنا ان كلللل براءات الاختراعات فى الادراج

احنا عباقره اكتر منهم بس مفيش تقدير و هناك بيدعموا كل الافكار

شكرا لمرورك

المشاركة الأصلية كتبت بواسطة tigernet

بص ياباشا فى 3 انواع من عوامل الامان
1 - ما قبل الحادثة و هى عبارة عن انواع الفرامل الموجودة فى العربية مثلا abs ebd و غيرها و نوعية العجل من اهم العوامل لو بصينا على العربيات اليابانى هنلقى تقريبا كل الشركات بتستخدم نوع واحد و هو البريدجستون لان الثبات و درجة التماسك فى الارض كويسة جدا
2 - اثناء الحادثة و هى عبارة عن الايرباج و حاجات تانية بعض الاعضاء اتكلموا عنها
3- ما بعد الحادثة و هى عبارة عن نظام عدم ضخ البنزين بعد الحادثة اذا كان الماتور شغال و فتح لوك الابواب اذا كانت مقفولة لتسهيل عملية الانقاذ

كلام فى كل التفاصبل المهمه باختصار الله ينور عليك بجد قسمتهم تقسيمه كويسه جدا و اضفت لمعلوماتى كتير

المشاركة الأصلية كتبت بواسطة rosebox

انما موضوع الحساسات مش ممكن يقلب للضد؟ يعنى ممكن اجى اركن مثلا الاقى العربيه مفرمله و حالفه ما تتحرك ؟؟؟ ظلمتهم

حصلت معايا مرة واحدة بس أول كام يوم بعد ما جبت العربية
ركنت العربية على مطلع و اجى اطلع بعد ما نزلت فرامل اليد العربية حالفة ما تتحرك و الاربع عجلات مكلبشين فى الارض لدرجة انى خفت على اسطوانة الدبرياج و بطلت احاول و نزلت شيلت كابل البطارية لمدة 10 دقايق و التهنيجة راحت و الفرامل رجعت تانى لطبيعتها و ده كان بسبب لخبطة فى نظام ال Hill holder

المشاركة الأصلية كتبت بواسطة Ghamrawy

حصلت معايا مرة واحدة بس أول كام يوم بعد ما جبت العربية
ركنت العربية على مطلع و اجى اطلع بعد ما نزلت فرامل اليد العربية حالفة ما تتحرك و الاربع عجلات مكلبشين فى الارض لدرجة انى خفت على اسطوانة الدبرياج و بطلت احاول و نزلت شيلت كابل البطارية لمدة 10 دقايق و التهنيجة راحت و الفرامل رجعت تانى لطبيعتها و ده كان بسبب لخبطة فى نظام ال Hill holder

يا ريت تشرحلى نظام الhill holder

و متشكره لمرورك و مشاركتك

المشاركة الأصلية كتبت بواسطة rosebox

يا ريت تشرحلى نظام الhill holder

و متشكره لمرورك و مشاركتك

hill holder or hill start
ده نظام بيعتمد على سنسور وظيفته انه يقيس درجة انحدار العربية
يعنى مثلا لو الطريق وقف على مطلع و السواق مور العربية و فضل دايس على بدال الفرامل لغاية لما الطريق يفتح النظام ده بيديه مهلة حوالى ثانيتين انه يعشق الاول و يطلع و ده من غير رجوع العربية للخلف لان الفرامل تفضل ماسكة العربية فى الثانيتين دول و نفس الموضوع لو العربية واقفة على منزل