سؤال خطر على بالى لما شفت مناقشه ان من عوامل الامان ان السياره تمتص الصدمه لا قدر الله طيب ازاى؟ يعنى المفروض ايه اللى يحصل يالضبط اثناء الصدمه؟
و ايه كمان من عوامل الأمان؟
عرض للطباعة
سؤال خطر على بالى لما شفت مناقشه ان من عوامل الامان ان السياره تمتص الصدمه لا قدر الله طيب ازاى؟ يعنى المفروض ايه اللى يحصل يالضبط اثناء الصدمه؟
و ايه كمان من عوامل الأمان؟
متابع معاك يا جميل
اللى اعرفه فى العربيات الحديثة ان المفروض يبقى فيها ال crash zone وتقريبا يقصد بيه منطقة الكبوت...ومش عايز افتى اكتر من كدة :)
بس شوف العربيات الحدثة تلاقيها بتتدمر من برة لكن مقصورة الركاب سليمة عكس عربية زى اللادا تلاقيه فى الحوادث سليمة من برا والزبون هو اللى ياكل الصدمة جوة
وبردو ردى ده كله مجرد فتّى شخصى من المعلومات المتوفرة لغاية مانشوف رد علمى
حسب معلوماتى بيكون فى نقاط انهيار >اتى فى العربيه عشان تشتت الصدمه ...
انا بردو كلامى مجرد فتى شخصى ..
والصراحه انا جربت الموضوع عملى مليش فى النظرى :)
مشكور لردك و اهتمامك
شكرا لمشاركتك معلوماتك صحيح فى داهيه العربيه المهم مقصورة الركاب بس ازاى برضه بتمتص الصدمات؟ و تدميرها ده فدا للمقصوره؟
ربنا يسترها معاك و الحمد لله قدر و لطف
طبعا اول عوامل الامان الايرباج
بعد كدة
دواسات قابلة للانهيار : فى وقت الحادث اعمدة الدواسة تنكسر علشان تحمى قدم السائق
عمود دركسيون قابل للانهيار : لحماية صدر السائق
قضبان جانبية فى الابواب
[flash=http://en.wikipedia.org/wiki/crumple_zone]width=800 height=500[/flash]
موضوع جامد اوى
نسيت اقولكم فى على اليو تيوب كنت بشوف اختبارات تصادم للسيارات كان فى مرسيدس مش فاكر انى فئه بس لما تدخل فى حائط تلاقى اير باج فى الطاره والصالون كله سليم ولما تدخل حاجه فيك من الجنب تلاقى اير باج يفتح ويحميك تكنولوجيا بجد عايا اوى
علشان كدة عربية زى الميجان الهاتش باك كانت واخدة خمس نجوم من كام سنة ..... واحنا هنا فى مصر كان بعض الناس اللى مش مستوعبة الموضوع كويس بتقول عليها دى ضعيفة وأكصداماتها مش عارف ايه ....!!!
ومش عارفين ان كل ده أمان ونقاط انهيار علشان تقلل من اصابة الركاب فى حالة الحوادث لا قدر الله .
الموضوع الأمان ده متضمن نقط كتيرة منها
1- زي ما قلتم منطقة الأنهيار اللي بتوجد في الشاسيه و اللي لو الحادثة وصلتها بيحصل كسر في المنطقة دي و احيانا الموتور و الفتيس بيقعوا من العربية بدل ما بنقلوا الصدمة لكابينة السيارة
2- الأكصدام كمواد خام (سواء بلاستيك او فيبر) مواد تمتص الصدمة و تقللها عكس المعادن و خصوصا الحديد اللي بينقل تأثير الصدمة دون امتصاصها + مساعدين ممتصين للصدمة لتقليل اثرها
3- انظمة الفرامل المختلفة مثل abs, ebd اللي بتزود قوة الفرملة وتقلل التاثيرات السلبية ليها
4- انظمة متقدمة زي الحساسات اللي بتتوقع الحادث و تجهز السيارة و كرسي السائق و حزام الأمان لتلقي الصدمة و نظام تلافي الحادث بأن السيارة نتفرمل اوتوماتيكيا لو قربت بدرحة كبيرة من السيارة اللي أمامك
موضوع جامد والفديو جامد جدا شكرا لصاحب الفيديو
لو في حد في العربية كانت رجلو راحت
لان ما بقاش في مكان في الدواسة بهد الحادث !!!!
اامن عربية في الاير باج والحاجات دي هي الفولفو الاير باج بتفتح حسب الخبطة
يعني لو الخبطه من الجنب لا قدر الله تفتح حاجات في الباب وكمان اير باج علشان الرقبة والضهر
وكل المساحات في العربية مدروسة يعني المساحة بين الكرسي والباب والسقف كل مدروس
الناس دي عباقرة ما شاء الله
بص ياباشا فى 3 انواع من عوامل الامان
1 - ما قبل الحادثة و هى عبارة عن انواع الفرامل الموجودة فى العربية مثلا abs ebd و غيرها و نوعية العجل من اهم العوامل لو بصينا على العربيات اليابانى هنلقى تقريبا كل الشركات بتستخدم نوع واحد و هو البريدجستون لان الثبات و درجة التماسك فى الارض كويسة جدا
2 - اثناء الحادثة و هى عبارة عن الايرباج و حاجات تانية بعض الاعضاء اتكلموا عنها
3- ما بعد الحادثة و هى عبارة عن نظام عدم ضخ البنزين بعد الحادثة اذا كان الماتور شغال و فتح لوك الابواب اذا كانت مقفولة لتسهيل عملية الانقاذ
بجد الواحد سعيد جدا انه بين اخوانه
شكرا لك يا أخى على المشاركه
شكرا لك يا أخى و كمان بشكر اوتيفا على اللينكات الجامده دى
كان اخرى فى موضوع الامان ده هو الايرباج بس الأخوه هنا ربنا يجازبهم خير علمونى كتير
متشكره جدا جدا جدا على الفيديوهات و المقاله فعلا الموضوع وضح جدا
يعنى مش ياللا نعمل عربيه نقوم حاطين موتور استيراد و جوه بودى و اركب يا عم :36_2_33:
ده موضوع علمى بحت بس يا ريته فعلا يبقى عامل زى المساعد يتحطم ساعة الازمه و يرجع تانى زى ماكان بعدها :)
الحمد لله اللى وفرلنا ناس تقهمنا المواضيع دى و شكرا لمرورك
و انا اللى كنت فاكره موضوع الخامات ده استرخاص من المنتجين
و موضوع الفرامل ده خصوصا ال ebs لو موجود بيزود سعره جدا جدا جدا
انما موضوع الحساسات مش ممكن يقلب للضد؟ يعنى ممكن اجى اركن مثلا الاقى العربيه مفرمله و حالفه ما تتحرك ؟؟؟ ظلمتهم
ناس متفانيين فى شغلهم و بيتقدروا مش هنا ان كلللل براءات الاختراعات فى الادراج
احنا عباقره اكتر منهم بس مفيش تقدير و هناك بيدعموا كل الافكار
شكرا لمرورك
كلام فى كل التفاصبل المهمه باختصار الله ينور عليك بجد قسمتهم تقسيمه كويسه جدا و اضفت لمعلوماتى كتير
حصلت معايا مرة واحدة بس أول كام يوم بعد ما جبت العربية
ركنت العربية على مطلع و اجى اطلع بعد ما نزلت فرامل اليد العربية حالفة ما تتحرك و الاربع عجلات مكلبشين فى الارض لدرجة انى خفت على اسطوانة الدبرياج و بطلت احاول و نزلت شيلت كابل البطارية لمدة 10 دقايق و التهنيجة راحت و الفرامل رجعت تانى لطبيعتها و ده كان بسبب لخبطة فى نظام ال Hill holder
hill holder or hill start
ده نظام بيعتمد على سنسور وظيفته انه يقيس درجة انحدار العربية
يعنى مثلا لو الطريق وقف على مطلع و السواق مور العربية و فضل دايس على بدال الفرامل لغاية لما الطريق يفتح النظام ده بيديه مهلة حوالى ثانيتين انه يعشق الاول و يطلع و ده من غير رجوع العربية للخلف لان الفرامل تفضل ماسكة العربية فى الثانيتين دول و نفس الموضوع لو العربية واقفة على منزل
في حاجه كنت قريتها قبل كده ان في زي قضبان في الشاسيه مكان تثبيت المحرك لما بيحص تصادم من الامام بتبقي القضبان دي تفتح لتحت والموتور هوا اللي يمتص الصدمه والقضبان تفتح وهو ينزلق بعد مايكون امتص معظم الصدمه
حاجه زي كده يعني علي ما افتكر
فيه ناس كتير لسة فاهمة ان العربية الصح هى اللى معمولة من الفولاذ و الاسمنت المسلح... لو فيه عربية بالصلابة و القساوة دى حتبقى نعش متحرك... دى امثلة من اختبارات جنرال موتورز على عربيات موديلات الستينات... ايام ما كانت العربيات حديد فعلا...
http://www.youtube.com/watch?v=Tb_e3...eature=related
لازم فى حالة التصادم العربية تمتص قوة الصدمة عشان القوة دى لا تنتقل الى الركاب و تقتلهم... لاحظ ان الراكب ممكن يموت نتيجة انضغاط اعضائة الداخلية فى مواجهة القفص الصدرى لما يكون الجسم بيتحرك بسرعة 100 كيلو فى الساعة و فى كسر من الثانية الجسم يتوقف عن الحركة... دى بالضبط اكنك بتتفعص
و فى نفس الوقت لما العربية تمتص الصدمة لازم المقصورة اللى فيها الركاب ميحصلش فيها اى اضرار... لان المقصورة لو تضررت العربية نفسها حتموت الناس اللى فيها... اذا الموضوع معقد... ازاى العربية تتفعص عشان تمتص الدمة و فى نفس الوقت المقصورة ميحصلهاش اضرار؟؟
دة شغل الناس اللى بتصمم جسم العربية و بيحسبوا قوى الصدمة و مدى مقاومة جسم العربية للتشوة فى حالة وقوع حداث اضافة طبعا عناصر المامن المتمثلة فى الاحزمة و الوسائد الهوائية
و دة فيديو بيوضح الفرق بين عربيات زمان و عربيات دلوقتى فى ناحية الامان
YouTube - Crash Test 1959 Chevrolet Bel Air VS. 2009 Chevrolet Malibu (Frontal Offset) IIHS 50th Anniversary
MMamdouh
و كمان في نظام ال Pre safe دا موجود في المرسيدس الS-Class الجديدة W220 و W221 دا نظام استباق الحادثة يعني السنسورات بتحسب سرعة العربية و المسافة و لما بتلاقي ان الاصطدام حيحصل او اوقات الكبح القوي حزام الامان بيتشد و الازاز كله بيترفع و الكراسي يتضم لقدام كده
و كمان في نظام كده في الفرامل بس مش فاكر اسمه لو انت ماشي عادي جدا و دوس فرامل علي الاخر و مافيش حد قدامك تلاقي العربية تزحفش و العجل مايحكش في الارض انا لو في اصطدام او عربية قريبة منك تلاقي العجل بيحك في الارض عادي
دا لان العربية فيها نظام بيحسب قوة الكبح المطلوبة عشان توقف العربية فا لو دوس جامد تلاقي و العربية مش محتاجة كل القوة دا تلاقي العربية مش يتحك و لو العربية متحاجة قوة كبح اكتر من دوسه رجل السائق (يعين اللي سايق دايس فرامل بالراحة شوية و العربية محتاجة قوة كبح اكتر ) تحك العربية في الارض و تفرمل جامد لوحدها
]دا غير ان الW221 دي عربية كلها كمبيوتر و عوامل امان عاليه جدا و تنكولوجية عالية جدا ...
اان ركبت العربية حسيت اني عمري ما ركبت عربيات
دا الفيديو بتاع العربية Pre Safe
YouTube - Mercedes Benz S-Class, Pre-Safe Braking.
و دا بتاع نظام الفرمل و اختبار العربية في TOP GEAR
YouTube - Mercedes S-Class - Top Gear
وفى كمان عامل فى حالة الحدثة الموتور بيسقط على الارض
عشان مايدخلش على المقصورة
وده موجود فى الشيفر كروز