طرق الوقاية من القنابل المسيلة للدموع

**mahmoudysf** · 25-01-2011 02:48 AM

المشاركة الأصلية كتبت بواسطة dr ahmed

الفكرة إن كل حاجة لازم ليها نقطة بداية
واحنا مش عارفين نبدأ منين
فسيب اللى عايز يبدأ يبدأ بأى طريقة بس يبدأ مين يدرى جايز تكون شرارة فى البنزين والناس تفوق
بس احنا منكسرش مجاديفهم
يا نطلع معاهم ياندعيلهم من غير ما نتريق عليهم ولا نكسر مجاديفهم

والله معاك حق
على الاقل لو مش هنقدر نمتلك الشجاعة ونكون مع الناس دول
بلاش نسخر منهم

**mahmoudysf** · 25-01-2011 02:51 AM

المشاركة الأصلية كتبت بواسطة a7med_pharma

+1111111111111

نقطة كمان لازم الناس تخلي بالها
محدش عارف هيحصل إيه بكره ...وفين

لو حد له محل في وسط البلد(أي بلد)
يقفله ..وينزل الباب الحديد
ومحدش يسيب عربيته في شوارع حيوية
لو حدث مالا يحد عقباه..عربيات كتير هتروح ومحلات هتتكسر(ولله الأمر)
وأكيد
هتلاقي ناس ممكن تبدأ التكسير أو الفوضى
والناس دي كونوا على يقين إنهم دخلاء..في التجمعات والمظاهرات
لو واحد عمل حاجة..تلاقيه الناس تتبعه بدون وعي أو فهم
يعني واحد كسر إزاز عربية ..هتلاقي الناس تكسر وراه
وكده الأمن هيبقا من حقه يضرب رصاص مطاطي وإستخدام العنف(حجة حماية الامن العام)
يعن لو حد كسر حاجة..أو بدأ يخرب
إعرفوا إنه دسيس...

والله المستعان

على فكرة كلامك ده
الامن هو اللي بيحاول يروجة ويصدره بشدة
عشان الناس يجيلها زعر من فكرة التظاهر ونو هيكون سلب ونهب وتكسير
وما استبعدش ان الامن هو اللي يدس بلطجية في المظاهرات يكسرو ويخربو
عشان يكون عندو زريعة للضرب
لان المظاهرة لو عددها زاد وبطريقة سليمة
هيظهر للا علام العالمى الاغلبية الكاسحة المؤيدة على حقيقتها
وده عمرهم ما هيسمحو بيه

**nicegypt** · 25-01-2011 02:53 AM

اللى ناوي ينزل ... ينزل بطريقة سلمية وبدون احداث تلافيات
ومحدش تاخدة الحماسة ويكون منتبة .. وعن نفسى انا قاعد ف البيت ومش نازل الشغل
يمكن تكون سلبية .. بس لو كنت ايجابى ونزلت هلاقى اضرار اكثر .. وانا حاسس 80 % ان محدش هيكون ف الشارع بكرة
واللى هيحصل مجرد جماعات عادية معارضة واللى لازم تنزل .. يعنى اللى مقيدة تبع احزاب معرضة .. انما ناس عادية زينا معتقدش
والامن واخد بالة من كل حركة وكل كلمة وحرف سواء على النت او خارج النت وعارفين اللى بيحصل بالظبط وهيتم التجهيز لة من الفجر
مش من بكرة ... هتستفيد اية لما حد ينزل يتعور ؟ ولا ياخد لة خبطة تسبب فى عاهة مستديمة لا قدر الله .. والناس دى بضبش اساسا
الايجابية لها تمنها والسلبية لها تمنها باردو .. بس الايجابية تمنها تقيل قوي ! فى رأيي بلاش