استهتار السواقين على طريق اكتوبر..الى متى ؟

**Ahmod** · 25-01-2011 02:13 AM

السلام عليكم ورحمة والله وبركاته

في البداية اعتذر لو كان الموضوع مش في مكانه الصحيح فارجو نقله من المشرفيين (مع الشكر )

اللى شفته النهارده وانا راجع من على طريق اكتوبر حاجة ترفع الضغط بجد حاجة ممكن تحرق دم اي مواطن مصري

انا عايز كل واحد يتخيل معايا الموقف لما تبقا راجع من على الطريق (الساعة 3.30 العصر ) ماشي 120 كم / ساعة ,, وتلاقي عربية نقل محملة ماشية قدامك وبتبعد عنك ! ! !

وياريت انه ماشي على سرعة عالية وبس ! لا ماشي عامل زي التعبان في الطريق بياخد غرز يمين في شمال في يمين اكنه اشترى الطريق واكن الطريق بقا بتاعه !

وفي الاخير كانت عربية ملاكي صغيرة مش متذكر النوع لاني مركزتش فيها اوي --- كانت هتدفع التمن ولولا ستر ربنا الملاكي لحق نفسه على اخر لحظة والا كان زمانه هو واسرته في خبر كان ! !

يمكن الموضوع يكون بالنسبة للبعض عادي ولكن يا جماعة كمية الحوادث بقت بتزداد كل يوم عن التاني ! وتلاقي السبب في الاخير اما مقطورة صاحبها كان سكران او ترلا من غير فراملة او نقل محملة وخايف على الحمولة واللى بيروح ضحية العربيات الصغيرة (الملاكي)

واللى يحرق الدم بزيادة انك تلاقي الملاكي مدمرة بالناس اللى فيها وتيجي تبص على المقطورة او الترلا ولا الهوا !

ومش بس في طريق اكتوبر لاء في كل الطرق انا من فترة مش بعيدة كنت راجع من دايري المعادي الساعة تقريبا 2.30 بليل كنت ماشي على سرعة 90 اقسم بالله المقطورات كانت بتعديني ماكنتش بشوفها وبرضوا كان فيه مقطورة هتشيلني لولا ستر ربنا

لحد امتى هنفضل ندفع تمن غباء سواقيين الترلات والمقطورات ؟ ؟

ليه مافيش مسؤل يدخل ويمنع الهرتلة اللى بتحصل في الطرق دي ؟ ؟

مش المفروض عربيات النقل التقيل دي مابتمشيش الا في اليمين ؟ ولا انا غلطان ؟ مش المفروض الحد الاقصى ليها 60 كم / ساعة ؟ ايه اللى بيحصل ده ؟ وايه اللى احنا بنشوفه كل يوم على الطرق ؟ وليه كمية الحوادث اللى بتحصل وتلاقي السبب مقطورة دخلت في عربية دمرتها \ صاحب مقطورة خاف على الحمولة فقال ادوس العربية باللى فيها احسن ماطير حمولة بمليون ولا اتنين مليون ! ! والله حرام

حوادث بالجملة واروحنا وارواح اخواتنا وعيالنا كل يوم بتروح بسبب الغباء من اصحاب عربيات النقل والمقطورات !

انا نفسي الموضوع ده يوصل لاي مسؤل عشان يتم وضع حد للمأساة اللى احنا فيها

كل اللى اقدر انصح اي واحد فيه نصيحة اخوية : اي مقطورة ابعد عنها \ حاول بقدر المستطاع لا تمشي وقدامك مقطورة ولا تمشي وجمبك مقطورة

واخطر حاجة انك تمشي ويبقى وراك مقطورة ! لان اي فرملة هتلاقيه فوق عربيتك ! ! يعني من الاخر منين تشوف يا تعديها وتفرق عنها كتير يا تبعد عنها وربنا يسترها معانا كلنا

وبعتذر لو كان العنوان مش مناسب بس بجد انا دمي محروق لان لسه ليا زميل عمل حادثة بسبب مقطورة دخلت فيه وهو واقف ! ! الحمد لله هو سليم دلوقتي وبصحة جيدة بس عربيته بقت في خبر كان !

الطفها معانا يارب

**smsm_cato** · 25-01-2011 10:57 AM

الحل الوحيد للمشكله الازلية دى ان العربيات النقل القديمة تتكهن زى مشروع التاكسى ويخش مكانها عربيات جديدة ودى بيتقفل عدادها او سرعتها بمعنى اصح بالكمبيوتر زى العربيات فى دول اوروبا و هنروح بعيد ليه زى العربيات اللى شغاله فى مصانع الصبة الخرسانه الجاهزة كلها عربيات حديثة ومحدد سرعتها بالكمبيوتر والانسب من ده كله ان سواقين النقل يتقوا ربنا فى الناس الغلابة اللى ممكن يروحوا ضحية الاستهتار بتاعهم ده

**Hesham_91** · 25-01-2011 11:03 AM

طبعا اللي حضرتك بتحكيه ده بنشوفه يوميا على معظم الطرق بتاعتنا انا بقى سواقين النقل الوس.. دي هوايتي ... بطلع عليهم القديم و الجديد

لما اشوف واحد فيهم بيجري ولا بيرخم على ملاكي .. بكل بساطة بطلع قدامهم و اعمل انتظار و امشيه ورايا 80 (مع انه كتير) زي البوبي :d و

مبطلعهوش لو عمل اللالي مش قادر اقلك الحركة دي بتحرق دمهم ازاي و في اللي بيحترم نفسه بعدها و في اللي بيبلطج و كتير باخد نمرهم و

ابلغ عنهم في اقرب نقطة عالطريق .. طبعا انا عارف ان اللي انا بعمله ده خطر جدا خاصة مع الناس دي اللي معظم الوقت بيكونوا ضاربين

حاجة بس واللي بشوفه منهم هو اللي بيخليني اخذ المخاطرة بدل ما يعمل كارثة .. و ساعات كتير لما حد يلاقيني بعمل كده مع حد فيهم يعمل

زيي و يقفل عليه معايا و نطلع عين ... وربنا يسترها علينا كلنا

**beetleMOSH** · 25-01-2011 11:10 AM

المشاركة الأصلية كتبت بواسطة hesham_91

طبعا اللي حضرتك بتحكيه ده بنشوفه يوميا على معظم الطرق بتاعتنا انا بقى سواقين النقل الوس.. دي هوايتي ... بطلع عليهم القديم و الجديد

لما اشوف واحد فيهم بيجري ولا بيرخم على ملاكي .. بكل بساطة بطلع قدامهم و اعمل انتظار و امشيه ورايا 80 (مع انه كتير) زي البوبي :d و

مبطلعهوش لو عمل اللالي مش قادر اقلك الحركة دي بتحرق دمهم ازاي و في اللي بيحترم نفسه بعدها و في اللي بيبلطج و كتير باخد نمرهم و

ابلغ عنهم في اقرب نقطة عالطريق .. طبعا انا عارف ان اللي انا بعمله ده خطر جدا خاصة مع الناس دي اللي معظم الوقت بيكونوا ضاربين

حاجة بس واللي بشوفه منهم هو اللي بيخليني اخذ المخاطرة بدل ما يعمل كارثة .. و ساعات كتير لما حد يلاقيني بعمل كده مع حد فيهم يعمل

زيي و يقفل عليه معايا و نطلع عين ... وربنا يسترها علينا كلنا

والله احسن حاجه بتعملها
مره راجع من حلوان و ماشى 150
و الاقيلك تريلتين بيشدوا مع بعض!!!!!!!!!!!!!
و جايين من ورايا بيقلبولى يعنى كمان كاسرين ال 150 !!!!!!!!!!!!!!!!!!!!!!!!!!

**Hesham_91** · 25-01-2011 12:27 PM

المشاركة الأصلية كتبت بواسطة beetlemosh

والله احسن حاجه بتعملها
مره راجع من حلوان و ماشى 150
و الاقيلك تريلتين بيشدوا مع بعض!!!!!!!!!!!!!
و جايين من ورايا بيقلبولى يعنى كمان كاسرين ال 150 !!!!!!!!!!!!!!!!!!!!!!!!!!

عالم عايزة الحرق 150 وبيغرزوا ولا كأنهم راكبين تكاتك و غرز موت و لا هامهم حد .. فين المرور من الكلام ده مش عارف !!

**أشرف العدوي** · 25-01-2011 01:08 PM

انا مش عايز احبطك
مرة كنا عملين اعلان في الجرنان علشان الشركة كانت عايزة سواقين
تخيل سمعتهم بودني بيتباهوا و بيعايروا بعض بأيه
كل واحد قلب كام ملاكي قبل كدة ( قلبها بلغتهم يعني دمرها دمال شامل و خلع و محدش مسكه )
و اكتر واحد عمل كدة يبقى هو سبع البرمبة بتاعهم

**MISS_MONA** · 25-01-2011 01:49 PM

لا حول ولا قوه الا بالله

**فتح الباب** · 25-01-2011 08:40 PM

المشاركة الأصلية كتبت بواسطة amrc5

اهلا بيك فى مصر

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههههه بجد حاجه تفور الدم مشكور يا باشا على النكته الجميله دى

-

-

الموضوع: استهتار السواقين على طريق اكتوبر..الى متى ؟

LinkBack

أدوات الموضوع

عرض

-

-

-

-

-

المواضيع المتشابهه

استهتار السواقين على طريق اكتوبر..الى متى ؟

حصل على طريق اكتوبر

من 6 اكتوبر الى طريق الاسماعيلية

بلاش جرى .. طريق اكتوبر بقى فيه مطبات

احترسوا من طريق 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة