النقل المباشر لاحداث الاضراب

**aly_hosny** · 25-01-2011 03:18 PM

المشاركة الأصلية كتبت بواسطة shnory

لو حاجه ضايقك حضرتك في كلامي فحقك عليا
انت وكل واحد ممكن كلامي يجرحه
بس كلامي جه من كتب التاريخ الي درسناها
واللي مدرسناهاش
وقرايات عن الطوائف المناضله زي طائفه الحشاشين وغيرها
وعن تعاملات مع طبقات شعب يمكن حضرتك متعاملتش معاها
مش معني كلامي اني راضي عن حال البلد
بس لو فشلنا حنضيع طاقه وقوه كانت ممكن تكون ضربتها احسن لو كانت مقننه ومدروسه اكتر
بس احنا اتفقنا علي ان لا نتفق
دا لو 4 في اسره واحده تم تخييرهم حيتغدوا ايه
استحاله 2 فيهم يقولوا نفس الراي

لا طبعا
هو كان صلاح الدين جرهم بالعافية عشان يحاربو
ومينا كان مصري
وحتى لو كتب التاريخ بتقول كدا "ودا غلط "
حاول انت تغير التاريخ
ولو معرفتش شرف المحاولة يكفيك

**AhMeD EzZ** · 25-01-2011 03:16 PM

انا عايز افهم للناس الي بتطالب بالتغير الفوري و الكلام دة
انت عارف نتايج الثورة دي هتكون ايه علي بلدك ؟؟؟
يا جدعان في ناس ما هتصدق ان بلدك تقع و لو يوم
اسرائيل ما هتصدق
و دول حوض النيل
و هتحصل اصطدمات طائفية
و اقتصاد بلدك هيقع اكتر ما هو واقع و هتبقي مصايب
==============================================
شبرا المتظاهرين مرة واحدة اختفو
بخ مفيش حد مفيش امن مركزي حتي

**beetleMOSH** · 25-01-2011 03:18 PM

مباشر من فلب الاحداث

Righter on USTREAM: .

**Ralliart** · 25-01-2011 03:19 PM

لو كتبتها مش حتشوفني تاني ههههههههههههههههههههه
بجد مش هزار

كفايه الجمله دي اللي ضحكت عليها تدل على ان حقك مهضوم

**SHNORY** · 25-01-2011 03:38 PM

المشاركة الأصلية كتبت بواسطة ralliart

وغيرك معرفش يعمل مصالحه من غير رشاوي
وغيرك اتقتل علشان يطلع بطاقته!!
ولا حضرتك مستني الدور عليك ولا ميهمكش الناس ولا ايه بالظبط!!

طيب انا ظروفي جت كده في الدنيا اعمل ايه ؟؟
لما جيت اطلع بطاقه لقيت واسطه تخلصهالي
ولما جيت ارخص العربيه
ولما جيت ادفع فاتوره التليفون
وحتي لما بنزل اشتري عيش بلاقي اللي يظبطني
ممكن اعمل ايه تاني ؟؟؟
اقسملك بالله حتي طابور العيش الناس متفهلوه فيه ومهرجله ولما بقف في الطابور بلاقي اللي بيزنق واللي بيحاول ياخد حقي
وياما اتخانقت لحد ما زهقت من قله الادب اللي الناس بتتعامل بيها مع بعضها

المشاركة الأصلية كتبت بواسطة aly_hosny

لا طبعا
هو كان صلاح الدين جرهم بالعافية عشان يحاربو
ومينا كان مصري
وحتى لو كتب التاريخ بتقول كدا "ودا غلط "
حاول انت تغير التاريخ
ولو معرفتش شرف المحاولة يكفيك

دي ناس كانت رايحه تحارب مش رايحه تهتف
واحتلالنا مطلعش من مصر بالهتافات
كان فيه ناس بتهتف وفيه ناس بتحارب في الخفاء وتنظيمات كتير بتكافح
كمان لما نضيع اقوي خطوطنا في اول هجمه (الناس اللي نازلين النهارده)
حنعمل ايه في المرحله اللي بعدها ؟؟؟؟؟
احنا في حاله غضب مش في حاله حرب
ودي تفرق كتير

المشاركة الأصلية كتبت بواسطة ralliart

كفايه الجمله دي اللي ضحكت عليها تدل على ان حقك مهضوم

كلنا حقوقنا مهضومه بنسب متفاوته
انت لو واخد حقك في حاجه حتلاقيه مهضوم في حاجه تانيه
وجملتي اساسها ان الثورات ليها اسس وقواعد واستراتيجيات
اساسها مش العاطفه
ومش الهتاف فقط لا غير
لو طلع اي مسؤل دلوقتي ووعد الناس بتلبيه مطالبهم كل الناس حتروح
الشعب طالب رغيف العيش يا استاذي
يعني الشعب منهك وجعان وضعيف
ولو حصلت ازمه تانيه في رغيف العيش الناس دي حتنسي المظاهرات وحتنسي الدنيا وحتجري علشان تلحق