النقل المباشر لاحداث الاضراب

**Raul_7** · 26-01-2011 10:13 PM

R.N.N | شبكة رصد شهود عيان: انقطاع الكهرباء على المتظاهرين في ميدان وشارع طلعت حرب بوسط القاهرة #Jan25

**ahmed_halim197** · 26-01-2011 10:13 PM

المشاركة الأصلية كتبت بواسطة sheno0o

ردي عليك بكل بساطه انت مساهم ف البورصه بدون الخروج عن الموضوع وعن نقل الاخبار

و اللة العظيم انا ما ليا ولا مليم فى البورصة يا اخى انا باتكلم كمصرى بس خايف على البلد و معنديش حاجة اخاف عليها و لا حتى موظف فى الحكومة
يا اخى و اللة العظيم انا خايف عى البلد و اللى بيحصل

**aly_hosny** · 26-01-2011 10:14 PM

Login | Facebook

**otefa** · 26-01-2011 10:14 PM

المشاركة الأصلية كتبت بواسطة ahmed_halim197

41 الف منشور في كفر الشيخ تدعو الي استمرار الانتفاضة
هذا الخبر منشور فى جريدةالشروق فى متابعتها للاحداث

سؤال واحد بس مين اللى طبع الكلام دة و الله انا شايف ان اللى بيحصل دة تدمير للبلد اكتلر ما هى بايظة و ابسط مثال على كدة ان البورصة النهاردة نزلت 6% يعنى الشعب المصرى النهاردة خسر 29 مليار جنية انتو متخيليين الوضع بقى عامل ازاى

يا جماعة لازم نفكر فى اللى بيحصل البلد دلوقت بتتدمر اقتصاديا كمان و الله العظيم انا مش ضد المظاهرات انما انا ضد اننا نخرب البلد بايدينا و ابسط دليل على كدة الاخبار اللى بتتناقلها المواقع على لسان ما يقال عنهم شهود عيان ان فلان مات و علان اتدهس بالعربيات المدرعة و دة بيخلى الناس تسخن اكتر

و خدو المثال دة حزب الوفد عايز يحل مجلس الشعب و الشورى و يعمل انتخابات حزبية يتم تقسيم البرلمان بنسب لكل حزب

الموضوع كلو و الله الكبار بيستغلوة للصراع على السلطة لازم نفوق

ماهو ده أكبر دليل أن الحكومة سلبية سواء عن جهل أو قصد(كبر والعياذ بالله)
مافيش أي تحرك أيجابي من جانبهم أو تصريحات تهدي الجو أو ردود علي الأشاعات سواء بالتأكيد أو النفي طبيعي أن البورصة تقع

**ahmed_su** · 26-01-2011 10:14 PM

دعوات لحشد الملايين في "جمعة الغضب"
الأربعاء, 26 يناير 2011 21:44

كتب ـ محمد القماش :
دعا عدد من النشطاء السياسين على موقع" الفيس بوك" الإجتماعى إلى أن يكون بعد غد الجمعة 28 يناير يوماً للغضب, احتجاجاً على سوء أوضاع معيشة المصريين, وتكملة لـ "ثورة الغضب" التي بدأت أمس الثلاثاء بالتزامن مع عيد الشرطة.

وانطلاقا من صفحة "كلنا خالد سعيد" على الفيس بوك، أطلق النشطاء الدعوة إلى حشد الملايين من المواطنيين بعد صلاة الجمعة, ووصل عدد الذين تلقوا الدعوة حتى كتابة التقرير قرابة 200ألف، استجاب منهم 7000 شخص خلال ساعة واحدة من انطلاق واحدة.

وجاء نص الدعوة: "سنخرج بمسيرات في كل مساجد وكنائس مصر الكبرى متجهين ناحية الميادين العامة ومعتصمين حتى ننال حقوقنا المسلوبة، مصر ستخرج مسلميها ومسيحييها من أجل محاربة الفساد والبطالة والظلم وغياب الحرية، وسيتم تحديد المساجد والكنائس ليلة الخميس".

وفى سياق متصل أعلنت جماعة الإخوان المسلمين مشاركتها في يوم الغضب الجمعة المقبلة, وصرح د. محمد مرسي، عضو مكتب الإرشاد، بأن الجماعة ستشارك في التظاهرات لأنها جزء لايتجزأ من نسيج الوطن, مشيراً إلى أن الإخوان ليسوا من أطلق الدعوة وإنما استجابوا لها فقط.

من ناحية أخرى يصل الدكتور محمد البرادعي، المدير العام السابق للوكالة الدولية للطاقة الذرية، إلى القاهرة مساء غد الخميس، لحضور فعاليات جمعة الغضب.

**ahmed_su** · 26-01-2011 10:16 PM

شبكة رصد شهود عيان: انقطاع الكهرباء على المتظاهرين في ميدان وشارع طلعت حرب بوسط القاهرة

**damasry** · 26-01-2011 10:16 PM

ال.......... في مصر النهاردة

**Hesham_91** · 26-01-2011 10:18 PM

يا جماعة الناس بتكلمني بتقولي ان في حظر تجوال من الساعة 10 مساءا و اتأكدت من الخبر من واحد صاحبي والده لواء في امن الدولة بس مش

لاقي اي خبر عن الموضوع !!