النقل المباشر لاحداث الاضراب

**mahmoodallam** · 27-01-2011 01:07 AM

المشاركة الأصلية كتبت بواسطة dr-mohamed

يا رب والله ما خايف غير على مصر
نفسي اشوفها احسن دولة في العالم
نفسي اشوفها اجمل واقوي دولة في العالم
نفسي اشوفها في مكانتها اللى تستحقها
نفسي اشوفها قبل ما اموت ولو حتي في نص مكانتها اللى تستاهلها

وفعلا خايف لو النظام انهار من اللى هايمسكها
هل واحد من راكبي الموجة زي البرادعي ولا ايمن نور كل همهم مصلحتهم وفيه شكوك في عمالتهم هما كمان لامريكا
ولا الاخوان ولو وصلوا يا تري هايحكموا فعلا بالعدل ولا هايبقي اسوا من الموجود حاليا
ولا الاحزاب وكلها فاشلة
ولا ولا ولا ولا
الخوف مما بعد التغيير ان حدث اصبح اكبر من اي تفكير اخر

أعتقد انه لا أسوأ ولا أضر على مصر من النظام الحالي

**smsm_nabawy** · 27-01-2011 01:07 AM

المشاركة الأصلية كتبت بواسطة wael17

عاجل | التليفزيون المصري

الرئيس يجرى إتصالات موسعة ومكثفة مع بعض الرؤوساء العرب لمناقشة
ما يحدث في الساحة العربية في كلا من لبنان وفلسطين!!؟
-------------------------------------------
احلي تعليقات علي الخبر علي الفيسبوك
-اعمل ايه علشان يحس ... أروح اتظاهر فى لبنان
-للدرجة دى الشعب بتاعة ملوش قيمة عندو طب ما يمشى مدام مستعر مننا
-ده على اساس اننا دبان؟؟ دبان احنا ها؟؟

لا تعلييق الصراحة !! ليه مفيش أدنى رد فعل ،، أو أستجابة منه لمطالب الشعب !! هو تقريباً فاكرنا بنهزر!! او هوجة و حتعدي و خلاص !!

مش عارف ،، حسيب الله هو نعم الوكيل

حسبنا الله هو نعم الوكيل ،، ده مش خايف من ربنا ده ؟؟؟؟

**ahmed_su** · 27-01-2011 01:07 AM

شبكة رصد السويــس - غير مؤكد : أنباء غيـــر مؤكدة عن نزول قوات الجيش الثالث الميداني شوارع السويــس ، وبقائها على الحياد حتى الآن

سيادة العقيد خالد سؤال هل الجيش ممكن يتجنن ويضرب مدنيين - عقلى وقلبى بيقولو لاء

بس الله اعلم ايه اللى حصلهم بعد 30 سنة

**wesam_salom** · 27-01-2011 01:08 AM

السويــس - غير مؤكد : أنباء غيـــر مؤكدة عن نزول قوات الجيش الثالث الميداني شوارع السويــس ، وبقائها على الحياد حتى الآن

**fadod** · 27-01-2011 01:08 AM

المشاركة الأصلية كتبت بواسطة dr-mohamed

اليوم السابع | البابا يطالب الأقباط بعدم المشاركة فى المظاهرات

بالذمة ده كلام ؟؟؟؟؟؟؟؟؟

على فكره من متابعة بالتلفون ..أصحاب مسيحيين أعرفهم كانو في التحرير امبارح واللي قاله البابا قاله الشيخ محمد حسان امبارح...يعني دي تعليمات بتجيي وكل الناس فاهمه انها ضغوط عليهم..بس مفش حد مطالب إنه يسمعها ..وعلى جروب خالد سعيد هيحددو بكرا الكنائس والمساجد اللي هتطلع منها المظاهرات
زمانك يا حسني ولا و فات ...... وادي جمالك بقة جملااات

**ahmedeg1** · 27-01-2011 01:09 AM

مصر فى خطر يا ناس تعقلوا و غيروا من نفسكم و اطلبوا من ربنا الصلاح و خللى بالكم من بلدكم المطلوب فقط تغيير الحكومه الفاسده و بلاش لهجة نزع الحكم هيروح لمين بس يا جماعه اللى بيطلب الحكم ربنا مش بيعينه عليه و اللى بيهرب من الحكم هوا ده اللى ربن بيعينه على الحكم خليكم متوازنين و الله الموفق

**aymansaad** · 27-01-2011 01:09 AM

انا من السويس
الوضع الان خطير الشرطة بتضرب فى نحيتين ناحية حى السويس والاخرى ميدان الاترعة وشارع احمد عرابى

**تامر.محمد** · 27-01-2011 01:09 AM

المشاركة الأصلية كتبت بواسطة smsm_nabawy

لا تعلييق الصراحة !! ليه مفيش أدنى رد فعل ،، أو أستجابة منه لمطالب الشعب !! هو تقريباً فاكرنا بنهزر!! او هوجة و حتعدي و خلاص !!
مش عارف ،، حسيب الله هو نعم الوكيل
حسبنا الله هو نعم الوكيل ،، ده مش خايف من ربنا ده ؟؟؟؟

مافيش رد فعل لأنه مقتنع ان الأمن هايقدر يسحق الشعب كله سحقا
ان شاء الله ربنا يخيب ظنه

R.N.N | شبكة رصد
عاجل

الإخوان والقوى الوطنية بتفقون على النزول يوم الجمعة للمشاركة في ما يسمى بـ "جمعة الغضب"

-

الموضوع: النقل المباشر لاحداث الاضراب

LinkBack

أدوات الموضوع

عرض

-

-

-

-

-

المواضيع المتشابهه

النقل المباشر لاحداث الاضراب -الجزء الثالث

النقل المباشر لاحداث الاضراب -الجزء الثاني

مناقشة حول التأثير المباشر و غير المباشر لزيادة أسعار البنزين

الكلمات الدلالية لهذا الموضوع

المفضلات

المفضلات

ضوابط المشاركة