النقل المباشر لاحداث الاضراب

**smsm_nabawy** · 27-01-2011 03:22 AM

المشاركة الأصلية كتبت بواسطة mr_7oda

معلش بعد إذنكوا يا جماعة نيجى على نفسنا شوية وبلاش نتصل بيه .... والله ربنا يعلم انا قلقان عليه ازاى من بعد ما اتصلت بيه لانى كنت عارف انه هينزل وانا كنت عارف الصورة هناك عاملة ازاى

ياريت ahmed ezz هو بس اللى يتابع اخباره علشان مش كل شوية نتصل بيه وبطارية الموبايل تفضى ...

تمام .. مستنين الاخبار اللي تطمننا ان شاء الله

**النوبي** · 27-01-2011 03:24 AM

صعوبة التصوير فى ميدان عبدالمنعم رياض وشارع 23 يوليو المليئه بالمتظاهرين الان .. لأن الامن قطع الكهرباء عليهم

**ashouhdy** · 27-01-2011 03:24 AM

الجمعة
أسكندرية
القائد ابراهيم
مسجد المليون مصلى
المليون جايين .......... أقابلكم هناك او اللى ربنا عايزة بقى

يارررررب

**Rerii** · 27-01-2011 03:26 AM

المشاركة الأصلية كتبت بواسطة mr_7oda

معلش بعد إذنكوا يا جماعة نيجى على نفسنا شوية وبلاش نتصل بيه .... والله ربنا يعلم انا قلقان عليه ازاى من بعد ما اتصلت بيه لانى كنت عارف انه هينزل وانا كنت عارف الصورة هناك عاملة ازاى

ياريت ahmed ezz هو بس اللى يتابع اخباره علشان مش كل شوية نتصل بيه وبطارية الموبايل تفضى ...

والله انا مش بتصل بيه على الرغم انى حاسه ان دماغى هتتفرتك من بعد الجملة اللى قالها والخط اللى قطع ربنا يستر

صلوا وادعوله ياجماعه يرجع بيته بالسلامة هو وكل اللى هناك

**smsm_nabawy** · 27-01-2011 03:26 AM

المشاركة الأصلية كتبت بواسطة qmax

سوري يا سمسم اذا كنت رخمت في ردي بس والله من الضغوط طول اليوم ومش عارف انا اللي فهمت غلط او تعبيري خاني في الرد

عموما حصل خير

أخي في الله ،، متأسف والله ،، لو أنا اللي أتقلت عليك في الرد.. و عاذرك تماماً كلنا مشدودين كده فعلاً ،، انا عمال أضحك ضحك هيستيري و أعيط و مش حاسس بحاجة ،، انا قمت لبست مرتين ،، عشان أنزل أسافر .. مش عارف أستنى على بعضي ، عايز أسافر السويس أو القاهرة ،، بس مش قادر ،، نفسي يوم الجمعة الي حيتنظم فيه الحشود الجامدة اللي هنا في اليكس او في اي محافظة تانية يجي ،، عشان أنزل تاني !!

لأن النهارده لما نزلت ،، كانت الشوارع عادية جداً ،، مفيهاش أي دليل على المظاهرات، و رجعت البيت مهموم و ضنين !!

**samo9992003** · 27-01-2011 03:27 AM

طب هو كده مبقاش فى مظاهرات الا فى القاهره والسويس يعنى احنا نسافر ولا ايه ياجماعه انا نزلت امبارح طول النهار فى اسكندريه وانهارده منزلتش وعمال اتابع هنا ومش قادر عشان عارف وشفت امبارح كانوا بيتعاملوا ازاى مع الناس وفعلا على بليل حسيت ان جالهم اوامر بالعنف بس بصراحه فرحت عشان عرفت انهم بدءوا يتهزوا انا زهقت من القاعده مش قاادر مع ان رجلى وارمه من امبارح وعضلات رجلى كلها شاده عليا بس امبارح فى اسكندريه بجد لو ربع الناس اللى بتتفرج دى واكننا صينيين كانوا شاركوا كانت خلصت بس كده المفروض كل المحافظات تطلع عشان هما حايبعتوا كل قواتهم للقاهره والسويس حد يفكر ومحدش يقوللى سلميه ومهلبيه دى ناس عمرها ما حاتيجى بالذوق