الموضوع: النقل المباشر لاحداث الاضراب

المشاركة الأصلية كتبت بواسطة mr_7oda

معلش بعد إذنكوا يا جماعة نيجى على نفسنا شوية وبلاش نتصل بيه .... والله ربنا يعلم انا قلقان عليه ازاى من بعد ما اتصلت بيه لانى كنت عارف انه هينزل وانا كنت عارف الصورة هناك عاملة ازاى

ياريت ahmed ezz هو بس اللى يتابع اخباره علشان مش كل شوية نتصل بيه وبطارية الموبايل تفضى ...

هو مش فيه اختراع اسمه شاحن عربية ؟؟؟؟؟؟
يعني امبارح نفس الموقف والنهاردة بنفس الطريقة ؟

المشاركة الأصلية كتبت بواسطة smsm_nabawy

أخي في الله ،، متأسف والله ،، لو أنا اللي أتقلت عليك في الرد.. و عاذرك تماماً كلنا مشدودين كده فعلاً ،، انا عمال أضحك ضحك هيستيري و أعيط و مش حاسس بحاجة ،، انا قمت لبست مرتين ،، عشان أنزل أسافر .. مش عارف أستنى على بعضي ، عايز أسافر السويس أو القاهرة ،، بس مش قادر ،، نفسي يوم الجمعة الي حيتنظم فيه الحشود الجامدة اللي هنا في اليكس او في اي محافظة تانية يجي ،، عشان أنزل تاني !!

لأن النهارده لما نزلت ،، كانت الشوارع عادية جداً ،، مفيهاش أي دليل على المظاهرات، و رجعت البيت مهموم و ضنين !!

متزعلش النهاردة كان فيه استمرارية بس خليك في اليكس لانك مش هتعرف تدخل القاهرة ولا السويس

المشاركة الأصلية كتبت بواسطة نور القمر

انا مش متفائلة بالرغم اني كنت فرحانة في الاول
حاسة اننا على حافة الهاوية
عندي وساوس هتموتني
لو اقالوا مبارك دلوقت مش ممكن امريكا او اسرائيل يدخلوا مصر ؟؟
ياريت الناس اللي فاهمة سياسة كويس تحاول تفهمنا الوضع ممكن يكون ازاي

امريكا واسرائيل لا يمكن يدخلوا مصر على الاقل حاليا لان فيه حاجة اسمها جيش مالهوش دعوة باللى بيحصل جوة البلد لغاية دلوقت انما بالنسبة للخارج الوضع مختلف
ومش من مصلحتهم انهم يفكروا يقربوا من البلد لان كدة هايستفزوا المواطنين ضدهم هما بدل ما الغضب تجاه النظام الحاكم
ووقت ما يكون مبارك او امريكا واسرائيل يبقي مبارك اهو على الاقل حكم لهم بشكل غير مباشر لكن اهون من انى اعيش واشوف كلب امريكي او اسرائيلي بيدوس على ارض بلادي

المشاركة الأصلية كتبت بواسطة ashouhdy

ياجدعان انا حتجنن يعنى اسافر القاهرة ولا اية اعمل اية اسكندرية كل ما 10 يتجمعوا يتشدوا على بوكس

لا يا شهدي طبعا خليك في اسكتدرية ويوم الجمعة قرب