ما هى اعراض تلف طلمبة الزيت ؟؟؟!!

بسم الله الرحمن الرحيم....



انا معرفش المشكلة اللى عندى سببها طلمبة الزيت ولا دِه تهيؤات...


المشكلة كالآتى :::

لما ادور العربية الصبح بيكون ال rpm عالى شوية وده الطبيعى,,,لما بفتح الكبوت بسمع صوت التاكيهات (تك تك تك)

بسرعة.,,,, وبحس انها عمالة بتتحرك من غير ما يكون عليها اى زيت,,( مع العلم انى مغير الزيت امبارح)...

فقلت يمكن تكون الطلمبة هى السبب وبتحتاج وقت طويل عشان ترفع مستوى الزيت...


تانى حاجة ::: لما العربية تكون سخنة وال rpm واطى,,,وصوتها هادى وكل حاجة ,,,واركن العربية بتاع ساعة مثلا

وارجع الاقى ال rpm عِلى تانى,,,انا عارف اننا فى الشتاء وجايز العربية تكون بتبرد بسرعة....


بس هل ممكن تكون الطلمبة هى السبب ؟؟؟!!


عذراً انى مش عارف اوضح ايه هى المشكلة بالظبط ,,بس انا اصلا مش فاهم حاجة من اللى العربية بتعمله...




وعموما وبعيداً عن المشكلة اللى عندى,,,,ايه هى اعراض تلف طلمبة الزيت ؟؟؟؟!!!!!




شكرا...

كل دة ملوش علاقة بطلمبة الزيت

طلمبة الزيت لو ضعيفة لمبة الزيت حتنور على السلانسية... و لو حالتها سيئة المكنة حتتوفى

MMamdouh

اقتباس:

---

المشاركة الأصلية كتبت بواسطة mmamdouh

كل دة ملوش علاقة بطلمبة الزيت

طلمبة الزيت لو ضعيفة لمبة الزيت حتنور على السلانسية... و لو حالتها سيئة المكنة حتتوفى

mmamdouh

---

امال التكتكه اللى الصبح دى سببها ايه؟

من الكستبانات... ممكن تكون عايزة تتنضف... استعمل فلش مع غيار الزيت القادم

MMamdouh

يا استاذ محمد انا آخر 2 غيار زيت استخدمت فلش ولسه المشكلة موجودة...
:(

يبقى ممكن عندك مشكلة فى الكستبانات و محتاجة تتغير

MMamdouh

اولا كل اللي حضرتك قلت عليه ليس له علاقة بطلمبة الزيت لا ن علامة انهيار طلمبة الزيت هو ان لمبة ضغط الزيت في التابلوه تنور ومعناه ان ضغط الزيت ضعيف وممكن لو اللمبة نورت ميكنش الطلمبة هي السبب بمعني انه يكون مستوي الزيت قليل او ان ساعة الزيت فيها مشكلة

بالنسبة لصوت التكيهات ده بيكون طبيعي ولو زيادة ممكن تحتاج لضبط خلوص التكيهات لانه له خلوص معين بيتظبط عليه و لو ميكانيكي كويس يظبط الخلوص

ممكن زي ما الاستاذ علاء قالك

التاكيهات محتاجة ظبط بس مش اكتر

علي فكره صاحبي معاه كريستاله بتبرد بسرعه جدا جدا وصوت التاكيهات غريب غير العربيه الي كانت معايا
غير كدة العربيه مبتعملش معاه اي مشكلة

اقتباس:

---

المشاركة الأصلية كتبت بواسطة mmamdouh

يبقى ممكن عندك مشكلة فى الكستبانات و محتاجة تتغير

mmamdouh

---

طيب معلش اتعبك معايا يا استاذ محمد,,,بس ايه هى الكستبانات ؟؟؟ ,,ولو فى صورة ليها يبقى كتر خيرك...

اقتباس:

---

المشاركة الأصلية كتبت بواسطة alaa99991111

اولا كل اللي حضرتك قلت عليه ليس له علاقة بطلمبة الزيت لا ن علامة انهيار طلمبة الزيت هو ان لمبة ضغط الزيت في التابلوه تنور ومعناه ان ضغط الزيت ضعيف وممكن لو اللمبة نورت ميكنش الطلمبة هي السبب بمعني انه يكون مستوي الزيت قليل او ان ساعة الزيت فيها مشكلة

بالنسبة لصوت التكيهات ده بيكون طبيعي ولو زيادة ممكن تحتاج لضبط خلوص التكيهات لانه له خلوص معين بيتظبط عليه و لو ميكانيكي كويس يظبط الخلوص

---

بارك الله فيك يا باشا وشكرا على التوضيح,,,وبأذن الله اظبطها فى اقرب وقت..

اقتباس:

---

المشاركة الأصلية كتبت بواسطة haitham10

ممكن زي ما الاستاذ علاء قالك

التاكيهات محتاجة ظبط بس مش اكتر

علي فكره صاحبي معاه كريستاله بتبرد بسرعه جدا جدا وصوت التاكيهات غريب غير العربيه الي كانت معايا
غير كدة العربيه مبتعملش معاه اي مشكلة

---

وانا نفس الكلام يا باشا,,هو الصوت وخلاص....

اقتباس:

---

المشاركة الأصلية كتبت بواسطة 3ateef

طيب معلش اتعبك معايا يا استاذ محمد,,,بس ايه هى الكستبانات ؟؟؟ ,,ولو فى صورة ليها يبقى كتر خيرك...

---

ألكستبانات دى هى روافع هيدروليكية شغلتها توصيل الحركة الخطية من الكامة الى الصباب و الميزة فيها انها مش بتحتاج اى ضبط زى العربيات القدية اللى بتحتاج ضبط تاكيهات كل فترة و بتعتمد فى شغلها على ضغط الزيت

دى صورة كستبانات النوبيرا:

http://i83.photobucket.com/albums/j3...s/PICT6355.jpg

MMamdouh

جزاك الله خير يا استاذ محمد....

طيب يعنى دلوقتى انا اغير طقم الكستبانات واظبط تاكيهات وبكده المشكلة تروح بأذن الله ؟!

ويا ريت لو حضرتك تعرف طقم الكستبانات عامل كام يبقى جزاك الله خير...

جرب الاول تنظفها لان الكستبانات مش رخيصة... معرفش بتاع النوبيرا بكام بس الواحد فى اللانوس ب85 جنية

انت كدة كدة معندكش ضبط تاكيهات فا القصة اما تنظيف او تغيير فقط

MMamdouh

شكرا على التوضيح يا استاذ محمد...

تجديد ::::

بدل ما اعمل موضوع جديد,,,وكون ان المشكلة برضة مختصة بالزيت....


قبل ما اغير الزيت كنت لما بشوف مستواه على المقياس كنت بلاقيه على شرطة ال min قلت جايز اتبخر او حاجة,,خصوصا انه كان فى الاخر,,,او جايز فى تنقيط (احتمال بعيد),,,,,ولما نزل كانت كمية الزيت طبيعية جدا...


ودلوقتى بعد تغيير الزيت,,,ومن اول يوم بعد تغييره,,كل لما آجى اشوف مستواه الاقيه برضه على شرطة ال min,ومش عايز يوصل حتى لشرطة ال 10 لتر,,,,,,فكده افتكر احتمال التنقيط او التسريب اتلغى,,,,,وفى مشكلة فى حاجة تانى انا مش عارف ايه هىَّ....

افيدونى افادكم الله....

شكرا..

هل توجد دخانة ولو بسيطة بلون ابيض يميل الي الزرقة لانه في حالة وجوده معاناه جزء من الزيت يحترق و ان الموتور بدا يكون خفيف وبتتابع م ستوي الزيت يوميا

وماذا تقصد حضرتك بشرطة 10 لتر لان الزيت يكون محصور بين علامة max & min واقصي كمية زيت هي 4 لتر او اكثر بقليل

اقتباس:

---

المشاركة الأصلية كتبت بواسطة alaa99991111

هل توجد دخانة ولو بسيطة بلون ابيض يميل الي الزرقة لانه في حالة وجوده معاناه جزء من الزيت يحترق و ان الموتور بدا يكون خفيف وبتتابع م ستوي الزيت يوميا

وماذا تقصد حضرتك بشرطة 10 لتر لان الزيت يكون محصور بين علامة max & min واقصي كمية زيت هي 4 لتر او اكثر بقليل

---

ابقى ابص على لون الدخان اللى خارج من الشكمان يا باشا بأذن الله....

انا عندى المقياس ,,من فوق max. ومن تحت min. وفى النص 10L ,,,,,مفتكرش ان مقصود بيها ان فى 10 لتر فى الموتور ,.,,اعتقد ان المقصود بيها وجود الكمية القياسية من الزيت فى الموتور ,,والله اعلم....

والله يا شباب حتى انا..قدرالله بعد اذن صاحب الموضوع لانه نفس المشكلة انا مشكلتي مع السيارة هذي شهريا لازم احط فيها حاجة بس ما نقول الا الحمد الله المشكلة انه تركتها اسبوع بدون تشغيل الا يوم واحد شغلتا بس حق دققيتين وطيتها اول امس شغتلهاعلى اساس احركها وانا بسخنها اسمع صوت تك تك تكت تكت بسرعة انا خوفت وطفيتها شفت عيار الزيت واحصل لون الزيت مايل للبياض طبعا تركتها شويا وشغتلها وسخنت والصوت راح بس فيه تفتفه بسيطة ورجفة في الموتر المهم رحت للمهندس شاف العيار الا ما في ولا شي لون الزيت طبيعي بني غامق على اسود يعني محتاج تغي غيرته ودحين لونه طبعيي بس الرجفة تخوف وكمان الوصت يجي ويروح على خفيف وعزمها حلوة ما في شي وانا خايف والله مررة قدي انا دفت فلوس في السيارة الن طفرت ماعنيد ولا شي وانا اسف اني طولت في الموضوع والله ..

اقتباس:

---

المشاركة الأصلية كتبت بواسطة 3ateef

تجديد ::::

بدل ما اعمل موضوع جديد,,,وكون ان المشكلة برضة مختصة بالزيت....


قبل ما اغير الزيت كنت لما بشوف مستواه على المقياس كنت بلاقيه على شرطة ال min قلت جايز اتبخر او حاجة,,خصوصا انه كان فى الاخر,,,او جايز فى تنقيط (احتمال بعيد),,,,,ولما نزل كانت كمية الزيت طبيعية جدا...


ودلوقتى بعد تغيير الزيت,,,ومن اول يوم بعد تغييره,,كل لما آجى اشوف مستواه الاقيه برضه على شرطة ال min,ومش عايز يوصل حتى لشرطة ال 10 لتر,,,,,,فكده افتكر احتمال التنقيط او التسريب اتلغى,,,,,وفى مشكلة فى حاجة تانى انا مش عارف ايه هىَّ....

افيدونى افادكم الله....

شكرا..

---

مش فاهم...

يعنى لو انت غيرت زيت النهاردة و المقاس كان على الMAX... تانى يوم بتلاقيه على الMIN؟؟

لو كدة يبقى اللى حط الزيت محطش كمية مضبوطة لان صعب اوى تحرق لتر زيت (المسافة من الMAX الى الMIN تساوى لتر كامل) خلال 24 ساعة بدون اى دخنة او ان يتسرب من المكنة لتر زيت بدون اى اثار على جسم المكنة او الارض

MMamdouh

اقتباس:

---

المشاركة الأصلية كتبت بواسطة MMamdouh

مش فاهم...

يعنى لو انت غيرت زيت النهاردة و المقاس كان على الMAX... تانى يوم بتلاقيه على الMIN؟؟

لو كدة يبقى اللى حط الزيت محطش كمية مضبوطة لان صعب اوى تحرق لتر زيت (المسافة من الMAX الى الMIN تساوى لتر كامل) خلال 24 ساعة بدون اى دخنة او ان يتسرب من المكنة لتر زيت بدون اى اثار على جسم المكنة او الارض

MMamdouh

---

لأ يا استاذ محمد,,,,انا من اول ما حطيته وهو على شرطة ال min.

شكرا على اهتمامك يا استاذ محمد...

بعد اذن صاحب الموضوع الدايو الانوس كم علبة تاخذ زيت مع السفيون وبدون سيفون عشان لا تنعدم وجه البلوف وحاجة ثانية ايش افضل زيت للا نوس انا استخدم بترومين الترا 7 الرصاصي .. شو اريكم0 2 / 50

طيب ايه أحسن نوع flush oil و بكام تقريبا؟

اقتباس:

---

المشاركة الأصلية كتبت بواسطة 3ateef

لأ يا استاذ محمد,,,,انا من اول ما حطيته وهو على شرطة ال min.

شكرا على اهتمامك يا استاذ محمد...

---

طيب معلش كدة يبقى انت بتشتكى من ايه؟

ما انت فى الاساس ضابط الزيت على الMIN تانى يوم لقيتة على الMIN برضة... صح كدة ولا انا فاهم غلط؟؟

MMamdouh

اقتباس:

---

المشاركة الأصلية كتبت بواسطة makkahboy

بعد اذن صاحب الموضوع الدايو الانوس كم علبة تاخذ زيت مع السفيون وبدون سيفون عشان لا تنعدم وجه البلوف وحاجة ثانية ايش افضل زيت للا نوس انا استخدم بترومين الترا 7 الرصاصي .. شو اريكم0 2 / 50

---

هو ايه السيفون دة؟؟؟ اصل فى مصر له معنى تانى اكيد اكيد غير اللى انت تقصدة

لو قصدك فلتر الزيت يبقى العربية بتاخد 3.75 لتر مع الفلتر... و حسب الكتالوج لازم تغير الفلتر مع تغيير الزيت بالتالى مفيش قيمة لكمية الزيت بدون تغيير الفلتر

الزيوت المنتشرة فى مصر هى زيوت موبيل و شل... عادتا ما بنستعمل اما موبيل 1 او شل هيلكس الترا

MMamdouh

مشكور يا استاذ ممد على قلولك هو فلتر الزيت بس السفون بلغة البنشري او مغير الزيت ...

اقتباس:

---

المشاركة الأصلية كتبت بواسطة MMamdouh

طيب معلش كدة يبقى انت بتشتكى من ايه؟

ما انت فى الاساس ضابط الزيت على الMIN تانى يوم لقيتة على الMIN برضة... صح كدة ولا انا فاهم غلط؟؟

MMamdouh

---

هو كان بيبقى فى الاول على شرطة ال max. بس المرة دى من اول ما حطيت الزيت وهو على شرطة ال min.

بس ف انا مش فاهم فى ايه ؟

طيب ما تكمل المستوى للMAX الاول و بعدين تتابع اذا كان فية نقص... انت ليه مثبت على الMIN؟

MMamdouh

اقتباس:

---

المشاركة الأصلية كتبت بواسطة MMamdouh

طيب ما تكمل المستوى للMAX الاول و بعدين تتابع اذا كان فية نقص... انت ليه مثبت على الMIN؟

MMamdouh

---

اصل فكرى المتواضع فى الموضوع ده يا استاذ محمد وصلنى لأنى كنت فى الاول بحط 4 لتر وبيبقى على شرطة ال max. ودلوقتى بحط نفس الكمية بس بيبقى على شرطة ال min.,,,,,فأنا مش فاهم فى ايه
S:

معلش لحظة عشان افهم الدنيا...

انت حايا بتحط 4 لتر بالكامل و بالرغم من كدة الزيت بيوصل لعلامة الMIN فقط؟؟

MMamdouh

اقتباس:

---

المشاركة الأصلية كتبت بواسطة mmamdouh

معلش لحظة عشان افهم الدنيا...

انت حايا بتحط 4 لتر بالكامل و بالرغم من كدة الزيت بيوصل لعلامة الmin فقط؟؟

mmamdouh

---

بالظبط كده يا استاذ محمد...

دة موضوع غريب جدا

اكيد الكارتيرة موسعتش من جوة فا ال4 لتر مبقوش يملوها زى الاول... اكيد فيه حاجة غلط

متاكد ان مقاس الزيت بيركب مكانة مضبوط و ان هو نفسة مش معووج؟

متاكد انك بتقيس الزيت و العربية واقفة على ارض مستوية؟... و انك بتقيس الزيت بعد ما تبطل الموتور بفترةلا تقل عن 10 دقائق؟

MMamdouh

اقتباس:

---

المشاركة الأصلية كتبت بواسطة mmamdouh

دة موضوع غريب جدا

اكيد الكارتيرة موسعتش من جوة فا ال4 لتر مبقوش يملوها زى الاول... اكيد فيه حاجة غلط

متاكد ان مقاس الزيت بيركب مكانة مضبوط و ان هو نفسة مش معووج؟

متاكد انك بتقيس الزيت و العربية واقفة على ارض مستوية؟... و انك بتقيس الزيت بعد ما تبطل الموتور بفترةلا تقل عن 10 دقائق؟

mmamdouh

---

كنت بقيس بعد 5 دقايق...
آسف يا استاذ محمد عشان بسأل كتير...
بص حضرتك انا هعمل الآتى,,,
لما اروح بالعربية مشوار الى حد ما طويل وتكون سخنة وزى الفل حبطلها على ارض مستوية واستنى 10 دقايق واشوف ايه النتيجة,,,وبأذن الله خير...

شكرا على اهتمامك يا استاذ محمد....