مــا هــو رأيــكم فى الأستـــــرا إنجــــوى؟
السلام عليكم
اية رأيكو يا رجالة في الاسترا انجوي و تستاهل ال 150 الف ولا كتير عليها دي مواصفات العربية .
5 سرعات ايزي ترونك - جنوط 16 - التحكم في الكاسيت من الدركسيون (multi function) - راديو و سي دي اوديو - 4 اير باج - فوجات امامي و خلفي - مرايات تقفل كهربائيا - بتدور بدون مفتاح زرار استارت - مسند زراع امامي - زرار تحويل للطابع الرياضي و دة بصراحة مش عارف بيعمل اية - كمبيوتر لوحة القيادة .
شكرا يا استاذ CryptonX و استاذ احمد و استاذ ابو علي لاهتمامكم
الامبيرزا الSTI الFull Options ب 135 الف جنيه و ياباني 100%
-انا رحت بصيت علي العربية ماشاء الله كويسة بس من وجهة نظري ان الاسترا تقفيل احسن و اوسع بالنسبة لي و عشان موضوع الهاتشباك مش مشكلة مدام العربية واسعة و الشنطة مش صغيرة متهيئلي 375 ليتر مش وحشين وفرقها مش كبير بالنسبة لعربيات كتير سيدان .
السكودا فابيا الشكل الجديد تماما هتنزل في التوكيل ،، 1600 cc ب 140 الف ده اللي سمعته من التوكيل و سكودا عربيات ماشاء الله عليها و اهم حاجة عندهم الثبات
-الفابيا طبعا حلوة بس اعتقد انها فئة اصغر من الاسترا هي تعتبر فئة الكورسا ومتهيئلي انها هتكون اصغر حجما و وسعا من الاسترا و 140 الف كتير اوي عليها
وبخصوص السيات كان في مقارنة هنا في المنتدي بين الاسترا gtc و بين الليون ومعظم الاراء كانت في صف الاسترا من حيث الشكل و التوكيل و مفيش فرق كبير بين الانجوي و ال gtc
وشكرا مرة تانية يا جماعة علي الاهتمام و انا هنتظر فورميلا الاهرام اهو فاضل علية حوالي شهر جايز يبقي فية عروض كويسة و ربنا يسهل