ممــكن معلــومات عن أوبـــل تيــجرا موديــلر 1997؟

**srogy** · 05-03-2008 11:15 PM

يا جماعة انا معروض عليا عربية اوبل تجرا مو 97 عادة فول اوبشن
لو فيه حد عنده خلفية عن سعرها
وهل هية عربية كويسة
ومنين اعرف اجيب قطع غيار ليها علشان العربية محتاجة فوانيس امامية ( لو حد يعرف سعرهم كام )

**Ahmad Allawy** · 07-03-2008 02:12 AM

ضوف يا باشا..
قدع غيارها تقريبا وعلي حد علمي القاصر.. و برضه الكلام محتاجين نتأكد منه من حد متخصص..
تشبه الي حد كبير و في منها كتير من حاجات الكورسا ال97
حتي الموتور بتاعها بيركب علي الكورسا دي..
قطع غيارها موجودة غالبا عادي..
و موجود حاجتها استيراد كتير.. في واحد ف الحرفيين اسمه العايدي.. شوف عنده..
اما بالنسبة للسعر هتلقيها في حدود ال45 الف تقريبا وعلي حسب حالتها..
علي اساس انها في نفس رينج الكورسا بس اعلي شوية صغيرة.. عشان 2 باب بس.. سبور يعني..
وموتورها اقوي شوية..
وبرضه رد الناس الاكتر خبرة هيفيدنا احنا الاتنين..
والله الموفق..

**bassam nagy** · 07-03-2008 02:31 AM

المشاركة الأصلية كتبت بواسطة Ahmad Allawy

ضوف يا باشا..
تشبه الي حد كبير و في منها كتير من حاجات الكورسا ال97
حتي الموتور بتاعها بيركب علي الكورسا ..

هى مع واحد صحبى والشكوى تتكون ان قطع غيارها موجودة فى التوكيل وغالية جدا ولو هاتجيبها من برة هادوخ عبال ماتلاقيها بس كاعربية تحفة

**srogy** · 22-03-2008 02:41 PM

لسه مفيش حد عنده معلومات
فين اهل الخبرة

**srogy** · 22-03-2008 02:41 PM

مشكربن جدا يا باشا على الرد مستنين اهل الخبرة

**Ahmad Allawy** · 22-03-2008 03:51 PM

والله الظاهر كده ان اهل الخبرة مش فاضيين اليومين دول؟؟
انا هاحاول اقنع المهندس اللي باصلح عنده العربية انه يعمل اكاونت هنا و بصراحة هيفقيدنا كتير..
بس واضح كده ان مفيش ناس كتير ليها تجارب مع العربية دي..
اذا كنت انا لما باحب اسأل علي حاجة لعربيتي اللي هي تعتبر منتشرة قوي عن التيجرا.. نادرا لما حد بيرد عليا بسرعة.. و لو حد رد وافادني مش شرط يكون من مالكي الكورسا..
هو بصراحة اوبل = فيكترا هنا لو سألت علي اي حاجة بسطة الف مين هيرد عليك.. لكن غير كده الموضوع محتاج شوية صبر..

**Ahmad Allawy** · 22-03-2008 09:44 PM

السلام عليكم..
شوف يا بتشت..
انا النهاردة كنت عند مركز الصيانه اللي باتعامل معاه..
وسألته عن التيجرا..
قالي هي كعربية متتركبش في مصر نهائي..
هاقولك ليه..
اولا ان موتورها 1400 سي سي ومحدش بيشتغل فيه كتير هنا.. مش زي ال1200 او 1000 بتوع الكورسا او ال1600 وال2000 بتوع الفكترا...وبالتالي قطع غيار موتورها واكيد عفشتها هيبقوا قليلين قوي.. وصعب تلاقي حد بيشتغل فيهم.. و في التوكيل اكيدج هتبقي الحاجة غالية جداااااااااااااااااا فوق الوصف..
واكيد اللي ساري علي الموتور ساري علي كل حاجة جتي الفوانيس و الاكصدامات و الحاجات الخاردية دي..
نصيحة لوجه الله ابعد عنها احسن.. هتصرف عليها اكتر ما هتستمتع بيها..
قولي كده انت عايز تيجرا بالذات يعني ولا اهي اوبل و خلاص ولا انت عايز تدفع كام و نشوف سوا كده ممكن تركب ايه بالمبلغ اللي معاك
وارجو اني اكون افدتك بدر استطاعتي..