الموضوع: كرسى الاطفال... ضرورة و ليس كمالية

لاحظت كتير جدا ان فيه ناس بتبقى معاها اطفال فى العربية و اما الاطفال دول بيبقةا على حجر احد الاشخاص او قاعدين مع نفسهم فى السيارة بدون وجود كرسى للطفل

يا جماعة الموضوع دة خطير جدا جدا... اكيد محدش فينا نفسة ان ابنة او بنتة يحصلة مكروة... بس عدم استخدام وسيلة الامان غير مقبول خالص... احنا ماشيين بالبركة و دة مش صح خالص... خصوصا اننا بنتكلم عن اعز ما يملك الانسان فى الحياه...

انا لقيت بعض الفيديوهات و حبيت احطها للتوضيح عشان الصورة توصل بالكامل... طبعا دى اختبارات باستخدام دمى التصادم المعروفة... بس اللى عندة اولاد حيحس بجد بالرسالة اللى عايز اوصلها من خلال الفيدوهات دى

اولا دة فيديو للحالة اللى بتشوفها دايما.... الطفل فى حجر شخص بالغ... و على فكرة الموضوع مش حيختلف كتير لو كان الشخص البالغ لابس الحزام لان الطفل حيندفع برضة فى اتجاة تابلوة العربية... و طبعا حتبقى كارثة لو حزام الامان كان رابط الطفل مع الشخص البالغ

YouTube - Crash test:Child in mothers hands/ذ.ذµذ±ذµذ½ذ¾ذ؛ ذ½ذ° ر€رƒذ؛ذ°ر… رƒ ذ¼ذ°ر‚ذµر€ذ¸

دة فيديو لطفل كبير شوية بيستعمل حزام الامان بتاع البالغين...

YouTube - Adult belt is not enough

دول فيديوهين لكراسى الطفل الصغير... فية الكرسى الصغير اللى بيبقى مناسب لحدثى الولادة لحد سنة تقريبا و دة بيبقى راكب بشكل عكسى على الكنبة الخلفية عشان الاطفال الصغيرين معندهمش القدرة على رفع رقبتهم و تحمل وزنها و التحكم فيها و فى بعض المقاطع فية الكراسى الكبيرة اللى بيقعد عليها الطفل بشكل مواجه للطريق

YouTube - Crash test - baby seats crash test - emotional video

YouTube - Child safety seats - crash test

ياريت محدش يعتبر الموضوع بسيط... دى حياة و سلامة اولادنا

MMamdouh