المشاركة الأصلية كتبت بواسطة Moh.Abdelbaset
ياااااااااه..أخيراً في حد عارف الغيب وعلى اطلاع بالملأ الأعلى!!!!!
و عرفوا إن الشرطة هي سبب الخراب و هي اللي قامت بالسلب و النهب!!!
يا ريت يا جماعة تعرفولي أنا هموت امتى!!!!!!!
أنا هتكلم عن قسم ثالثا القاهرة الجديدة علشان في منطقتي و قريب من بيتي
المنظر يوم السبت ظهراً كان بشع بمعنى الكلمة
عشرات البلطجية و أهالي المحجوزين في القسم..خاصة النسوان (أنا قاصد اللفظ ده) اللي بتقود الرجالة اللي قدامها
رئيس مباحث القسم اللي نجاه و لحقه بعد ربنا الجيش جابوا من القسم جوه من وسط البلطجية
يعني ده مثال قدامي إن مش كل الشرطة هربت..و فيه ظباط قاوموا لآخر لحظة
بعد ما البلطجية كسروا القسم و خرجوا المتهمين طلعوا على فيوتشر مول وده على بعد 250 متر تقريباً من القسم
الشباب كان لم نفسه و دافعوا عن المول و الجيش جه وقف معاهم
فعلاً سبحان من نجا و أنقذ المول
و بعد صلاة العصر مباشرة من يوم السبت و الشباب و آبائنا و أجدادنا واقفين في الشارع
و انا امبارح بنفسي موقف ظابط شرطة و شفت كارنيه و قلتله حمدأ لله على سلامتك
غير ظباط الشرطة اللي عربياتهم اتفشت في الايام السابقة
و كانوا بيشكرونا و بيقولولنا تصرفكوا صح و منهم ناس بتقف معانا بأسلحتهم المرخصة في الشارع
و القسم اللي عندنا شبه عاد إلى طبيعته في إنتظار وصول الحد الأدنى من العساكر
----------------
بلاش رمي الاتهامات جزافاً بغير علم حتى لا نتعرض لغضب الله