للاسف مش هيحصل لان حبيب لو اتكلم هيبقى عامل زى العقد اللى اتفرطت و هيجيب وراءه ناس كتيير ممكن حسنى يكون منهم
مش كل ضباط الشرطة ... دول القيادات القذرة .
الضباط العاديين لقو الأقسام إتحرقت و الناس بيجروا وراهم و مفيش قيادة مش لاقى أوامر و بيته بيستنجد بيه ....
بدون وثائق
الادلة كلها تؤيد ذلك
خيانة منظمة للبلد ومش عارف لصالح مين
مجرد تسبيب لحظر التجول , و ترويع للمواطنين الآمنين ليطالبوا بعودة امان العادلى المزيف !!!
خطه ساذجة و هبله
بس اضرت بالبلد ايما ضرر
يجب ان يحاكم العادلى بتهمة الخيانة العظمى
اعتقد ان المشكله في العادلي مش مبارك
مبارك زيه زي معظم القاده الله عندهم الف مهمه فبيبتدي يتكل على اشخاص المفروض انهم موثوق بهم علشان يحلوا المهمات الداخليه للبلد و يخلوه يتفرغ للعلاقات الدوليه أو الخارجيه بشكل عام
طبعاً الناس ديه مش عندها زمه و طماعه و دايماً تقاريرها كله تمام يا ريس و هما من تحت لتحت مع ولاده واكلين البلد.
وخصوصاً ان رد فعل الناس كان دايماً محب لمبارك و كأن مفيش اي مشاكل و بالتالى كان مقتنع بترحيب الناس بقترحات الناس الوحشه اللي تحتيه.
مبارك فوجىء بالوضع و خصوصاً لما العادلي حب يفرض سياسة تفريق المظاهره عن طريق تعميم الفوضى و جعل التفاف الناس يتحول من الهدف العام الى الخاص وبالتالي كل واحد يروح بيته و يحرس ممتلكاته " من ناحيه يدي فرصه لنفسه يهرب و من التاحيه الثانيه يلحق يقلب البلد بسرعه فسحب الشرطه.
مبارك فرض حظر التجول و نزل الجيش علشان يلحق البلد "واحد غيره كان جري و سابها تخرب"
مبارك عاش متمسك بالرئاسه "علشان كده عدل الماده 76 قبل كده" و ديه كانت غلطته الوحيده و اللي طمعت كل اللي حواليه أكتر.
انا مع اعطاء فرصه لمبارك يلم زبالة الناس الزباله و ينضف البلد قبل ما يمشي و يتابع كل حاجه بنفسه "علشان كده حط معاه نائب علشان يتابع الشئون الخارجيه مش الداخليه و يفضي نفسه للشئون الداخليه بقدر الامكان"
كل ده من وجهة نظري و الله اعلم
انا مع مبارك الفتره اللي جايه لحد الانتقال السلمي مع تحفظي على قانون الطوارىء و الماده 88
و شكراً و اسف على الأطاله
عايز تضيع300شهيد هدر؟عايز قانون الطوارىء يستمر و ألاف يترموا فى المعتقلات كل يوم و اللى بيحصل فى ميدان التحرير مجرد بداية؟يبقى ما تنزلش يوم الجمعة
لكل مصرى مش قادر يفهم انه الموت افضل من حياة بلا حياة
احنا حبين نكون خرفان و مش قادرين نتصور اننا بنى ادمين احرار مش عبيد لنظام؟هو الشعب اتعود على الفقر و الذل؟
زعلان لان الشباب بيموت علشنا واحنا لازم نفهم ولو مش شاركنا معاهم على الاقل ندعمهم,الساكت عن الحق شيطان أخرس