اشهد الله العظيم
انه بعد اليوم ليس رئيسي
وابريء زمتى امام الله
ليس من اختياري وليس رئيسي
ونسال الدعاء لشهداء وضحايا هذا النظام
عرض للطباعة
اشهد الله العظيم
انه بعد اليوم ليس رئيسي
وابريء زمتى امام الله
ليس من اختياري وليس رئيسي
ونسال الدعاء لشهداء وضحايا هذا النظام
وهل حضرتك سبق لك وانتخبتهم كى تتبرأ منه الآن ؟
الناس تقوم تصلي
الوضع دلوقتي بين إيد الله
ولله الأمر
قوموا صلوا للناس إلي بتندبح دلوقتي في التحرير ..للتحرير
هو راكب دماغة هنعمل ايه وبعدين لو مشي دلوقتي هيبقى رئيس مخلوع وستكتب في التاريخ الرئيس المخلوع
ولو مشي في الانتخابات في سبتمبر يبقى رئيس راحل وانا شايف ان كفاية كدا وان الراجل دا من حقة
ان يمشي وقت الانتخابات ويبقى رئيس راحل والسبب انه القائد الاعلى للقوات الجوية وصاحب الضربة الجوية
في حرب اكتوبر 83 ثانيا الامان ودا صعب في الزمن دا والحكمة بتاعت الريس اهم اهم....لازم نحسب له دي يا جماعة هو صحيح طماع ومش عاوز يسيب السلطة بس خلاص احنا عملنا كتير الاسبوع الماضي الحكومة اتغيرت وهو ان شاء الله فاضل 6شهور ويمشي ولو عمل حركات الا ورشح نفسة للرئاسة تاني ادينا عارفين حنروح فين _ميدان التحرير وربنا يستر على البلد دي دلوقتي لان حالنا لا يحسد علية الناس بتولع وبتكسر في بعض ....................يارب سلم يارب سلم
ليس رئيسي
لية يا جماعة
دا الراجل باعت شوية بلطجية عشان يعملوا معاكم واجب
شعب مبيهمش فى الواجب
احلى سلام لبتوع اديلوا فرصة يكمل الفترة الرئاسية
ليس رئيسي أبدا
لا حول ولا قوة الا بالله
كيف لك ان تحكم على ما ارغب فيه
ولماذا لم تفسر مقولتى باننى لم اعترف به يوما رئيسا ولهذا فلست فى حاجة لان اتبرأ منه الآن
ربما تبرأت منه من سنين من يوم ان ترك الفساد ينتشر فى البلاد
فقد بدأ الفساد فى مصر من قمة الهرم وصولا لقاعدته
ولا اعتقد ان انهاء هذا الفساد سيبدأ من القمة وحدها
تحديا منى لسياسة اليهود التى تطبق على الشعب اليوم
فسأسامحك على ما اتهمتنى به
شاركي
يتنحى ..والناس هترجع لبيوتها
وعمر سليمان يكون الرئيس مؤقتا
لحين إنتخابات خلال 60 يوم ...يختار الشعب من يختاره بإشراف القضاء .الجه الوحيدة الشريفة في البلد
ردي كان واضح وغير موجه ليكي
انت سالتينى ان كنت اخترته قبل كدة
وردي كان انه موجه للي بيطالبو ببقائة
مش عارف خدتى الكلام انو موجه ليكي ازاي
وتعليقى على كلامك
الثعبان يقتل من راسة وليس من زيلة
واذا فسدت الراس فسدت السمكة
سؤال موجه الى مشرف القسم لماذا تم دمج موصوعي في هذا الموضوع
اللى انت بتقوله دا مش شرعى و الشعب مش حيتفق عليه لإن اللى فى التحرير حاليا مش عايزين اى حد من النظام اصلا
و هو مين اللى انتخب عمر سليمان أصلا علشان يمسك
دا مبارك اللى جابه يعنى من نفس النظام و الناس عايزه مبارك يمشى !
الدستور بيقول رئيس مجلس الشعب يمسك لحين اجراء انتخابات خلال 60 يوم على الدستور القديم مش التعديل اللى عايزينه !!!
يا جدعان تونس قدامنا عملوا اللى بتقول عليه دا و مسك الغنوشى اللى كان كان بعديه و دا كان مخالف للدستور و اعترضوا و حاليا ماسك رئيس الوزراء و برضه معترضين و مازالوا حتى الان رغم مرور شهر منقمسين و لا جديد عندهم و بلدهم فى النازل
ارجوكم لا نريد ان نجعل بلدا مثل العراق و تونس
نريدها مستقرة و دا مش حيحصل اللى بإنتقال سلمى
اولا خطاب الرئيس جاء ليلبى مطالبنا ويحمى لمصر كرمتها التى هى من كرامه رمزها
ثانيا كل من حولى مطمئنون لمضمون الخطاب ومتفقون معى
ثالثا صوت العقل يقول ان ما فرط فيه لثلاثون عاما لن ياتينى فى يوم واحد
الأغبية حولين الرئيس شالوا عنه آخر شرعية بعد هجوم البلطجية بتويل الحزب اللا وطني لهم
أغبيه فحت و الله
و الروح المعنوية عالية جدااااااااااااا بعد ما هبطت إمبارح
الأغبية أدوا المتظاهرين فرصه تانية و قوه و سبب تاني للتظاهر
أغبية و منافقين
و ليه حضرتك متـأكد قوى انهم اللى حوالين الرئيس و مايكونش ناس عادية مفقوعة من اللى بيعملوا الأحزاب من مظاهرات هدفها عدم استقرار البلد و انهم يمسكوا السلطة !!
يا جدعان خلينا نفكر بالعقل
واحد كسب تعاطف معظم المصريين بعد خطابه ليه يروح يدبح فى المظاهريين بعد كده
عايز يضيع التعاطف دا !!!!
يا جماعة فيه مؤمرات كثيرة على مصر و لا تريد لها الأستقرار ياريت نصحى و مانمشيش وراهم
الناس دى اول لما لقت البلد حيتحقق لها الديمقراطية و حتكون اول دولة عربية لها رئيس منتخب شرعى بمدد محدده و غيره من التعديلات السياسية الغير موجودة عن البعض
و رأو ان الناس بدأت تهدأ و ترى انها حققت هدفها بدون خراب مصر
لم ترضى ذلك لإنه ليس هدفها هدفها هو عدم استقر ار البلد
اللهم بلغت اللهم فاشهد
يا جماعة الموضوع طول اوى اوى
وكدة الخراب بيزيد يوم عن يوم
احنا قاعدين من ورا الكيبورد وبنكتب وبس
لكن فى ناس بتعانى معناه جامدة كل يوم
الدنيا حالها واقف
ادامى النهاردة الناس الغلابة بتدعى على التظاهرين كلهم
وانهم السبب فى اللى هما فيه
الحاجة زادت النص وان لاقيتها
الخساير كل يوم بتزيد
الله اعلم ايه اللى هايحصل بعد كدة
انا من رايى ان مبارك يستنى فترته لان دا فى مصلحة الكل
وفى مصلحتنا قبل مصلحته ومصلحة امريكا واسرائيل
تعليقاً على بعض النقاط المطروحة فى النقاش من الاخوة المعارضين لبقاء مبارك فى الفترة الحالية
امبارح فى لقاء رئيس الوزراء الجديد فى برنامج الحياة اليوم الراجل اتكلم بما يبدو صدق وصراحة والله اعلم عن كل قرار وتعيين وعزل فى الطاقم الوزارى واعلن استعداده لتوضيح ظروف كل وزارة ودعا المحاورين لتحديد الاسماء للنقاش
ولمن لم يرى الحوار كانت مبررات تواجد بعض الوزراء القدامى هو وجود ملفات مفتوحة فى ايديهم يحتاج توضيحها للوزراء الجدد اشهر والوضع الحالى لن يسع الوقت للتوضيحات ولكن اكد احمد شفيق ان اسلوب عمل اى وزير جديد تحت قيادته هيختلف تماما عن الحكومة السابقة وهو اللى يسأل عن الوضع بعد الاستقرار ويحاسب على اختياره ومش كمدير بلطجى ولكن كراجل صاحب خطط مدروسة ونجاح مشهود ، ده بجانب اشارة الراجل لحاجة محدش فينا فكر فيها
ان بعض الوزارات عرضت على مرشحين كتير ورفضت ، وبالتأكيد منهم الاعلام والقوى العاملة لحساسية وضعهم حالياً ورفض اى مرشح التدخل فى قلب النار خاصة فى الوضع الحالى وعلشان كدا الراجل قال فى وزارات مازلت ابحث عن وزراء جدد لها لكن اعلنت الوزارة بالشكل الحالى كسباً للوقت واكد انه زى ما كان بيغير ناس فى حيز زمنى صغير جدا ايام وزارته لعدم تحقيقهم اى تقدم هيتعامل مع الوزراء بنفس الاسلوب ولما اتعين رئيس وزراء كان ده اسلوب عمله اللى الرئيس وافق عليه
احمد شفيق من وجهة نظرى رئيس وزراء ولا فى الاحلام بالنسبة لمصر راجل شفاف وصادق وصاحب فكر عالى ونجاح مشهود ، يارب ما يخيب ظنى فيه
عمر سليمان لو نفتكر من فترة كانت الناس بتعمل حملات علشان ترشحه للرئاسة ، دلوقتى بقا وحش !!!
رئيس الوزراء امبارح عن التحسن فى كل اوجة الحياة فى مصر وكان بيأكد فى كل كلامه انه شخصياً يحاسب عن اداء الوزراء ، اتكلم عن خططه للعمل وازاى ان مكتبه مفتوح لأى حل افضل من حلوله يتم تطبيقه حالا
الفرصة يا جدعان ، محدش بيتعامل مع حد فى شغل الا لما بيجربه الاول وبعدين يكسب او يفقد الثقة
30 سنة الناس فقدت الثقة فى الريس لكن الحكومة الجديدة فعلا جديدة ادوها فرصة ، احنا مش عارف ليه بندوس فى الوحل اكتر وبننسى ازاى ان مجرد خطاب رئاسى استجابة لضغط الشعب دى كسرة كبيرة لهيبة الرئيس فى مصر يجب اننا نقابلها بإستجابة والا الشرعية فى مصر هتبقى مهددة للمهاجمة فى كل قرار مش عاجب شوية من الشعب
يا جدعان الراجل خلاص مش هيقعد ولا هينتقم وخلاص الفيلم بالنسبة له خلص بس هو مش عايز يخرج من البلد مطرود ، حد سمعه امبارح بيقول انه هيموت فى مصر ، وهل حد فيكم متوقعه يعيش اكتر من سنة بالحسرة اللى هو فيها دى ؟؟؟
ليه منقولش ان اللى عملوا شغب النهاردة مدسوسين من ناس بتنتقم من الشعب على اسقاط النظام ، البلطجية بنفسهم وايمن نور قالوا ان اللى مأجرهم نواب مجلس شعب ، خاصة ممن صدر ضدهم طعون يعنى دى ناس هتتكنس وبتنتقم
ارحموا عزيز قوم ذل يا خلق الله ، وارحموا البلد اللى بتتهد وكل واحد فيكم فلوسه سانداه عايزه يبص بكرة ان فلوسك هتبقى بنكنوت يادوب يدفيك فى السقعة ومش هتلاقى سلع تقابله
انا عايز كل من بيقول الرئيس يمشى دلوقتى يقفل عينه ويتخيل منظر واحد ، الريس مشى .... عمر سليمان مسك .... البلد مش عايزاه ..... مظاهرات ضد الحكومة الانتقالية ..... كل حزب وحركة بقا بتنظم صفوفها للحصول على الرئاسة والله اكبر بقينا فى حرب شعبية كل واحد ماسك فى رجل من كرسى الرئاسة والحاشية بتاعته بتطبل له املا فى كرسى جنب الشباك والبلد واقفة واللى معاه فلوس بيخلع برا بيها ونبقى زى الصومال مش لاقيين ناكل وبنتخانق على الحكم وده وضع قد يستمر لسنين
ارجوكم كل منكم يحاسب على كلامه انه ممكن يكون اثارة للفتنة وهو مش حاسس ، الريس خلاص محدش بيتلسع بالنار ويرجع ينفخ فيها تانى والشعب ده بقا خلاص معروف انه قابل للإنفجار
اللهم فك الكرب واصلح حال عبادك وسلمنا من الفتنة
بدليل ما يحدث فى التحرير الآن
لقد اقر الفريق احمد شفيق بانه مسؤل عن كل الوزراء بما فيهم الداخلية
اليس كذلك
ام ان سيادة الفريق غير مسؤل عن وزير الداخلية الذى اعلن بالامس كامل ثقته فيه وفى تحول الشرطة
فى مصر فى عهدة الى كيان مختلف على غرار اجهزة الشرطة فى اوروبا
وزارة الداخلية اعلنت ان المخربين مش خارجين للميدان بأوامر من الوزارة ، ان كان اتمسك رجال شرطة منهم فهم من ضمن الفئة الفاسدة المعروفة واللى منها موجود فى كل فئات الشعب مش بالضرورة ندير دفة الخراب دايما فى وجه الوزارة الجديدة وبالتأكيد ان مش كل تحركات لرجل شرطة فى الشارع تعنى انها بأوامر والا مكانش اللى اتمسك منهم قال انه طالع برشاوى من نواب من مجلس الشعب
ده بعيداً عن الانباء اللى اتقالت ان من اللى معاهم بطاقات اثبات شخصية للشرطة مزورين
على كل موقف الراجل كان واضح واكد انه على استعداد للإستقاله لو لم يتم وقف المهازل اللى بتحصل وكل الجرايد دلوقتى بتتكلم عن ضغط الحكومة عليه للبقاء ومن جانبنا مفيش غير الوقت للتأكد من صدقه او كذبه لكن الاستمرار فى العناد مش هيؤدى الى حل
صدقنا الريس 6 ساعات فكانت مذبحة التحرير - بعد 6 شهور يحصل اية
ده احنا ها نتروق فى الستة شهور دول .. ربنا ينجينا يا اخى من الفتنة دى والله ويرد مصر الى بلدا امنا ان شاء الله
يا نهار اسود سؤال مرعب
من يُسلِّم أولا سيخسر كل شيء
ههههههههه حنتنفخ نفخ الخروف بعد ميتدبح وبعدين يتسلخ
تحيا الدمقراطيه
البلد كلها هتتنفخ وتتسلخ انا ادعو الله ان يخلع خارج مصر وبعدين يا اخونا لو لا قدر الله ميدان التحرير فضا هيكون فيه حمله اعتقالات رهيبه في صفوف المتظاهرين والاخوان المسلمين والمعارضه هتتنفخ وسقف الحريات هيتهد والحزب هيمارس بلطجته
اذا كان في الظروف دي الحزب خرج البلطجية , امال لو الناس انسحبت و رجعوا بيوتهم هيعملوا ايه ,
دول بقوا كلاب مسعورة ,
ربنا يستر على مصر و يفرج الكرب اللي احنا فيه .
............
اه اه اه اه
يا ربي اهدني واهدي المسلمين
انا بتعجب من الناس اللي بتقولك كفايه خلاص
والله ثم والله لو كان احد منهم دخل قسم شرطة مش هقول معتقل من معتقلات امن الدولة
لكان اتكلم بحق ربنا
ولكن اللي ايده في الميه مش زي اللي ايده في النار
مشكلتنا مش بنحس ببعض
وكل واحد شايف ان حياة الآخرين زي من حوله او حياته هو
لا يدري ان هناك ملايين غيره لا يعرفوا ما يعرفه هو ولا يأكلوا ما لا يأكله هو ولا يتمتعوا بما يتمتعه هو ولا . ولا . ولا . ولا
حسبنا الله ونعم الوكيل
الشباب فى التحرير بيقولوا لو رجعنا بيوتنا دلوقتى هيرمونا فى المعتقالات ......... ليهم حق ما ازمة الثقة بقت انعدام كامل كامل للثقة
http://www2.0zz0.com/2011/02/03/00/934335904.jpg
حسبى الله ونعم الوكيل
:beatdeadhorse5::beatdeadhorse5: