لا للتخريب .... نعم للإستقرار
بنحبك يا ريس
عرض للطباعة
لا للتخريب .... نعم للإستقرار
بنحبك يا ريس
دخول عناصر مأجوره بالخيول و الجمال و سيارات تقودها الخيول!!!!!!!!! مسلحين باسلحة بيضاء و عصي و قاموا بالاعتداء على المعتصمين! و انسحاب الجيش عن اماكن الاشتباكات
مبروك عليكوا يا مؤيدين مبارك! ريسكوا بيرسل لكم تحياته و بيديكوا صورة مقدمة لفترة حكمة الديموقراطية القادمة محملة بالديموقراطية و حرية التعبير و الانسانية و حفظ حقوق الانسان!
فليبدأ التاريخ في تسجيل ارتفاع عدد الضحايا و الشهداء و المصابين لتمسك مبارك بالحكم!
السلام عليكم ورحمة الله وبركاته
في قناة دريم اليوم 2 فبراير برنامج صياح دريم
مداخلة من استاذ في القانون ابراهيم درويش قال ان هذه محاولة التفاف لان الدستور اساسا لا يصلح الدستور سنة 71 تم تزويره بعد انا كان دستور برلماني
ثم عدل سنة 80 ليصبح مدد ولاية الرئيس غير منتهية
ثم عدل مرتين 2005 و 2007 واصبح فيه مواد متضاربة لذا ان المفروض طرح صياغة لدستور جديد وليس تعديل مواد فقط
واضاف أن تعديل الدستور لن يأخد وقت ممكن خلال اسبوع او اسبوعين لن هناك تخيلات بالفعل كتبت عن هذا الدستور وهو قد اصدر كتاب به تلك التخيلات
ملحوظة انا تنقلت بعد الفاصل الي قناة اخري ثم رجع الي قناة دريم مره اخري وحدت علي البانر ان برنامج صباح دريم به عطل فني ثم عرض بدلا منه فيلم
بس عايز اسال سؤال واحد ايه الحكمة من تاخير او انتظار انتهاء الفترة الرئاسية لرحيل حسنى مبارك
يعنى الراجل زى ما احنا عارفين عنده نائب يعنى لو مشى دلوقتى فى واحد ليه صلاحيات الرئاسة بشكل رسمى تماما ومش فتحى سرور
طيب لو هى بادرة لحسن النية زى مالاخوة قالوا ليه ما كانش فيه دعوة لتقديم الانتخابات الرئاسية حتى !!!!!
باشا لو تعبت ارجع بيتك واتفرج علي الشعب بيموت ده ولو كانت الفرجة مش هتتعبك...
انا مش في مصر...بس تعرف اني من يوم الحمعة مش عارف انام ومتابع كل لحظة من اللي بتحصل في الشارع المصري لدرجة اني باجي الشغل مش قادر افتح عيني
صمت لله اكثر الايام علي قد ماقدرت وربنا يتقبل مني دعائي في الايام دي
يا جماعة بصوا للبلد شوية الراجل واتهز خلاص واتمسح بكرامتة الارض واستحالة هيرجع مبارك زى الاول بعنى انا شايف ان حجااات كتير اوى هو غيرها و مكنش حد فينا يحلم انة يعمل كدة البلد دلوقتى خربت والبورصة اتضربت والسياحة اتضربت وانهى مستثمر هيجى مصر تانى علشان يعمل فيها مشاريع بعد اللى حصل دة دة غير وقف الحال اللى البلد كلها فية انا عايز اقول اننا استحملناا 30 سنة مش قدرين نستحملة كام شهر وبعدين خلاص مبقاش فى قوة تقدر تمنع الشعب المصرى انة يتظاهر تانى و ميدان النحرير موجود هو هيروح فى حتة
اتخرسوا كلوا اللي بيقولوا عايزين ندي فرصه لمبارك ليه؟ اتخرستوا ليه! انا كنت بحذركوا من اللي حييجي بس اعتقد انه جه بسرعة جدا حتى اسرع مما تصورت انا!!!!!!
مبروك عليكوا التأييد
مبروك عليكوا مبارك و حقبة جديدة من الديموقراطية بحماتها من البلطجية ذوي السيوف و السنج و الصواعق الكهربائية
مبروك عليكم مبارك
مبروك عليكم عصر البلطجه و العبور للناحية التانية
كل ده بسبب الثقة المفقودة تماما و الكراهية الشديدة للحاشية الفاسده حوله والتخوف من عدم تنفيذ ما قاله
لكن ما فقدناه فعلا وشعرنا بنعمة ربنا علينا وهو الامن والامان الذي افتقدناه علي اهلونا
وصدق رسوله الله صلي الله عليه وسلم " من بات معافا في بدنه، آمنا في سربه عنده قوت يومه فقد حيذت له الدنيا بحذافيرها " او كما قال عليه الصلاة والسلام
هو لازم كل الشعوب يبقوا زي التوانسة والعراقيين
الثورة الفرنسية يا باشا قام علي كل الارستقراطيين وابادتهم وفتحت سجون كانت الناس بتتسجن فيها لحد ما يموتوا
شوف فرنسا دلوقتي...وشوف اليابان دلوقتي بعد ما كانت حكام...وشوف وشوف...لو انت شايف انك اقل من اي حد عمل مظاهرة ونجح وشال النظام ...يبقي الغلط فينا احنا....يبقي مكنش لازم المظاهرات والشهداء من اصله
أنا مش عارف الناس عايزه إيه تانى !!!
يا جدعان خلينا نحسبها بالعقل احنا من 30 سنه او اكتر كمان فى حد اتهاجم علينا فى حروب زى البلاد الاسلاميه التانيه
طبعا لا عشان حسنى باشا هوه الى الموجود بجد الراجل ده عمل حاجات كتييير
وانا بيتهيالى لو مشى هتشوفو ايام سودا جايه و حروب
انا عن نفسى بأيد حسنى مبارك و كمان عاوزة فى الانتخابات الجديده
مادام عايشين فى سلام عاوزين ايه تانى
ده كمان ربنا بيقول ( ادخلو ها بسلام امنين )
استهدوا بالله يا جماعة وعايزيين نتناقش بهدوء ومازلت باسال اللى عايز مبارك يقول لى على ميزة واحده ممكن نفتكرهاله اللى انا شايفه ان مبارك مالوش اى ميزة
لأن تداعيات الموقفين يختلف أحدهما عن الآخر .............. فالسؤال :-
حضرتك عايز تناقش و لّا تحط العقدة في المنشار ؟
أتوقع صدور قرار بين لحظة والثانية لتشكيل حكومة أئتلافية
السلام عليكم و رحمة الله
ادعو الله عز و جل ان تكونوا جميعا سالمين و ادعوه سبحانه ان يكشف عنا هذه الفتن و ان يرد المسلمين الى دينه ردا جميلا
لا استطيع الان ان اشارك في وأد هذه الفتن الا بهذه السطور وهي اقتراح للجنة الحكماء التي طالب بها كل العقلاء في مصر منذ بداية الازمة
لجنة تضم رجالا يثق فيهم كل المصريين مؤيدين و معارضين تكون ضمانا لوصول صوتنا نحن الشباب اساس هذه الانتفاضة الى الرئيس ونظامه و في الذات الوقت لا يستطيع النظام استمالتهم و لا شراء اصواتهم و لا يمثلون بشكل مباشر ايا من حركات و احزاب المعارضة بل يمثلون فقط مصر
لجنة تستمع الى اراء الشباب اولا و الى اراء احزاب و حركات المعارضة ثانيا و كذلك الى اراء النظام حتى نخرج من هذا المنحدر الى غد افضل
اذا وثق فيها شباب المصريين تصبح ردود افعالهم مرتبطة باراء هذه اللجنة اذا رأت من النظام استجابة كان بها و الا فستكون الاخرى و لا حول و لا قوة الا بالله
ارجو من الجميع ان يساهم في وأد هذه الفتنة و يتكاتفوا معا لصنع غد افضل بأذن الله
وهذه هي الاسماء التي اجتهدت في اختيارها بعضها يمثلني شخصيا و بعضها يمثل غيري وان اختلفت معهم و لابد للجميع ان يقبل بذلك لان هذا وقت الوحدة و ليس وقت التفرق
الدكتور زغلول النجار
الدكتور احمد زويل
الدكتور فاروق الباز
الدكتور مجدي يعقوب
الدكتور محمد غنيم
المهندس ممدوح حمزة
الشيخ نصر فريد واصل
الشيخ يوسف القرضاوي
الشيخ ابو اسحاق الحويني
الشيخ محمد اسماعيل المقدم
الدكتور عمرو خالد
الدكتور راغب السرجاني
الشيخ محمد حسان
الاستاذ جمال الغيطاني
الاستاذ حمدي قنديل
الا ستاذ عمرو موسى
الاستاذ عماد الدين اديب
المهندس رشيد محمد رشيد
مهاتير محمد رئيس وزراء مايزيا الاسبق مستشارا لهذه اللجنة
على ان يضاف اليها رجل دين محترم من رجال الدين الاقباط يختارونه بأنفسهم
و ادعو الله عز و جل ان يهدينا لما اختلف فيه من الحق بأذنه و ان يهيأ لنا من امرنا رشدا
حكاية صغيرة حصلت معايا
واحنا فى اولى اعدادى كان فية مدرس بيدينا مادة اسمها مجالات صناعية الراجل دة كان بيطلب حاجات وادوات من الطلبة علشان نستخدمها فى العملى وياويلة اللى ما يشتريش الحاجات دى المهم بعد كدة طلب من كل واحد مننا جنية ونص (مصروفى ساعتها 5 قروش ) علشان نعمل حفلة شهرية ونكافىء بيها اوائل الفصل فى اول الشهر ولمهم طبعا وعدى اول الشهر ونقولة فين الحفلة يا استاذ يقولنا لما الناظر يفضى وعدى الشهر التانى والتالت وهو مطنش ففى مدرس محترم عرف الموضوع وقلنا ادموا شكوى فية يا ولاد للوزارة وفعلا قدمنا الشكوى ...
وفى حصة من حصص المدرس دة لاقيناة داخل على غير عادتة قعد على الكرسى مطاطى راسة وبيكلمنا باستعطاف (اية اللى انتوا عملتوة دة يارجالة) وجايب معاة مدرس الالعاب زميلة (وبالمناسبة هو ابن الناظر) عمال يلومنا على فعلتنا الشنيعة واننا اتسرعنا ومايصحش كدة وفلوسكم فى الحفظ والصون وهترجعلكم و..و....
المهم بتلقائية وجرأة شديدة لاقتنى قاعد فوق التختة وايدى فى وسطى وبقولة احنا ما غلطناش ودة حقنا وكلام كبير ما كنتش اجرأ اقول نصة..... فجأة لاقيت كام واحد من اصحابى فى الفصل عمال يلومنى وواحد فيهم بيقولى بالنص حرام عليك ماهو هيرجعلنا فلوسنا هو مش صعبان عليك والله الواد كان ناقص يعيط....
وبغباء شديد اتنازلنا عن الشكوى ورجعت ريما لاقعدتها القديمة وانس الفلوس يا معلم .... يارب الرسالة توصل
مجازر على وشك الحدوث في ميدان التحرير تصديقا لوعود رئيسكم مبارك! لانه ليس رئيسي