+1
لله الأمر من قبل ومن بعد.
عرض للطباعة
انا مؤيد بقاء الرئيس حتى سبتمبر
الراجل دا لو ساب البلد دلوقتي البلد هتولع والناس هتاكل في بعضها
اذا كنت انتا وانا مش مامنين بالريس دلوقتي والراجل مشي خلاص ميييين هيامن لي عمر سليمان!!!!!!!
زي ما بيقولوا اتك على عقلك واصبر 6 شهور ونقبل بالريس احسن ما تتقلب وامريكا تيجي تعدلها
لصاحب الموضوع بصراحة عنوانة مستفزززززز جدااااااااااا
بس ياريت ما تعممش وان كان ولابد فخليها (وبحبك يا مبارك)
اللهم أجعل هذا البلد أمنا مطمئنا
ياريت يابيسو متزعلش فى الكلام اللى هقوله.......متتكلمش فى اى حاجه تخص السياسه لان واضح انك مخدوع زى ماكتير مخدوعين انت مش حاسس باللى بيحصل واللى كان بيحصل فى البلد من ضرايب ومعتقلات وخراب وغرق عبارات وحرق قلوب الناس وبلاوى تانيه كتير ...اثر فيك اوى وهو بيقول الخطاب,,,ومأثرش فيك الناس اللى بتموت وتتحرق وتتبهدل طول ال 30 سنه ...لاحول ولا قوه الا بالله
اقسم بالله الراجل دة هيبقى عقابه عقاب فروعووووووووون ولا ينتمى الى الاسلام بصله ولا يعرف الرسول عليه الصلاه والسلام وبلاش اتكلم اكتر عشان متوقفش
وبكرر كلامى ياريت متزعلش منى
اللي جايبينهم عمالين يعيطوا و يقولوا حرام عليكما اللي بتعملوه في الريس ! حرام عليكما! انتوا عايزين منه اييييييييه ما تسيبوه في حاله! انا اول ما سمعت ان الريس فاضله كام شهر و سايب البلد و ماشي رحت قايمة من ورا وابور الجاز و رامية الحلل من ايدي و مصوته و جايه على هنا جري و عمالة اعيط طول السكة و اقول الريس يمشي و يسيبنا! ازاي! دا لا يمكن يسيبنا ابدا داحنا خدنا عليه و خد علينا! دي حتى عشرة عمر! هو الضفر يخرج من اللحم ازاي! منكوا لله للي كان السبب! منكوا لله
الكلام اعلاه طبعا موجه للي عارفين نفسهم كويس! و على فكره الكلام ده مش تأليف لكني سمعته على البي بي سي العربيه النهارده من واحدة مشاركه في مظاهرات المهندسين و كان عقل حالي! ما شاء الله الولية دي بتابع البي بي سي و عارفه في المهندسين كمان!!!! و شكلها من شبين القناطر او الزقازيق و فلاحة و انا اللي عايش في القاهرة طول حياتي بتوه و انا رايح المهندسين مع اني رحتها ميت مره!
يا اخي ......
ماهو للأسف أهم مبادئ الديموقراطية
مبدأ ..تداول السلطة
وهي دي الديموكراطية الحكيكية إلي بنعيشها
وللأسف
طيبة المصريين ..وكلمتين حلوين للناس
وهوبااااااااااااا
الناس تنسا الدم إلي لسه مابردش من كام ساعة على الأسفلت في شوارع مصر
والناس تنسا الذل والقهر والــ 1000 الي أكلهم سمك القرش في البحر الأحمر
وينسوا الغاز المصري المتدفق لشريان إسرائيل أقل من السعر العالمي وبيخسر المصريين 50 مليون دولار كل يوم
وينسوا كل حاجة
ويرموا الحلل
وبالروح ...بالدم ..
بص يا دوك.
اولا الوليه دي ولا تعرف ايه الموضوع ولا ايه القصيدة دول بيخشوا عليكم اعضاء مجلس الشعب بتوعهم و يزعقوا فيهم قومي يا وليه منك ليها و قوم ياض منك له اركبوا اللوري ده و كل واحد حياخدله 50 جنيه اخر النهار! تقوم البلد كلها متشعبطه زي البهايم جوا الصندوق بتاع اللوري! و يشحنوهم على مصر و يفضوهم في المهندسين
و هما في السكه يقعدوا يلقنوهم, حتصوتيلك يا وليا منك ليها صويتين و تقولي عايزين الريس و بنحب الريس و الكلام ده ماشي تقوم قايلاله ماشي
و خلص الحوار!
انما طلائع جيش التحرير اللي راحوا يحرروا ميدان التحرير دول بقى نظام تاني!
الناس دي انا للاسف كنت بعاملهم شخصيا و كنت في وسطهم اثناء انتخابات مجلس الشعب
دول من الاخر تشكيله من- موظفين يعملون في شركات اعضاء مجلس الشعب في وظائف دونية ليس لها اهمية و لكن تبرز اهيتهم عادة في انتخابات المجلس مثل الامن او اشراف عمالة او اي حاجة مفيهاش شغل و نلقبهم بالمطبلاتيه او وسايط الانتخابات و هاؤلاء تابعين لدائرة العضو و غالبا في الاحياء الشعبية و العشوائية و الفقيرة
و جميعهم متعاطوا ترامادول و حشيش و احيانا بانجو يوفرها لهم قائدهم
- مأجورون و دول بيبقوا اقارب الفئة الاولى و لكن عواطليه فعلا و مهمتهم التطبيل و الزمر و الزيطه و دول بيبقوا بالطلعه يعني بياخدوا من 100 - 500 جنيه في الطلعة على حسب قصيرة او طويلة و فيها ضرب او مفيهاش
- مندوبو الشرطة و دول بيبقى اعلى من المجند علطول كل اللي داخل و خارج من القسم بيديله على قفاه
- مجندي الامن المركزي: بتأتيهم تعليمات بارتداء زي ملكي (يتم توفيره لهم) و توجيههم لاداء مهمات قذرة بالامر و يا ويلهم لو منفذوش
- امناء الشرطة : دول بقى حالة خاصة جدا لانه اقل من ضابط الشرطه و لكن اغلبهم يظن نفسه افضل من ضابط الشرطه لانه يقوم باغلب الاعمال فيما الضابط جالس و بالتالي فهم من يكلف بالاعمال القذرة من التعامل مع البلطجية و غيرهم لتنظيم الصفوف و من يتعامل مع رشاوي البيه الضابط التابع له! و لظروف عمله بيكون ماسك الضابط من ايده اللي بتوجعه و ماسك عليه ميت ذله و ذله و احيانا الضباط انفسهم يتحاشوهم! لذلك يمكننا ان نصنف الامناء انهم الاكثر فسقا و بطشا و فسادا في قطاع الامن... و هؤلاء غالبا هم قادة البلطجية
- مرشدين الشرطة : دول اساسا بيكونوا مسجلين خطر و يتم اختيارهم لو وافق انه يبقى مرشد , دول بقى اخطر ما يكون في الحياه المصرية عامة, بيبقى مسجل خطر محكوم عليه ب 7 سنين بيقضي 6 شهور بس و بيوافق انه يبقى مرشد, يطلقوا سراحة يمارس ان نشاط هوا عايزه و لو حصلت اي قضيه في منقطة نفوذة بيبلغهم بيها علشان يبقى حلوا قضيه و يكافئوا ( الضابط و الامين) و لو حد اهتم بحاجه حصلت في منطقة المرشد بيستدعوه و هوا يقولهم مين عمل ايه!!! طبعا دي حاجه كويسه بس في المقابل المرشد ده بيعمل البدع و القسم ملهوش دعوة بيه! من اتجار و بلطجه و سرقه بالاكراه و خلافه طول ما ريحته مفاحتش للكبار بيسيبوه يخرب زي ما هو عايز ! و طبعا لما بيحتاجوه في دور واجب ميقدرش يقول لأ (زي غزوة التحرير)
- مسجلي الخطر: و دور مجرمين بكل معنى الكلمة و هو من حكم عليه في اكثر من 3 قضايا جنائية يعني سوابق مع سبق الاصرار و الترصد!!! ده اقل خطرا من المرشد و اقل تنظيما من الامين و لكنه اليد الباطشة و دول يقوم المرشد بتجميعهم عند الحاجه للحضور للبيه (الامين او المأمور) و يتم نفحهم بحافز مادي (غالبا 100-200 جنيه انا استعملتهم سابقا) و عندهم استعداد لعمل اي شيء من مشاجرات الى بلطجه الى تزوير اصوات او اعتداء على الامنين!
دول كل العناصر التي يحتاج اليها اي عضو مجلس شعب محترم علشان ينجح في الانتخابات!
للعلم فقط العناصر الاول و الثاني غالبا بيكونوا اعضاء حزب وطني