وحشتونى والله يارجالة المن:3mla:تدى وعاشت مصر حرة مستقلة ويارييت الكل يطمنونى عليكوا :verygood:
ويارب يخلينا للشعب بتاعنا
عرض للطباعة
وحشتونى والله يارجالة المن:3mla:تدى وعاشت مصر حرة مستقلة ويارييت الكل يطمنونى عليكوا :verygood:
ويارب يخلينا للشعب بتاعنا
كلو زى الفل يا عم الحج ماطلعناش من الشارع بقالنا 4 ايام بس كلو زى الفل اصحى الصبح الاقى الدبابه تحت بيتى بتقولى بوم بوم صباح الخير
ازيكم يارجاله.... تحيا مصر و نعم لمبارك
نعم لمبارك علشانكو و ان شاء الله يفضل رئيسكوا مدى الحياة!
السلام عليكم
الناس المؤيدة لمبارك رايحة على ميدات التحرير ... علشان يتظاهروا فى ميدان التحرير ... و ربنا يستر على الى ممكن يحصل هناك ... الناس نسيت الى حصل اليومين الى فاتوا و بيهتفوا .... باروح بالدم نفديك يا مبارك !!!! تااااانى
اليافطات المرفوعة ... بنحبك يا مبارك .. و ملناش ريس غيرك
البانة الى فى بق الكل ... مين الى حييجى بعد مبارك .. احزاب المعارضة الضعيفة المختلفة فيما بينها و كلام تانى كتير كلع لمصلحة مبارك فى النهاية
السؤال مين الى يضمن ان لو مبارك فضل الشهور الى بقياله الناس مش حتخرج و تقول بنحبك يا مبارك و متسبناش ... عشان احنا اتعودنا عليك و اديها كمان حرية
حمد لله على السلامه يا جماعه ياااااااااااااااه كانو يومين ما يعلم بيهم الا ربنا
ياااااااااااااااااااااااا اااااااااااه يا جدعااااااااااااااااااااان
الواحد شاف ايام ولا فى الاحلام و الافلام والله العظيم
و كفايه بعد كل اللى حصل ده الراجل حب برضه يعدي بيها بر الامان
و مايسبش فرصه للفتنه انها تخرب اكتر من كده
وحشتونى والله يا رجالتنااااااااااااااااااا ا
و عاشت مصر دائما و ابدا
مصرى و افتخر
و افتخر برئيسى
ازيك يا محمد بك واحشني....و الله كلامك زي الفل بس نعمل ايه في الدوجز و الكاوز ال مش فاهمين ولا مقدرين
ربنا يستر علينا ونبقى كلنا بامان وسلام والبلد تبقى افضل ان شاء الله
ايه ال بيحصل ده يا جماعه...المصريين بيضربو في بعض.... بجد بجد وا مصيبتاااااااه...انا مش هتناقش مع حد ولا هختلف معاه ان كان نعم لمبارك ولا لأ و الا هبقي غبي و بعمل زي الناس ال بتضرب بعضها ف الشارع..... اللهم إرفع عنا البلاء
الحمد لله على بدأ أنتهاء الأزمة .. ونعم مبارك الراجل الى حارب فى 73 والى جنبنا ويلات الحروب والعداء لمدة 30 سنة
ومفيش أنسان مبيغلطش ولازم نسامح طالما فى تغيير جامد
الحمد لله الرجالة كلها بخيير
وتحييا مصر
وبنحببك يا مصر
وبنحبك يا ريس
تحيا مصر
تحيا مصر
تحيا مصر
نــــــــــــــــــــــعـ ـــــــــــــــــم لمبــــــــــــــــــــــ ــــــارك
مع انى ما بطقش الراجل دة اصلا.............
نعم لمبارك علشان خاطر مصر بس.................
نعم لمبارك..لحد شهر 9 بس ..............
بعد كدة ..........
فى كلام تانى ..........
السلام عليكم و رحمة الله
ادعو الله عز و جل ان تكونوا جميعا سالمين و ادعوه سبحانه ان يكشف عنا هذه الفتن و ان يرد المسلمين الى دينه ردا جميلا
لا استطيع الان ان اشارك في وأد هذه الفتن الا بهذه السطور وهي اقتراح للجنة الحكماء التي طالب بها كل العقلاء في مصر منذ بداية الازمة
لجنة تضم رجالا يثق فيهم كل المصريين مؤيدين و معارضين تكون ضمانا لوصول صوتنا نحن الشباب اساس هذه الانتفاضة الى الرئيس ونظامه و في الذات الوقت لا يستطيع النظام استمالتهم و لا شراء اصواتهم و لا يمثلون بشكل مباشر ايا من حركات و احزاب المعارضة بل يمثلون فقط مصر
لجنة تستمع الى اراء الشباب اولا و الى اراء احزاب و حركات المعارضة ثانيا و كذلك الى اراء النظام حتى نخرج من هذا المنحدر الى غد افضل
اذا وثق فيها شباب المصريين تصبح ردود افعالهم مرتبطة باراء هذه اللجنة اذا رأت من النظام استجابة كان بها و الا فستكون الاخرى و لا حول و لا قوة الا بالله
ارجو من الجميع ان يساهم في وأد هذه الفتنة و يتكاتفوا معا لصنع غد افضل بأذن الله
وهذه هي الاسماء التي اجتهدت في اختيارها بعضها يمثلني شخصيا و بعضها يمثل غيري وان اختلفت معهم و لابد للجميع ان يقبل بذلك لان هذا وقت الوحدة و ليس وقت التفرق
الدكتور زغلول النجار
الدكتور احمد زويل
الدكتور فاروق الباز
الدكتور مجدي يعقوب
الدكتور محمد غنيم
المهندس ممدوح حمزة
الشيخ نصر فريد واصل
الشيخ يوسف القرضاوي
الشيخ ابو اسحاق الحويني
الشيخ محمد اسماعيل المقدم
الدكتور عمرو خالد
الدكتور راغب السرجاني
الشيخ محمد حسان
الاستاذ جمال الغيطاني
الاستاذ حمدي قنديل
الا ستاذ عمرو موسى
الاستاذ عماد الدين اديب
المهندس رشيد محمد رشيد
مهاتير محمد رئيس وزراء مايزيا الاسبق مستشارا لهذه اللجنة
على ان يضاف اليها رجل دين محترم من رجال الدين الاقباط يختارونه بأنفسهم
و ادعو الله عز و جل ان يهدينا لما اختلف فيه من الحق بأذنه و ان يهيأ لنا من امرنا رشدا
والله انا مش عايز اقول كلام قبيح عشان متوقفش بس الناس اللى بتقول بنحبك ياريس واحنا مع الريس وبنجب رئيسنا حرااااام عليكمووووووو....انتو مش حاسين بالبلد والناس
دة وقع الشعب فى بعضو انتو مش شاااااايفين اللى بيحصل...ومش حاسين....
http://www.nilemotors.net/Nile/199162-a.html عشان الناس بس اللي بتقول إن مصريين بيضربوا في مصريين دول بلطجيه بيضربوا في مصريين
انا بحب الريس و بموت فيه
بحبك يا ريس
انا ابنك و بحبك
.
.
.
للي بيقول ما هي انجازات الريس علشان نحبوا!!!
من غير اي انجازات برضه نحبه , بس دي بعض انجازاته
يرجى مراجعة القاعدة 9ب
مراقب المنتدى
بقولكو ايه الراجل قال انوا هيمشى صح خلاص الراجل عايز يعدى بينا اصبروا الكام شهر اعوذ بالله عليكوا اهدو شوية
والله ان عيط امبارح الخطاب كان مؤثر ومبااااااااارك عظيم احنا اللى عاملنا فى نفسنا كده والله لو مشى او ماكنش بيحبها كان من اول يووم كان سااب البلد صح اصبروا على الراجل اهو سيبهالكو وهيمشى كفاية كان بينيمك فى بيتك امن مؤمن صح دلوقتى تنك سهران لغايت الصبح وبلتجية وبتاع احنا اللى وصلنهام لكده ربنا يستر علينا يااااااااااارب فكروا ياشعب مصر جيه اليوووم اللى كل واحد يمسك مسدس ويدافع عن نفسه هوا كان بيضحى من اجلنا اصحووووووووا بقى
رئيس مين؟؟؟
هوا رئيسك إلي يطلع عليك بلطجية ...في التحرير دلوقتي
هوا رئيسك إلي يسحب الشرطة ويفتح السجون علشان الناس تندبح في بيوتها
هوا رئيسك إلي يبيع هيرك للصهاينة ....بالخساااااااااااااارة(م ر بتخسر كل يوم 50 مليون دولار بسبب صفقة الغاز)
هوا رئيسك إلي يسيب كرامة المصريين تهان في كل مكان
هوا رئيسك إلي يبيع بلدك ببلاش
هوا رئيسك إلي يبيع القطاع الخاص للفاسدين
هوا رئيسك إلي مش شايف في مصر دكر غيره...ينفع يمشي البلد
هوا رئيسك إلي خلى البلد عزبة للفاسدين والمرتشين وسارقي دماء الشعوب
لو ده رئيسك؟؟
فده مش رئيسي
يا جماعه لو سمحتوا اتجمعوا في موضوع واحد عشان نسمع بعض ونوصل لحل عملي
http://www.nilemotors.net/Nile/199177-a.html
اه افتخر بيه عشان حاجات كتير
و اه هو كان ليه عيوب
و كان لامم حاشيه من الحكومه و اعضاء البرلمان حواليه زفت
بس هو نفسه عمل حاجات كويسه
ابسط حاجه انه مخلاش من بلدك قواعد عسكريه لدول اجنبيه
كفايه انه بعد ما شاف و سمع شتمته و تهزيئه صوت و صوره
برضه مصر على انه يعدى بالبلد بر الاماااان
ماسبهاش تضرب تقلب تخرب تولع و خلع زى ما الناس عايزه ( اللى هما مش فاهمين حاجه )
تقدر تقولى مين احسن من مبارك !!
البرادعى ؟ مين البرادعى ده عمل ايه يعنى فى تاريخ مصر مش ده اللى عايش بره مصر طول الوقت و فالح بس بشجع الشباب ؟!!!!
كل اللى بيحصل دلوقتى ده سببه الاحزاب مش الرئيس و معاهم اعداء الوطن و دهول معروفين طبعا
و لو ركزت شويه كده فى الاحداث هاتفهم و تشوف ان كل الحاجات دى هدفها واحد
ان الدنيا تتقل على مبارك و يبقى خرج بفضيحه بجلاجل و يقولوا ادى اللى كان عامل فيها بتاع سلام بيقتل و يضرب و يخرب فى بلده
و الناس الفتكه اللى عامله فيها خبرااااااا و تقولك ده مخطط و ده نيله
مفيش حد هايجى يسرق بيتهم و يولع فيه و يعور اخوه و يخوف امه و اخته
عشان ينال على استعطاف الناس و رضاهم
ده راجل قوات مسلحه عارف يعنى ايه ولا مش عارف ؟!
عارف انه هو ليه نسبه كبيره ( بعد ربنا طبعا ) فى ان احنا اخدنا ارضنا تانى من اليهود ولا لا
يا ريت نفكر قبل ما نتكلم
و لما نتكلم نتكلم باسلوب كويس
و فى الاخر انا اللى يهمنى اكتر و اكتر حال البلد و ظروفنا و حياتنا
و على راى الرئيس مبارك
الوطن باق و الافراد راحلون
يا ريت الجماعه بتوع الضربه الجوية والامن والامان ميصدعوناش
اي ظابط كان ممكن يقود الضربه الجويه ونكسب الحرب ايه المشكله في كده يعني والجيش كان ومازال مليان ناس على قدر المسؤوليه وان كان هناك ناس كتير كان ليها ادوار وضحت بحياتها في قلب صفوف العدو ومخدوش حاجه ما علينا هو ليه دور في النصر ويستاهل يدخل جمعية المحاربين القدامى وياخد معاش كبير انما بأي منطق انه يبقى رئيس لمدة 30 سنه
بالنسبه لانه بينيمك في بيتك آمن مش فاهم يعني لو الرئيس كان اي بني آدم تاني مكناش هننام يعني ولا ايه ؟؟ وهو مش ده الطبيعي في اي بلد عامله اتفاقية سلام مع العدو الاول ليها ؟؟
ايه اللي يخلي فيه ميزة الامن والامان
يا ريت حد يفهمني علشان سمعت الكلام ده من ناس كتير يمكن انا اللي مش فاهم
بص انا مش هاتكلم معاك كتير اصلا
عشان انت شكلك كده من الناس اللى بتاخد بسطحيه الامور
مبارك لو مشى و سابها كده مليون ايد هاتخربها اكتر ما هى خربانه
عايز تفهم اهلا و سهلا مش عايز برضه براحتك
و بلا شعارات بلا اقوال مشهوره
الجو ده ملوش فايده دلوقتى
احنا دلوقتى بنقرر مصير دوله بحالها
عارف يعنى ايه برضه ولا مش عارف ؟؟
متخيل انك راكب مركب فيها 85 مليون واحد
و يا تعدى بيها بسلام يا تسبها تغرق!!!!
برافو يا موووش احنا شعب بيحب اللى ..... افهم انت بقى
يعني هوا إلي ركب طيارته..وراح حرر سيناء لوحده
فوقوا بقاااااااااا
كان قائد فرع..يأتمر بأمر القائد السادات..إضرب ياقائد القوات الجوية..قائد القوات ضرب
وبعدين
لو هوا حارب في 73
مصر كانت في يوم من الأيام ..فيها خزائن الأرض
دلوقتي بناخد معونة
الناس يدوبك عايشة اليوم بيومها...لو حد فيكم عاوز يجوز نفسه بنفسه؟؟؟هيقدر؟؟؟؟؟؟؟؟
دم الناس إلي راحوا ..هيروح؟؟؟؟؟؟؟؟؟؟؟
لو سبنا دم الناس يروح ...يبقا نستاهل ناخد على دماغنا ...وتتعلق رؤسنا على ابواب العاصمة
علشان نكون عبرة لكل من يطالب بالحرية
ولاحول ولاقوة إلا بالله
والله انا عايزكوا تتوقعوا كده ان لو حد جه فى يووم اتخانق ايه اللى هيحصل توقعوا النااااااااس كلها عملت اسلحة وجابوا مسدسات ومتعرفش منييين تعالى بقى اتخانق مع واحد بعد ماكان ممكن توصل لشتايم واتعشتت على كده لا توصل ان الاتنين يضربوه على بعض نار اتفضلو ياعم هى بقت كده توقعوا كده واستهدو بالله وفى الاول وفى الاخر ربنا وصانا على اولى الامر منكم مش كده بقى يا شعب
يا رجاله سيبكم من الكلام ده... مبارك خارج خارج ..المهم ال بعد كده... نفسي نتفق مع بعض من دلوقتي علي الريس الجديد و نختاره... بجد و الله نفسي نعمل كده بعيد عن النفوس الطماعه و المغرضه...نختار الريس مع بعض و كل واحد فينا مسؤول عن باقي اسرته..يعني لو اتفقنا كلنا علي شخص ينفع يكون ريس نخلي آبائنا و اخواتنا و اصحابنا ينتخبوه و نعدي كلنا و سيبنا من المناقشات دي عشان دي هتفرقنا و هتزود المشاكل.....