اهو واحد خامس دخل صوت بالعند
او يمكن ..............
اهو واحد خامس دخل صوت بالعند
او يمكن ..............
لو كنت تقصد عليا انا
انا مش بعند
لكن بجد الفساد اللى اتسبب فيه الراجل ده فوق المحتمل ..... و اسلوب التعامل مع ( الثوره ) اكد الحكايه دى و خلانا نصر بالتنحى الفورى
هو لو عندة ذره من الوطنيه كان تنحى فورا ( زى ماعمل عبد الناصر او الملك فاروق )
لكن اصراره "الغريب المريب " على التمسك بالمظاهرات و كل ده ليه ...
على 7 شهور (وان كان على الــسبع شهور ... خد اجرتهم يلا و غور )
اما بقى موضوع الدستور و اللى مش دستور ... فانا بنتكلم عن ثوره مش احتجاج
لو ترجعو دلوقتى يبقى ال400 واحد اللى ماتو دول ماتو علشان احتجاج ... و حيبقى فيه احتمال كبيره انه يروح هدر اصلا
و أستغرب حقا من النقاش حول فقرات دستور مشوه (طوال اخر 30 سنه) لم تعد له شرعية
اليوم مايحدث في مصر ثورة وليس مظاهرات احتجاج
إذن سقطت الشرعية عن النظام ودستوره ومجالسه، ولم يعد شيئا ملزما وحلت معه شرعية ثورية
اليوم النقاش الفقهي حول الدستور قد يمتع القانونين ولكنه سفسطة وجدل بيزنطي
الا يتحرك السادة الحكماء بسرعة الشباب الثائر... رجاء لاتضيعوا فرصة شباب رفع رأسه بعد أن طأطأت الرؤوس ليتطأطأ الشباب رأسه أمام الطغيان جيلا آخر
ماشى انا اللى فاضى
مشكلتك انك مش بتكمل المناقشه
وكل مره ارد عليك نفس الرد فى اكثر من موضوع ... وتتجاهل الرد ( اما عن تعالى و استخفاف اما عن عدم وجود رد ... الله اعلم)
و اقولك ببساطه ان معنى الثوره انك حتعمل تغيرات جذريه غصب عن النظام حتى لو وصل الى انك تطيح بالدستور القديم
و معنى الاحتجاج انك بتعترض على بعض بنود الدستور لكى يتم تعديله
اللى بيعملوه الشباب دول اسمه ثوره غير مكتمله ..... اى انها فى مرحلة الاحتجاج لسه (لأنه حصل تعديلات .. بس مش جوهريه)
لكن مثلا اللى حصل فى تونس اسمه ثوره مكتمله
ثورة 1952 كانت ثوره مكتمله (اتغير نظام الحكم بشكل جذرى )
على فكره لو حضرتك كنت موجود امبارح فى ميدان التحرير كنت حتلاقى مستشارين و القضاه مؤيدين " للثوره " .. وفى اعتقادى الناس دول اقدر منى و منك على فهم الدستور وهما بالفعل اقترحو حلول لتنحى مبارك طبقا للدستور الحالى
وعلى العموم الخبر اهه لو مش مصدقنى
http://shorouknews.com/.......Data.aspx?ID=386704
لو عاوز تتناقش صح رد فى حدود الموضوع .. و تقبل الرائ الاخر و ناقش فيه باحترام و بدون استخفاف
و ملحوظه الى الاستاذ heshamzaky : انا دخلت الجيش و كنت ظابط احتياط كمان و فاهم يعنى ايه ميرى و الحمد لله
بقيو 6 يا معلم :36_3_10[1]:
على فكره زميلى فى الشركه قاعد فى المكتب اللى ورايا بيؤيد بقاء مبارك هو كمان بس ضد حكومتة كلها
و بيعلل الفساد على ان الرئيس كان مغيب و كل الوزراء و اللى تحت منه بيضللوه ( نظرية فيلم طباخ الريس )
على العموم لو كان يعرف اى شهيد من اللى استشهدو فى الثوره دى كان حيعرف قيمتها
( رحم الله صديقى ابراهيم بنونه و كل شهداء تلك الثوره المباركه )
ههههههههههههههههه
اهدي شوية يا باشمهندس خالد مشاركتك وضحت انك اخترت الرحيل الفوري واحنا كلامنا عن صوت خامس ظهر فجاة بيطالب بترشيح الرئيس مبارك لفترة جديدة
يعني المؤكد ان كلامنا مش عليك انت
اليوم الاربعاء الموافق 9 / 2 / 2011 نتيجة الاستفتاء56,77 % لبقاء الرئيس حتى نهاية مدته41,29 % لرحيل الرئيس الان1,94 % اعادة ترشيحه
أحب أضيف للاستاذ khaled sabry
ان سنة 52 اللى حصل ان 20 ضابط فقط هم من اطاحوا بالدستور ولكننا شوف كام مليون بنتفاوض على تعديلة وعجبى
ماينفعش تأخد رأي ال 80 مليون
عارف ليه ؟؟
- جزء كبير منهم أطفال
- جزء أخر نساء كل يوم بكلمة شكل
- جزء أخر منافقين و فاسدين
- جزء أخر بيجهز نفسه للرحيل مع مبارك
يتبقي فقط من في ميدان التحرير و من خرجوا في كل ربوع مصر للتظاهر ضد النظام و هم من يخشاهم النظام و يرتعد من خروجهم و يستجيب لهم[/quote]
يانهار ابيض
احنا وصلنا كمان لمرحلة ان اللى فى التحرير بس اللى من حقهم يختاروا وباقى الشعب كله يسكت:36_1_31:
دا احنا قدام ديمقراطية حتتفوق على ديمقراطية الحزب الوطنى
يا جماعا مافيش حاجة اسمها ان الثورة لغت الدستور لان ببساطة الثورة الشعبية لا تستطيع الاطاحة بالدستور الا اذا انضم اليهم عنصر القوة في الدولة و هو الجيش فاتفاق الشعب مع الجيش يعني ثورة قادرة علي ازالة و الغاء اي شي سواء حاكم او دستور او غيره و ده الحصل في تونس و الحصل في52 حيث بدا بانقلاب عسكري اصبح ثورة بعد ما ايده الشعب اما الي حصل في مصر هي ثورة تغير اوضاع و افكار كانت تاخذنا الي الوراء انا لم نزلت في جمعة الغضب كانت مطالبي اصلاح الدستور و العدالة الاجتماعية و غيرها مش اني اشيل الريس والدستور و نقعد كده بدون اي اساس للدولة انا كنت عايز اغير النظام الحالي الي نظام ديمقراطي مش اشيل النظام و نقعد بدون نظام خالص
ثورة 23 يوليو مختلفة تماما عما يحدث الان لان ببساطة حا أوضح لك الموقف أنت بتقول أن ثورة 23 يوليو عملها 20 ضابط و أطاحو بالدستور ممتاز جدا و لكن هما دول 20 فرد لوحدهم و لا مدعمن بقوى عسكرية و مباركة القوات المسلحة بكامل العتاد و المهمات و مدربين على ادارة الازمات و الدخول فى الحروب و الدفاع . ال كام مليون لا يملكو غير الصوت فقط و ليس لهم اى قوة دفاعية و تسليحم بدل الطائرات و المدرعات و المجنزرات و الدبابات و الاسلحى النارية حا يبقى شوم و أسلحة بيضاء محلية الصنع دة لو عندة سيف مثلا و لا سنجة . يعنى يالبلدى كدة قوة الحصان أمام السيارة
أزيك يا باشمهندس أنت أكيد سمعت أن أمبارح الناس فى ميدان التحرير توجهو ناحية مجلس الشعب و حاصروة سلميا و اعترضو موكب رئيس الوزراء الفريق أحمد شفيق . الناس كانت فرحانة و مبسوطة أنظر بقى بنظرة ثاقفبة و منظور أبعد الفريق أحمد شفيق ترك المكان و أصبح المقر لة هو مبنى وزارة الطيران المدنى فى طريق المطار . أنت فاهم قصدى يعنى أشبعو بالمكان و مش حا يصطدم معاهم بس تم اخلاء مقر مجلس الوزراء . أنت أكيد عارف أنى بنظر للأمور من زاوية معينة و هى الزاوية الامنية و بحب الفكر العسكرى جدا و مش بحب القرارات الى بتكون سريعة و متهورة أكيد أنت جمعت و كونت فكرة :verygood:
طبعا هشام بيه مانت عارف راي وشوف الموضوع ده كمان بنحاول نقنع الناس بالصح من وجهة نظرنا
http://www.nilemotors.net/Nile/200491-a.html
يا جماعا الثورة مش بس في النظام الثورة دي فينا احنا و النبي لو جبنا ملاك من السما يحكمنا و احنا زاي ما احنا حنفضل زاي ما احنا الثورة هي تغير السلوك و الاوضاع انا عن نفسي محامي و عشان اخلص حاجة من المحكمة لازم ادفع لداه و ادفع لداه عشان اموري تمشي و داه حال كل المحامين لكن بعد 28 يناير و ثورة الفوقان بتاعتنا انا قررت و اتفقت مع كل المعايا في المكتب اننا مش حندفع مليم تاني لموظف و داه شغله و هو مجبر انه يعملو مقابل المرتب الي بياخدو من الدولة يعني مني و من غيري لازم نغير نفسنا عشان نعرف نغير بلادنا و داه بس مجرد مثال
الاستاذ متناوى رد عليكى . بس أنتى عاوزة تعرف القانون بيقول أية و لآ أرض الواقع حا تبقى أية ههههههههههههههههههههه . مش على طول طبعا بس لما الامن يستتب و البلد تتعدل حا ينقلو الحكم لرئيس جديد . و ممكن يكون ذو خلفية عسكرية يعنى مفيش لواء شرطة سابق مثلا بيبقى رئيس جمهورية بس ممكن يكون لواء جيش سابق أو فريق سابق . دة المحافظين بيبقو جيش سابق
بدون تعليق
وصفت صحيفة "نيويورك تايمز" الأمريكية وعود عمر سليمان نائب الرئيس مبارك للمعارضة بـ"الوعود الفارغة"، مشيرة إلى أن سليمان يتحدث مع الأمريكان والغرب بلغة لطيفة ومهذبة، في الوقت الذي يحاول فيه المحافظة على النظام القمعي للرئيس مبارك حيث يخشى من الايقاع به هو أيضا اذا ما أطيح بنظام رئيسه.