الموضوع: إستطلاع لجميع من في المنتدى.. بقاء ام رحيل مبارك ؟

المشاركة الأصلية كتبت بواسطة dr-mohamed

اهو واحد خامس دخل صوت بالعند
او يمكن ..............

لو كنت تقصد عليا انا
انا مش بعند
لكن بجد الفساد اللى اتسبب فيه الراجل ده فوق المحتمل ..... و اسلوب التعامل مع ( الثوره ) اكد الحكايه دى و خلانا نصر بالتنحى الفورى
هو لو عندة ذره من الوطنيه كان تنحى فورا ( زى ماعمل عبد الناصر او الملك فاروق )
لكن اصراره "الغريب المريب " على التمسك بالمظاهرات و كل ده ليه ...
على 7 شهور (وان كان على الــسبع شهور ... خد اجرتهم يلا و غور )
اما بقى موضوع الدستور و اللى مش دستور ... فانا بنتكلم عن ثوره مش احتجاج
لو ترجعو دلوقتى يبقى ال400 واحد اللى ماتو دول ماتو علشان احتجاج ... و حيبقى فيه احتمال كبيره انه يروح هدر اصلا
و أستغرب حقا من النقاش حول فقرات دستور مشوه (طوال اخر 30 سنه) لم تعد له شرعية
اليوم مايحدث في مصر ثورة وليس مظاهرات احتجاج
إذن سقطت الشرعية عن النظام ودستوره ومجالسه، ولم يعد شيئا ملزما وحلت معه شرعية ثورية
اليوم النقاش الفقهي حول الدستور قد يمتع القانونين ولكنه سفسطة وجدل بيزنطي
الا يتحرك السادة الحكماء بسرعة الشباب الثائر... رجاء لاتضيعوا فرصة شباب رفع رأسه بعد أن طأطأت الرؤوس ليتطأطأ الشباب رأسه أمام الطغيان جيلا آخر

المشاركة الأصلية كتبت بواسطة otefa

يمكن
ماهو مافيهاش كلام أن فيه ناس مصالحها أكتر مع مبارك بس مش فاضيين للمشاركة على نايل موتورز في الأغلب

ماشى انا اللى فاضى
مشكلتك انك مش بتكمل المناقشه
وكل مره ارد عليك نفس الرد فى اكثر من موضوع ... وتتجاهل الرد ( اما عن تعالى و استخفاف اما عن عدم وجود رد ... الله اعلم)

و اقولك ببساطه ان معنى الثوره انك حتعمل تغيرات جذريه غصب عن النظام حتى لو وصل الى انك تطيح بالدستور القديم
و معنى الاحتجاج انك بتعترض على بعض بنود الدستور لكى يتم تعديله

اللى بيعملوه الشباب دول اسمه ثوره غير مكتمله ..... اى انها فى مرحلة الاحتجاج لسه (لأنه حصل تعديلات .. بس مش جوهريه)
لكن مثلا اللى حصل فى تونس اسمه ثوره مكتمله
ثورة 1952 كانت ثوره مكتمله (اتغير نظام الحكم بشكل جذرى )

على فكره لو حضرتك كنت موجود امبارح فى ميدان التحرير كنت حتلاقى مستشارين و القضاه مؤيدين " للثوره " .. وفى اعتقادى الناس دول اقدر منى و منك على فهم الدستور وهما بالفعل اقترحو حلول لتنحى مبارك طبقا للدستور الحالى
وعلى العموم الخبر اهه لو مش مصدقنى
http://shorouknews.com/.......Data.aspx?ID=386704

لو عاوز تتناقش صح رد فى حدود الموضوع .. و تقبل الرائ الاخر و ناقش فيه باحترام و بدون استخفاف

و ملحوظه الى الاستاذ heshamzaky : انا دخلت الجيش و كنت ظابط احتياط كمان و فاهم يعنى ايه ميرى و الحمد لله

المشاركة الأصلية كتبت بواسطة mobitic

بس هموت وأعرف مين اللى الـ 3 اللى اختاروا بقاءه حتى نهاية الفتره . مع المطالبه بترشيحه مره أخرى . .

بقيو 6 يا معلم
على فكره زميلى فى الشركه قاعد فى المكتب اللى ورايا بيؤيد بقاء مبارك هو كمان بس ضد حكومتة كلها
و بيعلل الفساد على ان الرئيس كان مغيب و كل الوزراء و اللى تحت منه بيضللوه ( نظرية فيلم طباخ الريس )

على العموم لو كان يعرف اى شهيد من اللى استشهدو فى الثوره دى كان حيعرف قيمتها
( رحم الله صديقى ابراهيم بنونه و كل شهداء تلك الثوره المباركه )