إستطلاع لجميع من في المنتدى.. بقاء ام رحيل مبارك ؟

**nevozaky** · 06-02-2011 05:28 PM

انا موافقة على بقائه حتى نهاية فترة رئاسته .على الرغم انى مش موافقة على نظامه الداخلى فى حكم البلاد .ولكن حفظا للوطن ولاحوال الناس وظروفهم .وكذلك لاستقرار امور مصر وشئونها الخارجية النى هى مرتبطة حاليا بوجوده .اوافق على تكملته لفترة رئاسته .وحتى يكون عندنا القدرة على اختيار وترشيح الرئيس القادم فى ظروف نسبيا هادئة لا تقوم على المصالح فقط.نعتبرها فترة لالتقاط الانفاس .والله الموفق

**heshamzaky** · 06-02-2011 05:36 PM

يبقى لغاية ما المدة تخلص

**ashouhdy** · 06-02-2011 05:55 PM

المشاركة الأصلية كتبت بواسطة nagah400

خلع الرئيس واعدامه فى ميدان الشهداء

هههههههههه

**ashouhdy** · 06-02-2011 06:05 PM

المشاركة الأصلية كتبت بواسطة evoo90

هو مبارك اللى مسك السلاح وقتل الناس اللى كانت فى المظاهرات ؟؟؟

هم الناس دول شغالة مع مين وتحت أمر مين وتحت طوع مين

ولا حتى ادى اوامر بقتل الناس اللى فى المظاهرات ؟؟

الأوامر بتيجى من الرئيس ... الرئيس قدم 5 وزراء من الحكومة السابقة للمحاكمة الحكومة اللى هو مختارها وبقالها 6 سنيين شغالة .. ياترى يبقى هو اية ..

اتقوا الله مبارك دول عمره غلبان

مبارك فعلا غلبان أوى ثروة اسرة مبارك من 50 الى 70 مليار دولار وبذلك فمبارك هو أغنى رجل فى العالم

تفتكر جم منين كان بيحوش مرتبة السنوى !

**samcar** · 06-02-2011 06:56 PM

الناس بتتكلم كان الامر فى ايد الشعب لوحده
يا خونا - رئيس امريكا - بيمدح الجيش المصرى -
القنوات الامريكيه بتتكلم عن امن اسرائيل اهم من ديموقراطية مصر - المنافقين السفله- اللى غزو العراق وافغانستان بحجة نشر الديموقراطيه
معلش- اللى فى ميدان التحرير مش ضاغطين على النظام داخليا فقط- النظام عمره ما همه الداخل - اقروا كلام جنابه للمحطه الامريكيه ان عمره ما همه اللى بيتقال عنه- للاسف زى عبد الناصر- كان بيتسلى بقراية النكت اللى بتطلع عليه قبل ما ينام

منتهى الغطرسه والاستخفاف - لكن الافندى بترعب من ماما امريكا - وده اللى خلاه فى عصبيه وهياج لان كلام اوباما كان واضح انقل السلطه الان - ما قالش له ارحل قال انقل - لكن الغرور والغطرسه واخدين عقله - وللاسف لسه اللى حواليه كم البطانه القديمه

شفتم التليفزيون المصرى المقرف قال ايه لما المبعوث الامريكى قال انه بيرى ان مبارك يستنى لحد اخر مدته علشان ينقل السلطه- هييييه التليفزيون المصرى طلع يطنطن- رغم انه امبارح طلع يهاجم امريكا وانها وانها - الالذ انهم ما جبوش باقى الخبر ان المبعوث ده مهمته كانت انتهت من ساعة ما نقل رسالة امريكا للرئيس - وانه طبقا للبيت الابيض لايمثل بكلامه ده الانفسه - ياترى اتحول لحساب نفسه ده كام من ال 40 ولا ال 70 مليار

ما تستغربوش كل القائمين على السياسه الامريكيه بالذات السابقين منهم بيدوروا على الفلوس باى طريقه

الخلاصه اللى فى الميدان بيدافعوا عن كرامة المصرى اللى انداست بالجزم طول 50 سنه مش 30 بس

وحكايه الاتجاه والتغير بدء - كله كلام فى الهوا- ده حتى رفضوا يدو اى تعهدات مكتوبه

هو احنا حنفضل طيبيين قوى كده لامتى

**evoo90** · 06-02-2011 08:29 PM

ashouhdy
ياافندم احنا عارفين ان الاوامر من الرئيس بس اوامر زى اعملوا محور فى الحته الفلانيه ويكلف الوزير الفلانى بالمشروع
مابيروحش يقف ويقولهم هاتوا حديد من عز مش من حته تانيه ولا بيقف يقولهم ادوا العمال راتب كذا
ماراحش قال لحبيب العادلى وقف المظاهرات دى عشان مبارك مش اهبل ولا عبيط وعارف ان قمع مظاهرات بالقوه ممكن يبقى الرد عليها ازاى من بره .... ومالفش على عسكرى عسكرى قالهم اضربوا المتظاهرين العساكر والظباط تحت طوع وامر اللى اكبر منهم لحد وزير الداخليه كلهم تحت امر وزير الداخليه ومعظمهم لاشاف مبارك ولا كلموه عشان يبقوا تحت امره !! حاجه تانى الوزراء كانوا بيسمعوا مبارك اللى عايزينه يسمعه ويوروه اللى عايزينه يشوفه
انا ساكن فى حلوان وعندنا شارع جنب مترو حلوان مكسر وكله ورش سمكره وتأمين ومش نضيف
بعدى من عليه كل يوم وانا رايح الجامعه وفى يوم عديت عليه عااادى زى كل يوم وانا راجع لقيته متسفلت كله والرصيف متلون والورش مقفوله ومغطيين بعض الاماكن بفراشه وشايلين كل العربيات المكسره وحاطين زرع و و و و كل ده عشان بس جمال مبارك كان جاى زياره لمعهد اعداد القاده بالمنطقه !!!
صدقنى مبارك لا بيشوف ولا بيسمع اللى بنشوفه وبنسمعه ... سحب قوات الامن ونشر الفوضى كان بمثابه عند من العادلى لمبارك عشان تصريحاته اللى ماعجبتش سيادته ..
واخيرا ازاى نقدر نقدر ثروته بالمبلغ ده !! هل حد يعرف كل البنوك اللى بيودع فيها فلوسه !! ولو حد يعرفهم ها هايروح بسهوله يستفسر عن حساباته !!! واى البنوك ممكن تدى معلومات عن ثروه الرئيس محمد حسنى مبارك رئيس جمهوريه مصر العربيه !!!!!!! انا مش مصدق المبلغ ده او اى مبلغ الا اما اشوف اوراق موثقه بكده

**Egyzizo** · 06-02-2011 09:08 PM

على فكــرة ، لو الاستفتاء ده ضم كل شرائح المجتمع النتيجة هتبقى أكتر من 80% لصالح البقاء الكام شهر اللى جايين.
لأن الشريحة الحالية معظمهم شباب والشباب يتسم بالاندفاع بالإضافة ان ماعندهمش مسئولية فتح بيت ..
لكن لما ينضم للشريحة أباهاتنا وأمهاتنا النسبة هتتغير كتير.

-

مشاهدة نتائج الإستطلاع: ما هو رأيك في الأحداث الجاريه؟؟؟

الموضوع: إستطلاع لجميع من في المنتدى.. بقاء ام رحيل مبارك ؟

LinkBack

أدوات الموضوع

عرض

-

-

-

-

-

المواضيع المتشابهه

هيكل يفجر قنبلة مدوية حول لغز بقاء مبارك بشرم الشيخ

جمعه رحيل الفساد بدل رحيل مبارك

الكلمات الدلالية لهذا الموضوع

المفضلات

المفضلات

ضوابط المشاركة