سؤال لكل من يؤيد وجود النظام دون محاسبة من ادى الى تلك الفتنة وقتل الابرياء من النفوس ... لو كانت اخ لقتيل او اب لجريح او ام لشهيد فهل هذا سيكون موقفك بان ترضى ببقاء النظام وانتظار مدة انتهاء رئاسته .. فكر بس فيهم وحط نفسك مكانهم وبلاش نتكلم من بيوتنا واحنا قاعدين على النت بنشرب فنجان قهوة ومولعين سيجارة وبنقول رأينا لو احنا واحد من اللى جاهدوا فى سبيل التغير واعادوا لنا كرامتنا جميعا وليس هم فقط كان ده هايبقى راينا .. فيه واحد كاتب على صدره انا اخويا كان ها يدخل على عروسه الاسبوع ده ومات شهيدا .. واخر قال رسالة لكل المحتجين على مستوى مصر دم ابنى فى عرقكم .. واخرى لما رايتها بكيت والله .. هى ام لشهيد تقول انا فى ميدان التحرير لاموت كما مات ابنى على ارضه فدمه ان تدسون عليه .. وان كنتم غير جديرون بدوسه تحت ارجلكم للحصول على حريتكم فانا جديرة باما استشهد واما الحصول على حريتكم وتحقيق مطلب ابنى .. فكروا وتخيلوا انكم فقدتم حبيب لديكم مش فى حرب ده ليعلوا صوته فقط بالمطالبة لحقوقه .. فكروا بان اعز ما لديك فقد ولا سبيل حتى للحصول على حق دمه .. فكروا وبعدين قولوا رايكم
المفضلات