الموضوع: فيها ايه لو عمر سليمان مسك الحكم مؤقتا؟؟

المشاركة الأصلية كتبت بواسطة ralliart

انا كنت بأيد رأيك لحد اللي شفته في التحرير
لو الراجل ده فضل لحد شهر 9 أؤكد ان الانتخابات هتتزور وهنعيش 30 سنه كمان مع الحزب الوطني
لو كان الراجل ده عايز حل كان حل المجالس المزوره اللي اسند ليها تعديل الدستور
وكان شكل لجنه لصياغة دستور جديد بدل اللي خربه الحزب الوطني
أحمد شفيق راجل محترم ادارياً لكن صلاحياته قليله غير انه سياسياً اتزنق في كام سؤال معرفش يجاوب عليهم

رحيل مبارك يعني ذهاب الدعم بتاع الحزب الفاسد اللي بيزور ويبلطج وبيسرق وبيحتكر............

و ايه اللى اكد ليك ان مبارك هو اللى طلعهم !!!
انا اعرف الكثير من اصدقائى و جيرانى كانوا فى المظاهرات دى يعنى ناس زى و زيك و ليه مايكنش دى مؤامرة من الأحزاب اللى عايزة تستغل ثورتنا و تطلع على الحكم هم اللى عمله كده لتوليع البلد مرة اخرى

مش مبارك برضه هو اللي جاب البلطجية ميدان التحرير بعد خطابه

خلينا نتكلم بعقلانية مبارك بعد خطابه الاخير كسب تعاطف معظم الشعب المصرى يعنى مش محتاج للمظاهرات اللى بطريقة دى اللى مكن تضيع كل التعاطف اللى جاله !!!

بلاش نمشى ورا الهوجة من غير ما نفكر بعقلنا

المشاركة الأصلية كتبت بواسطة ahmedaliaeg

لو الرئيس اتنحى اوتم اقالته
مين الى هيغير الدستور ومين المنفذ للطعون المقرره من محكمه النقض
الدستور بيعطعى الحق لرئيس الجمهوريه فقط التغيير فى الدستور
فمن العقل اعطاء فرصه للتحلى بلشرعيه والتغيير

الله يفتح عليك و الحمد لله ان فيه ناس فاهمه الكلام دا

إحنا اللي نتقي الله في البلد إرحمونا بقى و الله العظيم المظاهرات كانت سلمية سلمية سلمية

و الله يا جماعة انا ضده و نزلت مظاهرات ضده لكن دلوقتى خدنا اللى عايزينه و مصلحة البلد تتطلب يكمل لأخر فترته ليتم الإنتقال السلمى

مجلس الشعب المكلف بتعديل الدستور هو مجلس مطعون فى شرعيته
اذا فى حال قيامه بالتعديل و ثبت تزويره وعدم شرعيته
فإذن كل ما قام به من تعديلات باطلة بناءا على بطلان القائم بالتعديل
او
كما حدث بالفعل وتم تعليق جلسات المجلس لحين البت فى الطعون
ننتظر شهور لحين الانتهاء من التحقيقات والحكم فيها والتى بالطبع سينتج عنها خروج الكثيرين من اعضاء المجلس وتحدث انتخبابات جديدة لدخول اعضاء بدلا عن من خرجوا
تلك الانتخابات التى ستدار بنفس النمط السابق ولا يوجد ما يبرر او يضمن عدم تزويرها هى الاخرى
وبعد ذلك
يقوم هذا المجلس المزور جملة وتفصيلا بتعديل مادتى الدستور متجاهلا المادة 88

كيف لى ان ارضى بمكاسب وهمية قدمها ليا مثل هذا الخطاب الرنان الرائع شكلا الفارغ مضمونا[/quote]


كلامك مظبوط
يبقى الصح بقى اننا نطالب ان الطعون دى يتم الحكم فيها فورا و خلال شهر بالكتير مثلا حتى نتح الفرصة لعمل انتخابات جديدة لللى دخلوا بالتزوير و بكده فى خلال 3 شهور بالكتير ان شاء الله نكون خلينا المجلس شرعى بإنتخابات نزيه و يتم تعديل الدستور تحت استقرار البلد مش تحت عدم استقرار البلد

و بكده نقدر نتخب لأول مرة ريس مصرى بعد تعديل الدستور بمزاجنا و بمده محدده و لا عودة لنظام البقاء للأبد


لكن كيف لنا ان نطعن فى مجلس الشعب و نعدل الدستور بعد ذلك بدون وجود ريس جمهورية و استقرار للبلد !!!