الموضوع: معركة الإبل...ماذا بعد؟؟؟!!

المشاركة الأصلية كتبت بواسطة أبو صلاح

والحمد لله أخدنا الحرية اللي اكتر ممكا كنا بنتمنى
بدليل ميدان التحرير ان المؤيدين اضعاف اضعاف المؤيدين

انت عارف انا لسه مقابل واحد صاحبي من ساعتين كان لسه جاي من ميدان التحرير
كان مصاب بس الحمد لله بسيط
كان من المعارضين يوم الجمعة وانهاردة راح مؤيد
كل ده مش مهم

المهم ان الناسي مؤيدين هناك عندهم اصرار على انهاء المهمة
عارف ايه المهمة ؟
هي القضاء على كل المعارضين في ميدان التحرير واجلائهم
وبيصروا انه مش هيطلع النهار عليهم


هيحصل ايه بعد كده؟

وانا زي صاحبك يا ابو صلاح بس انا شفت اللى صاحبك شافه النهاردة انا شفته يوم الجمعة من الساعة 8 بالليل في شارع القصر العيني وبردو اصبت زيه والحمد لله وبردو تحولت زيه من معارض لمؤيد لاستقرار البلد والانتظار لنري ما سيحدث وبيننا وبينه نوفمبر
وربنا يستر على الجميع مؤيدين ومعارضين

المشاركة الأصلية كتبت بواسطة amahmed

الناس في التحرير من اجل غدا افضل من اجل الامل في بكرة من اجل الشرف من اجل الكرامة
كل دول اغلي من حياة الذل

لو قلت لك ان الاقتصاد المصري ان شاء الله حيرجع لايام الجنزوري و ايام ما كان الدولار باقل من 4 جنيه
مش ححلم و اقولك الجنية حيضرب الدينار الكويتي و لا حنكون بقوة اقتصاد الصين
يا تري ده حيعمل ايه في حياتك و شكل مرتبك حيكون عامل ازاي و قدرته الشرائية و الازدهار حيكون تاثيره عامل ازاي علي الاقتصاد و بالتبعية علي ميزانيات الدعايا و الاعلان
و كل شئ باذن الله

الناس اللي بتقول انتم حققتم 70-90% من مطالبكم عايزين ايه تاني
احب اذكرهم ان مظاهرات الاعوام الماضية كانت تطلب
تعديل الدستور
حل البرلمان
محاكمة الفساد
مقاومة التوريث

كم من ذلك تحقق صراحة و ليس وعود بعد سقوط كل هذا العدد من الشهداء
لم يتحقق منه شئ و كلها وعود
اي لم نحقق مطالب مظاهرات الاعوام الماضية
هل تثق فيهم هل تثق في من وعدك عام 2005 و لم يفي ب 10% من وعوده
هل تثق في من اطلق علي الناس الخارجين علي القانون ليروعوهم و امر باطلاق الزخيرة الحية علي المتظاهرين و منع اهل الشهداء من دفن جثث ابنائهم و تركها لتتحلل و تتعفن
هل ترضي ذلك لك و لابنائك لا قدر الله

لماذا تُحمل المواطنين المسئولية و مطالبهم شرعية
في مقابل شخص واحد هو السبب في التطويل و المماطلة

اصبر اخي ابو صلاح كلنا بنتصرف دول كلهم اسبوعين و لا شهر و أأمل خيرا باذن الله

ماذا تتوقع من اخوك المصري لو حصلت لك مشكلة اي كانت
الذي تتوقعه من غيرك يجب ان يكون شعورك تجاه اخوانك في ميدان التحرير

لما ده راي حضرتك فيهم طيب ما تنزل معاهم

المشاركة الأصلية كتبت بواسطة hemalotfy

حاجة من اتنين :
1- يا بيقبضو !
2- يا مش بفهمو !

اي حد بيخالفكم في الراي دلوقت اصبح اما بيقبض او غبي
طيب انا مش متفق معاكم وانا خرجت من 25 الى 28 لكني لن اشارك في تخريب البلد او في الفتنة قول اني قابض انا كمان او غبي

المشاركة الأصلية كتبت بواسطة mr_7oda

انا عاوز اقول حاجة ..... انا كنت فى التحرير 3 ايام ومشيت امبارح بالليل .... اللى خلانى امشى مش خطاب الريس ... لا

اللى خلانى امشى انى لأول مرة استشعر بحركة الاخوان فى المظاهرة وافكارهم واستشعر غباء تفكير المعارضة

بجد راجع امبارح نفسيتى فى الحضيض لأنى ساعتها حسيت ان البلد ممكن تولع ... وده اللى حصل النهاردة

بجد الشعب بين المطرقة والسندان

مصر ملهاش غير ربنا دلوقتى

والله العظيم يا حودة ظهروا فجاة يوم الجمعة الساعة 8 في شارع القصر العيني لكن لم يجعلوا وجودهم معلن لكن للاسف الناس لم تنتبه

المشاركة الأصلية كتبت بواسطة maka

طاب مش احسن ما بن على يفضل كاتم على نفسهم و يعذبهم و اللى خلهم يصبروا عليه 23 سنة مش هيقداروا يصبروا سنة ولا 2

و يا باشا مفيش حلوة من غير نار و لازم يبقى فيه فترة انتقالية مشوشة بس المهم تيجى

وهو مبارك لغي احكام الميراث والزواج وحرم الحجاب
يا اخي اتقي الله
والنار التي تحرق البلاد والعباد لا اريدها لعن الله الفتنة ومن اشعلها

المشاركة الأصلية كتبت بواسطة amahmed

كنت عبيط و رجعت من المسيرة المليونية و قلت مش معقول بعد ده كله و يقعد
و دلوقت مش عارف ارجع خصوصا اني في اخر مدينة نصر و مفييش عندي عربية و البلطجية كانوا بيوقفوا كل اللي داخل التحرير و منهم مراسل العربية اظن علشان شكله نضيف و ابن ناس ضربوه و كادوا ان يقتلوه و ما انقذه الا الجيش و الحمد لله
ان شاء الله عائد لما اضمن الطرق و المواصلات ان مكنش بكرة يبقي يوم الجمعة ان شاء الله
و ربنا يكرمنا
كل ما اتمناه ان محدش يحمل المتظاهرين مسئولية حاجة هما مالهمش ذنب فيها
التطويل و المماطلة مش ذنبهم و ايضا احنا لا نطلب مطالب شخصية فقط بل هي من اجل كل المصريين و من اجل اولادنا باذن الله

المسيرة المليونية كانت يوم الجمعة حضرتك بتتكلم عن الموجودين النهاردة
حضرتك مرحتش ليه من يوم الجمعة لغاية النهاردة ؟
والمتظاهرين مسؤلين عن كل ما يحدث الان بعد رفضهم كل التنازلات واصرارهم على رحيله ولو رحل لبقوا وطالبوا بمحاكمته واعدامه ولو اعدم لرفضوا فض الاعتصام حتي يعدم خلفه او يرحل وهكذا لن تنتهي الحلقة المفرغة