استاذ صبحي ليس من مصلحة مصر الان وفي هذة الاوقات العصيبة
ان نتناول مثل هذه المواضيع
يجب الا يشتت ذهننا جميعا عما يحدث الان
عرض للطباعة
سؤالي عن توجهات الاخوان او سياستهم لا تحمل إلا رغبتي في فهمهم اكثر ولا تحث على اي فتنة وعايزة اللي يجاوبني حد يكون فاهم بجد
عماد أديب كان بيقول انهم عايزين 6 وزراء منهم في الحكومه الائتلافيه و المرشد يبقي نائب رئيس الجمهوريه !
الإخوان مؤمنين بصندوق الإقتراع ، طبعا همه ضد العنف و ضد التزوير . و النموذج التركي هو النموذج اللي عايزين يطبقوه في مصر . . . و طبعا البلد مش كلها اخوان و همه مش أغلبية لكن همه منظمين و كلمتهم واحدة و لضعف الأحزاب و ابتعاد المسيحين عن السياسة تبدو جماعة الإخوان الأقوى و الأكثر .
بيتهيالك يا مزجانجي
من احتك بالاخوان فعلا على مستوي التنفيذ من الاخوة الاعضاء ؟؟؟؟؟
ما تقوله هو ما يقوله الاخوان عند الكلام لكن عند التنفيذ الوضع مختلف تماما وهقوله في نهاية المشاركة دي
لا يا استاذي الفاضل لان ما يحدث الان في التحرير وما سيحدث في الايام والشهور والسنوات القادمة هو الاجابة على هذا السؤال
اما التعويم والتعتيم لحين انتهاء الامور ونرجع نقول ايه اللى حصل الفترة اللى فاتت يبقي متاخر اوي
ومش لسة هانصنف الكل بدا يصنف التاني واي حد معارض لحد يبقي عميل وخاين وبيفتت القضية او عميل للحكومة وقابض من الامن
وما هي مصلحة مصر الان في هذه الاوقات العصيبة ؟؟؟؟؟؟؟؟
زي ما كانت الحكومة بتقول مصر مش تونس هقولك مصر مش تركيا لاسباب كتيرة جدا تتعلق بطبيعة المجتمع التركي ونظام الحكم السائد فيها منذا ايام مصطفي كمال وسلطة الجيش وانفتاح الجماعات الاسلامية هناك
والله العظيم كلام غير صحيح يا مزجانجي ومن تجارب
مش بكدب طبعا لا سمح الله بس كلامك ممكن يكون مستقي من كلام بعض اعضاء الاخوان المحترمين او من الدعاية المختلفة
انا هقول 3 تجارب فعلية
الاولى في انتخابات نقابة المحامين كان يراس النقابة الله يرحمه احمد الخواجة رجل النظام والتوازن بين الجميع ثم رحل وبعدا توالى عدم مجالس ومنها مجلس سامح عاشور رئيس للنقابة لكن المجلس معظمه اخوان وطبعا انتخابات حرة ونزيهة وبصندوق الانتخابات وفعلا ده صح
لكن هل علشان هما الاغلبية ؟
لا طبعا النقابة بها حوالى نصف مليون عضو والاخوان منهم لا يزيدوا عن 40 الف عضو لكن
ال40 الف عضو كلهم بيروحوا يصوتوا بجانب عدة الاف اخري متعاطفة معهم والاغلبية صامتة فيكسب الاخوان الانتخابات
المهم الاخوان كسبوا الانتخابات وكانت النتيجة تعين موظفين جدد في كل النقابة العامة في القاهرة كلهم من التابعين للاخوان - اقامة مؤتمرات في الغردقة يحضرها الف عضو كلهم من الاخوان لاسبوع على نفقة النقابة - العلاج والله من اصعب ما يكون انك تكون غير منتمي لهم وتقدر تاخد العلاج بتاع النقابة - رحلات الحج والعمرة المدعمة لا يطلع فيها الا الاخوان
طيب المحامين العاديين استفادوا ايه ؟؟؟؟؟؟؟
التجربة التانية:
في 23 مارس من عامين كان هناك اضراب لاساتذة الجامعات المصرية من اجل مطالب متعلقة باصلاح التعليم ومنع تدخل امن الدولة في الجامعات وانتخابات حرة لاتحاد الطلاب
الطبيعي ان يكون الاخوان في مقدمة الصفوف لان كلها مطالب ديمقراطية
للاسف ولسوء الحظ كانت هناك محاكمة لقادة الاخوان ومنهم خيرت الشاطروكان الحكم سيصدر فيها يوم 26 مارس
فوجئنا في جامعتي وعرفت انه ما حدث في باقي الجامعات ان الاخوان رفضوا المشاركة في الاضراب ومنعوا الاعضاء من المشاركة وحين حاولت معرفة السبب من احد قياداتهم في جامعتي كان الرد ان عندنا محاكمة كمان يومين ومش عايزين نعمل مشاكل مع الدولة
واتضح ان هناك صفقة ستتم مقابل عدم مشاركتهم
المقلب ان بعد ما رفضوا المشاركة معانا الحكومة رجعت في كلامها وسجنت قياداتهم
التجربة التالتة
انتخابات نادي اعضاء هيئة التدريس بجامعة القاهرة
الاعضاء حوالي 20 الف عضو المنتمين للاخوان منهم حوالي الفين تقريبا
حضر الانتخابات حوالي 800 منهم تقريبا 500 من الاخوان لكن كل واحد منهم معاه توكيلات من 3 او 4 اعضاء ووفق النظام من حقه ينتخب بدالهم
النتيجة دكتور عبد الجليل مصطفي وهو من الناس المحترمة جدا ومنظم اضراب 23 مارس وهو المنسق لحركة كفاية حصل على اقل من 400 صوت والمجلس كله اخوان والحكومة حلت المجلس وعينت مجلس بديل
ده عن التجارب السابقة والاحتكاك الفعلي مع اخواننا في جماعة الاخوان كجماعة وليس كافراد
كافراد الكثيرين ممن احتكيت بيهم من جماعة الاخوان من الناس المحترمة لاقصي درجة لكنهم ايا كانت درجة تعليمهم اوثقافتهم لا يكون لهم اي راي عند اصدار اي اوامر من الجماعة
نقطة تانية مهمة جدا
بدون اي زعل وكلنا هنا اخوات والمفروض ناس مثقفة وبيننا درجة من الاحترام الكافي
هل سيقبل المسيحيين في مصر وجود حكومة على راسها الاخوان او يحكمها الاخوان من وراء الستار ؟؟؟؟؟؟؟؟؟
حين حدثت كارثة القديسين في الاسكندرية راي الجميع كيف احتقن الوضع العام حتي هنا
لو حدثت حادثة مماثلة وكان الاخوان في الحكم
ماذا سيحدث وماذا سيكون رد فعل المسيحيين في مصر
الن تنهال علينا الاتهامات الخارجية باضطهاد وقتل المسيحيين في الشوارع ؟؟
اذا كانت الاتهامات تنهال في ظل عدم وجود تعمد بالفعل من لااغلبية العظمي ما بالنا لو كان الحكم للاخوان؟
هل سينصبح سودان اخري نحارب بعضنا البعض لسنوات حتي تقسم مصر في النهاية ؟
هل سنصيح لبنان اخري لكل طائفة منطقة خاصة بها لا يدخلها ابناء الطائفة الاخري ونعيش في صراع دائم ؟
هل سنصبح ايران اخري حيث يعدم اي معارض لنظام الحكم ولو حتي معارض بالصوت ؟؟؟؟؟؟؟
هل سيقبل الاخوان تعديل الدستور وحذف ما ينص على ان الشريعة الاسلامية المصدر الاساسي للتشريع ؟
لو قبلوا خسروا شعبيتهم وخالفوا مبادئهم
لو رفضوا سندخل في احتجاجات مسيحية مماثلة خاصة ان المسيحيين 8 مليون تقريبا في مصر ويمكنهم ان يحتلوا ميدان التحرير هم ايضا
هل عرفتم الايام السوداء التي تنتظرنا
لا ارفض المنتمين لجماعة الاخوان كاشخاص
لا ارفض جماعة الاخوان كتنظيم سياسي
وتحليلي هذا للمتوقع في ظل حكم الاخوان لان السؤال كان عنهم
اما باقي المتواجدين على الساحة الان فكل منهم له ما يشابه ويمكن اكتر كمان
طبعاً أنا لا أتفق مع كل ما جاء بهذا الخطاب
فليس كل الجماعات الإسلامية تتبنى هذه الأفكار
وليس كل الإخوان يتبنون هذه الأفكار
عشان كده الراجل ده مات
عشان كان لازم ميعممش الكلام ده على كل الجماعات ويعتبرهم فئة واحدة
لإن تعميمه يدفع من لا يؤمن بهذه الأفكار من هذه الجماعات لليأس من وصولهم لأهدافهم المشروعة
وهي تكوين حزب والمشاركة في الحياة السياسية
الإخوان الآن منقسمة على نفسها
يقول عمر سليمان بإنهم مترددون
ويقول بعضهم على القنوات الفضائية (ولا أعرف من فوضهم للحديث عن الحركة بأكملها) إنهم رافضين
وأعتقد هم جناح من الإخوان ولا يتحدثون عن الإخوان كلهم
وخصوصاً إن المرشد ساكت لحد دلوقتي وممكن يتكلم ويرد بإنه رافض ولكنه بالفعل يظهر إنه متردد
الله أعلم
يمكن المرشد يخشى من إنقلاب الجناح الذي يتبنى فكرة رفض الحوار وما قد يؤديه ذلك من هز صورة الشعب المصري في هذه الجماعة وخصوصاً إن الحركة مقبلة على فرصة كبيرة لرفع الحظر المقترن بها بعد 10 سنوات منذ إنشائها في عشرينات القرن الماضي وربما تستطيع تكوين حزب سياسي
عموماً يا خبر النهاردة بفلوس
[youtube]http://www.youtube.com/watch?v=-vUaWTUfFf8[/youtube]
كلام سليم جدا
لانها نفس التجارب
تجربة النقابات فعلا صحيحة برغم من قلة عددهم
التجربة التانية المساومة مع السلطة
وكفاية انها حصلت عندنا فى دائرة انتخابات احمد عز ايام 2005 واللى نازل قصاده كان اخوان وانسحب ليلة الانتخابات علطول نتيجة المساومات
وكفاية ان كل انشطتهم تتم فى سرية حتى ان كانوا مضطرين لكده بسبب المطاردات الحكومية لهم كانهم مطاريد بالرغم من ان فيهم ناس محترمة كتير
لازم نشوف نشاطهم السياسى الاول فى النور وتفكيرهم عامل ازاى عشان نحكم عليهم هل ينفعوا يمسكوا البلد ولا لأ
اما تعليقي عليك فيما فوق فيما يخص الاخوان ومن الواضح انك تعرف عنهم تفاصيل اكتر منى
لاكن هرد عليك في نقاط مححدددة
1- انا لااعرف سياسة الاخوان كجماعة ولا ازعم لان بيتهايالي صعب تعرف هما بيفكرو في ايه اللي لو كنت تعرف حد فيهم شخصيا ومش اي حد كمان
اما على مستوى الافراد ففانا اعرف منهم حوالى 5 او 6 عن قرب لم اجد سلوك مشين فى تصرفات اي منهم بل بالعكس قمة الثقافة والاحترام ومساعدة الناس وده اللي شايفه والله اعلم بالنوايا
2-ذكرت ان اعضاء نقابة المحامين نصف مليون عضو وان الاخوان 40 الف عضو ونجح الاخوان هل زورو الانتخابات هل انقضو بالشوم والملتوف واحتلو النقابة انت نفسك رديت وقلت بالانتخابات سبحان الله يبقى تلومهم ولا تلوم النصف مليون اللي تقاعسو وسابوهم ينجحو وبعدين خليهم نجحو واستاثرو بالخمات لاعضاء الاخوان فقط هل هما ورثو النقابة على طول ولا فيه انتخابات تانية ساعتها الناس تحدشد وتنتخب حد غيرهم وساعتها هينكشفو محدش ينتخبهم تانى
مش كدة ولا اية
نفس الكلام ينطبق على انتخابات اعضاء هيئة التدريس الناس تقاعست وهما نجحو يبقى هما برضة لا يلامو
وبعدين كل اللي فات بياكدة وجهة نظري انهم ما بينقضوش على حاجة هما بيدخلو الانتخابات منظمين وغيره العكس
يبقى لو فيه دستور سليم للانتخابات الرئاسية وهما اتقدمو ساعتها هيبان حجمهم الاحقيقي لان ساعتها محدش هيتقاعس عن التصويت في انتخابات الرئاسة
ولو الناس تقاعست يبقى دى مش مشكلة الاخوان
مشكلتك انك اختزلت المظاهره في يوم 25 و28 وكان كان الهدف هو المظاهرة في حد ذاته
مش اية المطلوب من وراء المظاهرة
وما زلت اكرر هناك كثير جدا وهم الاغلبية موجودين في ميدان التحرير لا يملكون اى اجندات ولاكن عايزين خطوات محدة مش يضحك عليهم بشوية قرارات ونرجع للعصور الباءدة تانى