أستأذنك أنقله عشان كل الناس تعرف الحقيقة
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
السلام عليكم يا مصريين
بداية ان كان اعلام مصر المملوك لعصابة الحزب الوطني مضلل وده للاسف وهو ما يعد استهزاء واستخفاف بعقول المصريين احب اقول لكم الحقائق من قلب الميدان ولكم ان تعقلوا
الثورة المصرية ثورة تعلم العالم كيف يثور بتحضر ورقي
في ميدان التحرير بقينا تسعة ايام لم تخرب شجرة ولم يتسخ الميدان بورقة بالعكس شاهدت وقمت كمان بنفسي بجمع القمامة من علي الارض
لن اطيل عليكم كثيراً لان الحقائق في الفضائيات وخاصة المحترمة منها واضحة للعيان
اللي حصل النهارده ما هو الا رسالة من مبارك للمصريين مفادها اني لازلت حاقعد علي قلبكم تسعة شهور من القمع الشديد عقاباً للمصريين علي انتفاضهم لشرفهم وكرامتهم وحريتهم
مبارك اللي القي خطاب مليء بالكذب من اول لاخر كلمة
وعبأه بكل اشكال التدليس والنصب والاحتيال علي الشعب
ارسل بلطجية ولصوص وقطاع طرق ومنتفعين من اعضاء الحزب الوطني البائد بالاضافة الي كل تشكيلات الامن في ملابس مدنية بداية من امن الدولة مروراً بالظباط وامناء الشرطة وانتهاء بمجندي الامن المركزي في زي مدني وسارفق لكم صورة او بعض صور للاحداث مع النوت ان شاء الله
وصل متظاهرين بيهتفوا لمبارك للميدان من الساعة 11 تقريباً ووقفوا برة علي البوابات اللي عاملينها المرابطين في الميدان لمساعدة الجيش وضمان ان ما حدش يدخل المظاهرات من الامن او حتي من المتظاهرين ويحمل اي اسلحة مهما كانت وطبعا الامن ممنوع يدخل اصلاً
فجأة بدأ المتظاهرين في القاء طوب علي المتظاهرين اللي جوة الميدان وبدون ما يكون عند المتظاهرين جوة اي نية طبعاً لرمي اي حاجة
مما اضطر المتظاهرين في الداخل الي البحث عن طوب وبدأ تبادل قذف الطوب لمنع البلطجية والمسجلين خطر من الدخول للميدان وايذاء المتواجدين بالداخل من نساء واطفال وشيوخ
فضلت المعارك ان جاز تسميتها وهي كذلك بالفعل من 11 لحد الان والحمد لله كل المتظاهرين اللي كانوا جايين يهتفوا لمبارك ب 50 جنيه النفر تراجعوا واصبح وجودهم بالخارج شبه معدوم لانهم ماجورين ومش علي عقيدة ولا مبدأ
والله العظيم شاهدت الكثير من المجرمين والمسجلين خطر والبلطجية اللي اتقبض عليهم داخل المظاهرة لمحاولتهم التسلل الي داخل التظاهرات بالميدان
هؤلاء هم زبانية مبارك اللي بيحاول يحكمنا بيهم الله المستعان
تم ضربنا بالمولتوف والحدارة والحمد لله تصدينا للمخربين وترجعوا علي كل المداخل ويؤسفني اقول ان اول قتيل النهارده كان فرد امن في زي مدني جاي يضرب فينا وده ضحية برضو من ضحايا مبارك السفاح
ميدان التحرير يا جماعة محتاج منكم الدعم لان المرابطين في الميدان دول اللي كانوا امبارك اكتر من اتنين مليون جايين ومعرضين حياتهم للخطر والموت علشان مصر مش علشان اي اغراض زي ما التليفزيون المصري بيدعي
احنا شفنا الموت بعنينا النهارده وما تراجعناش خطوة لورا
كنا بنصد الناس ولما نتعب نريح ونقول بعدها بدقائق لاستكمال الدفاع عن نسائنا واطفالنا ورجال مصر الشرفاء
ولا كان فيه احزاب ولا زفت لكن فيه مصريين مؤمنين بان المصري يستحق ان يعيش بكرامة وحرية وشرف في وطنه
جوة الميدان ما فيش غير ناس بتحب مصر
وفي السلطة فيه شخص وحوله حزب مستعدين يولعوا مصر علشان يفضلوا قاعدين علي الكراسي ينهبوا في مقدرات مصر وثرواتها
انا مش حاقول لحد انزل او ما تنزلش
كل واحد يعرف هوا عاوز بكرة شكله ايه ويختار
هيا معادلة
عاوز استقرار وذل
او استقرار وحرية حتي لو كان التمن دماء الشرفاء في مصر
اعذروني انا مش قادر اكتب اكتر من كدا لاني منهك من المعركة اللي للاسف بسبب النظام الفاسد بقت بين ابناء الشعب الواحد ولاحسوا الكراسي باقون مصرون علي لحسها رغم ان العالم اجمع قال لهم غوروا بقي لكن مين عنده دم او مين يسيب الكنز اللي عمال يسرق فيه بسهولة
حسي الله ونعم الوكيل في كل ظالم
دماء الثوار الشرفاء علي ارض ميدان التحرير اشهد يا تاريخ
حتي ائمة الازهر لم يسلموا من البلطجة المباركيه
دول المتظاهرين اللي بيحبوا مصر في ميدان التحرير الصلاه في كل مكان
عربية رائد شرطة من مروعي الامنين في الشوارع مساء يوم الجمعة اعتقله الاهالي في الدقي ونقله الامن القادم لحراسته علي العنايه المركزة وبلغنا انه مات بسوء عمله في ترويع الامنين
اعرفوا مين اللي بيروعكم يا مصريين والتالي ورقة رسمية احلاء طرفه من مديرية امن لمديرية امن الجيزة وكان وقتها نقيب
ستند من المستندات اللي وجدت في السيارة المسروقة اللي كان راكبها الرائد اللي اطلق علينا النار في الدقي وحاول الهرب
المستند يبين انه في 2002 نقل الظابط من امن المنيا الي امن الجيزة
وسيارات الامن اللي كانت بتجوب الشوارع بدعوي تامين المواطنين كانت في الحقيقة علشان تلحق اللي بيضربوا نار من الشرطة بملابس مدنية في الشوار
سيبقي التاريخ شاهد علي جرائم مبارك واعوانه
من متظاهري اليوم المؤيدين لمبارك ونظامه القمعي
جندي امن مركزي قدم ليقذف المرابطين بالحجارة وقبض عليه مثل المئات اليوم في ميدان تحرير مصر
اترك لكم التعليق علي مظاهرات تاييد النظام الفاشي لمبارك الطاغية
دا اللي بيحصل في الميدان الجيش والشعب ايد واحدة
ظابط بيساعد مع المعتصمين في تحميل القمامة في عربة الجيش
للاسف انقلب الحال وقت المواجهة والجيش وقف يتفرج علي المصريين بيسحلوا بعض
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 2167
تاريخ التسجيل : 14Sep2007
المشاركات : 1,425
النوع : ذكر
الاقامة : Cairo
السيارة: 00
السيارة[2]: Hyundai new accent 2011
دراجة بخارية: 00
الحالة :
أستأذنك أنقله عشان كل الناس تعرف الحقيقة
رقم العضوية : 46834
تاريخ التسجيل : 11Sep2009
المشاركات : 326
النوع : ذكر
الاقامة : Red Sea
السيارة: jeep wrangler
السيارة[2]: New Cerato
دراجة بخارية: no now
الحالة :
والله انا حزين
احنا اسفين يا شرفاء مصر الى فى التحرير مش قادرين نساعدكم والجيش بيتفرج
منك لله يا حسنى
[flash1=http://flash02.arabsh.com/uploads/flash/2012/02/19/0c30444d62.swf]WIDTH=599 HEIGHT=228[/flash1]
رقم العضوية : 87014
تاريخ التسجيل : 28Jan2011
المشاركات : 11
النوع : ذكر
الاقامة : CAIRO
السيارة: NO
السيارة[2]: LANSER 2002
الحالة :
حد لسة عندة ذرة شك ياعالم
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
انقل في كل حتة تعرفها , خد كمان اللينك بتاعه على الفيس بوك لو عايز تنشر هناك
بالله عليك عايزين ننشر الحقيقة في كل حتة عشان نفوق الناس من غسيل المخ اللي اتعمل لهم ( ده حقيقي و علميا مش مجازا)
اللي نقدر نعمله اننا بالنهار اللي يقدر ينزل ينزل , و هانبقى اعداد كبيرة ان شاء الله
و اللي ما يقدرش ينزل يحارب غسيل المخ اللي اتعمل للناس
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
رقم العضوية : 57374
تاريخ التسجيل : 29Dec2009
المشاركات : 95
النوع : ذكر
الاقامة : المنوفية مصر
السيارة: لا يوجد
السيارة[2]: سيتروين zx
دراجة بخارية: لا
الحالة :
حسبنا الله ونعم الوكيل يا حسنى الكل الى زوال وهذه الدماء فى رقبتك واذا لم تحاكم فى الدنيا فهناك رب نؤمن به ولا تعرفه انت سنتقابل غدا ليفصل بيننا ولن تجد لا داخلية ولا بلطجية ولا جيش يقف على الحياد ستقف فردا ليحاسبك من تنساه الان على جرائمك
رقم العضوية : 38094
تاريخ التسجيل : 14Apr2009
المشاركات : 281
النوع : ذكر
الاقامة : Haram
السيارة: Skoda Octavia
السيارة[2]: lancer
دراجة بخارية: لا يوجد
الحالة :
موضوع الضابط بتاع الدقى صحيح و واحد صاحبى قالى انهم موتوا الضابط بعد ما ضرب عليهم نار و هما بيحرسوا الشارع
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
QUOTE=elgabry1977;3873264917]موضوع الضابط بتاع الدقى صحيح و واحد صاحبى قالى انهم موتوا الضابط بعد ما ضرب عليهم نار و هما بيحرسوا الشارع[/QUOTE]
طب بالله عليك تنشر شهادتك دي في كل مكان
فيه مئات من مأجورين الوطني منتشرين على النت بينشروا اكاذيب وقحة و فجة وفاجرة
مش هايضحد الاشكال دي غير شهاداتنا كلنا
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 47420
تاريخ التسجيل : 17Sep2009
المشاركات : 1,177
النوع : ذكر
الاقامة : dokii/musadaq
السيارة: rabna yesahel
السيارة[2]: renault logan 2010
دراجة بخارية: no
الحالة :
فين مبارك من اللي بيحصل
فين شفيق اللي قال دم المتظاهرين في رقبتي
فين وزير الداخلية
إحرمونا ... من الجلاد و مين اللي معاه الحق
أول رئيس مدني لجمهورية مصر العربية
[sor2]http://img03.arabsh.com/uploads/image/2012/06/20/0e32444861f306.jpg[/sor2]
المفضلات