شكر على سؤالك, كله تمام الحمد لله
عرض للطباعة
شكر على سؤالك, كله تمام الحمد لله
الحمد لله بخير
شكرا للسؤال
الحمد لله الذى لا يحمد على مكروه سواه
بس بجد انا حزين على بلدى و حاسس انى عايش فى كابوس و مش عارف اصحى منه مش مصدق ان ده حال ام الدنيا
اولا الحمد لله انكو بخير وياريت باقى الأعضاء يطمنونا برضه
ثانيا الحراسة مش عبط طبعا ده من وجهة نظرى عين باتت تحرس فى سبيل الله
احنا مسكوا عندنا فى الشارع 25 بلطجى كانوا جايين فى عربية اسعاف وعدوا من الجيش كمان والحمد لله ان الشباب مسكوهم
طب ايه رأيك لو ينفع انا مستعدة امسك سلاح وانزل معاهم ادافع عن نفسى وعربيتى على الأقل(من قتل دون ماله فهو شهيد) ان مكنش عن اهلى
ومش هتصدق ان وصل بيا الرعب انى محضرة زجاجات وجاز عشان اعمل مولوتوف من البلكونة لو لزم الأمر لا قدر الله من اللى بسمعه ولما بروح الشغل باخد معايا حاجات للدفاع عن النفس
الله يرحم ايام ما كان الواحد بيرجع فى نص الليل وحاسس بالأمان طبعا لولا ثقتى ان ربنا هو الحافظ ايا كانت الظروف اكيد كنت اتجننت من يوم الجمعة
ربنا يسترها علينا جميعا
يعنى اعمل فيك ايه :argue1:
ده المفروض تحمد ربنا اهو kik زعلان واكيد فى منتهى القلق طبعا ربنا يحفظ للجميع عربياتهم يا رب
مش شايف عربيات الناس اللى ملهمش ذنب بيحصل فيها ايه انا لو مكانك مردش على اوماترا اصلا دلوقتى حتى لو جابوها :verygood:
انا شخصيا بركب مواصلات وراكنة عربيتى واعصابى تعبانة عليها وبدعى ربنا يحفظها ليل ونهار هو اعلم هو من عليا بيها ازاى ومش لاقية جراج ثم المواصلات بقت احسن لأن ناس كتير مبتخرجش
الحمد لله كله بخير والحراسات الاهليه مازالت مستمره والجراج مقفول بعربيات بس مفاتيحها مع عم على وان شاء الله ميبقاش في مكروه لاي حد مننا
وشكرا على الموضوع وعلى السؤال
وحد يعرف حاجة عن onz,osamy,semsem-uno,hsnz?
سمسم كلمني من شويه بس كنت نايم ومردتش عليه
اخى وحبيبى فى الله .. من طريقة كلامى لابد ان تستشعر اننى رجل على ايمان ويقين كبيربالله عز وجل وانا عارف انا الله سبحانه وتعالى لا يقدر الا الخير للعباد .. ولو تلاحظ انى عامل التعليق الاخير بحجم صغير ولون مختلف لاننى احاول ان امزح لاضافة جو مرح ليس اكثر ولا اقل فلماذا لا يصل اسلوبى اليك على الوجه الحسن واجد من حضرتك صيغة من التهكم والتعنيف على اننى بتكلم على استلام السيارة ... انا فعلا حتى لو اوماترا اتصلت عليا دلوقتى انا هرفض الاستلام نهائيا فى ظل الظروف الراهنة لان الله وحده هو من يعلم الى اى شئ ستؤول الامور .. وانا فعلا بفكر جديا فى حفظ المال وشراء سيارة مستعملة لقضاء احتياجاتى لحين استقرار الامور ثم اعاود التفكير مرة اخرى عندما ترد الينا جميعا مصرنا الحبيبة وهى متزينة بثوب الامن والامان ان شاء الله ... هون عليك يا صاحبى ورفقا بنا الله يعزك ووعد منى لن اتحدث فى هذا الامر مجددا سواء بنية المزاح ام على سبيل الجد ما دمت وصلت بكم الى هذا الحال من التملل ... واخيرا حفظك الله واياى وسائر المصرين وحفظ علينا اموالنا واهلينا وبلدنا الحبيب مصر
على فكرة اسلوبى هو اللى وصلك غلط ولا بتهكم عليك ولا بعنفك
بس فعلا محستش انك بتهزر وحبيت الفت انتباهك بس ان عسى ان تكرهوا شيئا وهو خير لكم
وبعدين انا مش كاتبة راكنة ابقى اخى فى الله وصاحبى ازاى بقى:36_2_33:انثى والله
واضح انك حتى مركزتش فى قراية الكلام سورى يا سيدى مكنش قصدى انرفزك
وعالعموم انا قلت قبل كده ان عندى مشكلة فى الهزار الرجالى ومبيوصلنيش انه هزار وطلبت الهاند بوك بس محدش جابهولى طب اعملكو ايه
ابقى اكتب بين قوسين هزار ماشى:what:
وانت بقى اللى لو تعرفنى هتعرف انى لا بتريق على حد ولا احب ازعل حد واصلا الموضوع عاملاه عشان كنت بفكر فيكو وبطمن عليكو كلكم يبقى دى اخرتها :beated:
طب انا بقى اللى زعلانة واتقفلت عالصبح