تحيه واجبه لانس الفقى وزير الاعلام

**Dr_Mido** · 03-02-2011 10:33 AM

تحيه واجبه ورفع كامل للقبعه وانحى ليه كمان

الراجل ده عمل اكبر حمله لغسيل المخ على التلفزيون المحلى و القنوات الفضائيه الواقعه تحت سيطرته

امى واختى وجدى وجدتى و سواق الشركه ومجموعه ناس من اللى اتفرجو على الخطاب المسرحى المقدم من يومين مقتنعين تمام الاقتناع ان كل اللى فى ميدان التحرير كفرة واسرائليين ويهود وامريكان واخوان وحزب الله كل دول مع بعض مش عارف ازاى وانهم يستهالو الاعدام فى الميدان
اكبر حمله استفزاز للناس تمت فى ال 48 ساعه الل فاتو بالاغانى الوطنيه اللى بتذكر الانجازات الوطنيه لمبارك

ساحب الشرطه وضارب المواطنين فى بعض و موقف الجيش على الحياد

الجزيرة مع التحفظ على كتير من اخبارها و الحرة والعربيه و رويترز و السى ان ان كلهم يهود و بيشوهو الصورة
و التلفزيون المصرى هو المرفاء الامن و ماينقل الصورة بقوة من نص ساعه كانو بيتكلمو عن موارد الفنيل و المياة و حاجات كدة مش فاهمها

فعلا تحيه لاقوى عمليه غسيل مخ

انا راجع تانى بس كنت فى المكتب بجيب حاجات ونازل تانى

**Everlasting** · 03-02-2011 10:36 AM

نفس سيناريو أم درمان

**swimmer25** · 03-02-2011 10:43 AM

لعبة ملعوبة صح اوي

بما انك وسط الاحداث ياريت تفكر معانا في حل...........لاااااااااااااااا� �ااااااااااااازم نفكر..اذا وقف تفكيرنا هنغرق ومش هنعرف نتصرف

**الطنطاوي** · 03-02-2011 11:23 AM

ما يلفظ من قول إلا لديه رقيب عتيد

**i_Am_Legend** · 03-02-2011 11:26 AM

ومنة لله الخنزير _تامر زفت حسنى_الأهطل دة_هو اللى بوظ عقول شبابنا_بنات وصبيان_إنسان حقير_ماحدش شافوا فى الأحداث اللى حاصلة_الحبسجى الهربان من الجيش_ولا حتى طلع باغنية تهدى الجماهير ولا أي حاجة_مستخبى زى ال...

**samcar** · 03-02-2011 11:34 AM

المشاركة الأصلية كتبت بواسطة dr_mido

تحيه واجبه ورفع كامل للقبعه وانحى ليه كمان

الراجل ده عمل اكبر حمله لغسيل المخ على التلفزيون المحلى و القنوات الفضائيه الواقعه تحت سيطرته

امى واختى وجدى وجدتى و سواق الشركه ومجموعه ناس من اللى اتفرجو على الخطاب المسرحى المقدم من يومين مقتنعين تمام الاقتناع ان كل اللى فى ميدان التحرير كفرة واسرائليين ويهود وامريكان واخوان وحزب الله كل دول مع بعض مش عارف ازاى وانهم يستهالو الاعدام فى الميدان
اكبر حمله استفزاز للناس تمت فى ال 48 ساعه الل فاتو بالاغانى الوطنيه اللى بتذكر الانجازات الوطنيه لمبارك

ساحب الشرطه وضارب المواطنين فى بعض و موقف الجيش على الحياد

الجزيرة مع التحفظ على كتير من اخبارها و الحرة والعربيه و رويترز و السى ان ان كلهم يهود و بيشوهو الصورة
و التلفزيون المصرى هو المرفاء الامن و ماينقل الصورة بقوة من نص ساعه كانو بيتكلمو عن موارد الفنيل و المياة و حاجات كدة مش فاهمها

فعلا تحيه لاقوى عمليه غسيل مخ

انا راجع تانى بس كنت فى المكتب بجيب حاجات ونازل تانى

تربيه عمو مفيد ضباب - والتنظيم الطليعى - على فكره - لاحظ تشكيل الوزاره حتلاقى كل اللى هم تنظيم طليعى احتفظوا بكراسيهم وعلى راسهم هانى هلال اللى ادو له التعليم كمان علشان يبتدى غسيل الدماغ من الصغر

مش حاجه تقرف ان عبد الناصر لسه بيحكمنا من قبره - بس نستاهل لسه فى ناس بتقول عبد الناصر

اطمنوا تلامذته موجودين وحيشربوكم المر

سمعت كلام اهبل كتير زى مين اللى بيدى لهم اكل ومش عارف ايه - يعنى علشان سندوتش اروح اخد رصاصه - ده البلطجيه اللى طلقوهم لمجرد ان الابطال دول وقفوا فى وشهم جريوا زى الفراخ - االى قابض عمره ما يثبت

للاسف شعبنا طيب وبيحب الاكل والتليفزيون والنوم - مبروك عليهم 50 سنه كمان حريه