-
دعوه لمقاطعه فودافون
انا يا جماعه بجد نفسى كلنا نقاطع فودافون
كانت اول شبكه و اكتر شبكه فصلت الشبكه يوم الجمعه
ان كان معايا خطين فودافون فاصل تماما و اتصالات شغال زى الفل
الشبكه الوحيده اللى اعلنت ده و بكل بجاحه ان فى اوامر حكوميه بقطع الشبكه
و اعتقد ان الشركات اللى زى دى ملهاش علاقه بالسياسه و المفروض لا تعترف بالاوامر الحكوميه دى
اشمعن موبينيل و اتصالات كانو شغالين
و اخيرا كمل فودافون حمل دعم للرئيس عن طريق الرسائل
انا جاتلى المسدج دى امبارح
رسالة من فودافون ,
الراسل : Egypt Lovers
نص الرسالة : مظاهرة حاشدة تبدأ ظهر الأربعاء من ميدان مصطفى محمود بالمهندسين لتأييد الرئيس مبارك
انا قررت اقاطع فودافون و هحول رقمى بنفس الرقم لشبكه تانيه مش هقول اسمها عشان مفيش حد يقول ان انا بشجع شبكه ضد اخرى
ياريت كل واحد يقول رايه فى موقف فودافون و يقول هغير رقمه و لا لأ
-
فعلا....اكتر حاجة استفزتني رسالة المشاركة في مظاهرات تأييد لمبارك
المفروض انها جهة مستقلة ....مش اداة من ادوات الدعاية للنظام...فعلا الفلوس مالهاش دين
انا ان شاء الله ناوي الغي رقم فودافن اللي معايا..ولو اني على يقين ان كلهم في الهوا سوا...مصااااااالح وبس
-
فى دمياط فودافون الوحيدة اللى قطعت الخدمة برضه ... وكمان ارسلت الرساله بتاعت Egypt lovers.
موبينيل قعت خدمة الرسائل فقط .. وأرسلت رساله شكر من الجيش المصرى على موقف الشباب.
-
مع اني مش من مصلحتي اللي هاقوله ده بس احب اقول لك الاتي احقاقا للحق لا اكثر و لا اقل منعا للبلبلة ..... البلد مش ناقصة مقاطعات اقتصادية و خراب اقتصادي و خراب بيوت و قطع ارزاق موظفين خااااااااااااااااااالص ..............
1- موضوع اعلان الاوامر ده شغل علاقات عامة مش اكتر ..... ال 3 شبكات اتقفلوا و اتفتحوا في نفس الوقت تقريبا
ماتنساش ان ساويرس برضه في التليفزيون قال دي اوامر سيادية و ما نقدرش نعمل فيها حاجة و عقد الرخصة ممكن يتلغي و قال كمان "انا باتكلم عن ال 3 شركات مش موبينيل بس"
2- مين قال لك ان فيه شبكات اشتغلت و شبكات وقعت؟ كله كان مش شغال
3- موضوع عدم الاستجابة للاوامر الحكومية معناه الغاء رخصة التشغيل في مصر ....... و ما تنساش ان مفيش شركة محمول في مصر عندها اكتفاء ذاتي عن الحكومة 100% ..... يعني فيه خطوط ربط من المصرية للاتصالات بين المكاتب و الفروع و المحطات ..... فيه خطوط ربط دولية - برضه عن طريق المصرية للاتصالات - للاتصال الدولي بالخارج و استقبال الاتصال الدولي من الخارج ..... فيه خطوط ربط دولية برضه عشان الانترنت ..... كل ده مصدره الحكومة و لو انت ما سمعتش الكلام الحكومة هتقطعهم عنك في دقايق ! بس مع فرق انك هتترمي في الشارع
4- اخيرا و ليس اخرا اي رسالة بتتبعت حاليا من اي شبكة من ال 3 مصدرها الحكومة و ليس الشركة .... و برضه للاسباب اعلاه الشركات لازم تنصاع للاوامر
-
غريبة
أنا ومراتي فودافون ومحصلش إني إستلمت حاجة زي دية
وموبينيل قطعت الخدمة زيها زي فودافون وأكدت ده بناءاً على طلب الأمن
إنتوا بتجيبوا الكلام ده منين ؟؟؟
رجاء تتأكدوا من أن الرسائل إلي وصلتلكوا فعلاً من إدارة الشركة وليس من أحد آخر ... ؟؟؟
-
يا جماعة جميع الشركات قطعت الخدمة و رجعتها مع بعض. وكذلك شركات النت كلها. بلاش نعاتب حد عن حد كلهم كانوا مجبرين من قبل هذا النظام الديكتاتورى
-
انا كتاكد من اللى بقوله انا كان معايا خطين يوم الجمعه
فودافون مش شغال و اتصالات شغاااااااااااااال و اصحابى كان معاهم موبينيل شغال
-
مفيش فايدة احنا كدا نسيب الموضوع نفسه ونتكلم فى حاجة تانية
طيب ايه رأيكم ان اتصالات كانت هى اللى واقفة معايا وفودافون شغالة
وبعدين كلهم قطعوواا !!!!
-
ممكن يكون الإنقطاع لم يكن في نفس الدقيقة وخصوصاً إن الشركات كلها مش على كوبس واحد أو فيشة واحدة يعني
لو فصلت بينهم ربع ساعة أو حتى ساعة وفي الأخر كله قطع مش موضوع وبعدين معتقدش أي شبكة إخبارية بتنهش فينا من ساعة البلد ما ولعت معلقتش على الخبر ده خالص وخصوصاً إنهم بينشروا أي كلام حتى لو كذب
يبقى إزاي الموضوع ده محدش إلتفت له غير حضرتك
وبعدين يمكن حضرتك مكونتش عارف تفرق بين إنقطاع الشبكة وبين إستمرار الإرسال وخصوصاً أنها كانت بتدي إشارة لإمكانية الإتصال بالطوارئ أو sos على الشبكة عندي
برجاء التأكد من صحة الخبر قبل نشرة لله مش عشان حسني ولا حد
-
علشان تبقوا عارفين احنا اتسرقنا ن الشركات دي الفترة الي فاتت عيني عينك
Content Relevant URLs by
vBSEO 3.6.0 PL2