الموضوع: يالا نركب نظام اضاءه زى المرسيدس و الاودى

بسم الله الرحمن الرحيم

أزيكم يا شباب أنا بقالي كام يوم بفكر في تعديلات للعربية ماتكونش مكلفه و فنفس الوقت مؤثره و تدى منظر للعربية و خطر فبالى نعمل تعديل لنظام الإضاءة للعربية عند فتح أو قفل السنتر بالريموت زى المرسيدس و الاودى ....

الفكرة إن لما بتيجى تفتح عربيه من دول بالريموت النور القدام بينور مع الشبورة و نور الصالون كمان تقريبا لمده 30 ثانيه عشان إلى بيركن فجراج يشوف الطريق و هو خارج و الصراحة المنظر بيبقى جامد جدا أنا كنت قريت فمواضيع سابقه هنا فمنتدانا الحبيب إن مواضيع تعديل الاضاءه بتبقى عباره عن دواير بتتركب فلو حد ممكن يفيدنا أو حد منفذها يقولنا..


الفكرة باختصار:-

1- عند فتح السيارة سواء ريموت أو مفتاح لمبة النور الامامى الواطى للسيارة + الشبورة + الصالون ينوروا لمده 30 ثانيه مع الوضع في الحسبان إن تقوم الدائرة بإغلاق كافه الأنوار عند وضع مفتاح الكونتاكت و تحريك المفتاح لوضع (2) في الكونتاكت إلى هو الطابلوه لما ينور و جرس الحزام يشتغل عشان ماندورش العربية و الأنوار دى منوره فالبطارية تضعف
2- عند غلق السيارة سواء ريموت أو مفتاح هيكون نور الصالون شغال و يزيد عليه النور الامامى الواطى + الشبورة لمده 30 ثانيه ثم تنظفىء جميع الأنوار

أتمنى الفكرة تكون عجبتكوا و الأهم نقدر ننفذها

منتظر ردود أعضاءنا الكرام