حد شاف المؤتمر الصحفي اللي اتذاع من شوية؟ وايه رأيكم في الكلام والتصريحات؟
حد شاف المؤتمر الصحفي اللي اتذاع من شوية؟ وايه رأيكم في الكلام والتصريحات؟
رايكم ايه فى خطاب احمد شفيق ؟؟؟
هو الراجل بيقول كلام حلو و شكله هيحاول يعمل اصلاحات لكن برضه اشك انه يقدر يجيب المتسبين فى مذبحة امبارح و شكل حق اخواتنا هيضيع
مسئوليه محمود وجدى وزير الداخليه
النائب العام يمنع احمد عز و جرانة و المغربى و العادلى و تجميد حسابهم ......... هل هيقدراوا يعملوا حاجة ولا امتصاص غضب الناس علشان بكرة يعدى ؟؟
الاهم قرار النائب العام بعده مباشرة بمنع احمد عز وجرانة والمغربي والعادلي من السفر والتحقيق معهم
فيه خطوات بتتم لكن لا يمكن كل حاجة تتعمل في يوم واحد
نرحم بلدنا
انا مش عارف هو فية اية
امبارح الواحد قاعد امام التلفزيون شايف بلطجية في وسط اكبر ميدان في العاصمة
بيرمو مولتووف ومفيش اي اجراءات من الحكومة او الجيش كما لو كنا في ادغال الصومال
الواضح ان هناك مؤامرة علي شعب مصر وللاسف داخلية
امتصاص غضب , طيب سؤال لما هو شاطر كدا و مسيطر ازاى امبارح البلطجية اتجمعوا و نزلوا ؟
مين اللى ادى الاوامر للشرطة تساعدهم و ادى اوامر للجيش يمشى؟؟؟؟؟؟؟؟
انهردة وقفوهم , معنى كدا ان اللى بيتحكم هو نفس النظام مش رئيس الوزراء كالعادة , رئيس الوزراء قال اول امبارح احلف بشرفى ان محدش هيتصاب و لا هيضرب و الناس اتضربت لانه اساسا مجرد اداه لامتصاص الغضب , لسه الحزب موجود و الامن موجود و كله موجود زى ما هو
طيب مين قال الاسامى دى؟ يعنى هما عارفين مين الفاسد و مين لأ؟ اشمعنى الاسامى دى
كلها خطوات للتهدئة فى رايى
احمد شفيق من اكثر الناس احتراما وعملية فى الاداء وانضباط وفعلا لو قعد حيعمل شغل كويس جدا لانة راجل صادق جدا جدا لكن اخشى ما اخشاة انة يكون كبش فدا للكبار ويكونوا جايبينوا علشان يصدروة لكارثة مش حيقدر عليها وتركة ثقيلة جدا
والله الراجل شكلة كويس وناوي يصلح
حوار مبشر
هل و هل و من و اين و متي و ازاي
هو ده اللي قاله رئيس الوزارة
اسمعوه تاني لو مش مصدقين و عدوا كام سؤال طرحه
هو فاكر نفسه صحفي بيكتب مقال
رئيس الوزارة مش عارف حاجة و في حالة من الغيبوبة لمدة عدة ساعات من الصبح من اول الجمال و الخيول لحد ما دخلت سيارات الاسعاف بعد منتصف الليل
ماذا ننتظر من هؤلاء
هي المصيبة تحصل و بعدين حنعمل تحقيق عادل
بعد اكتر من 6 قتلي و اكتر من 1500 جريح بجروح قطعية
جروح قطعية يعني لو قاموا منها بالسلامة حتسيب ندبة - نيشان شرف - باقي حياته و مابالك لو كانت في الوجه
و بمناسبة تجميد الارصدة محدش جاب سيرة وزير الاسكان سليمان اللي هو اصلا تحت التحقيق في تهم فساد
كفاية تخدير .. كفاية فساد
الراجل كويس بس جه في الوقت الضايع
كان فين من زمان وحكومة الحراميه شغاله نهب فينا
أحمد شفيق رجل شريف
أنا سامع كده من ناس
وإحساسي الداخلي بيقول كده
ووجهه مقبول
بصراحه الراجل كلامو زى الفل وربنا يكرمو يااااااارب ويوفقو لآن باين عليه انسان محترم
ممكن يكون راجل كويس
بس كل طوبة بتترمي علي المتظاهرين في ميدان التحرير بتفقده مصداقيته
الثورة بتؤتي ثمارها...وتبقى ساعة القطاف...قربت ان شاء الرحمن
هذا البلد بأذن الله ثم بالصبر...لن يرجع للوراء ابدا مرة اخرى
All talk and no walk
انا اعرف ناس كتيرر في وزارة الطيران
بيقولوا ان الفريق احمد شفيق راجل محترم جدا ومتواضع لاقصى درجة
يارب الناس تديله فرصة علشان يشتغل ويشوفوا لانه عمل طفرة كبيرة في مجال الطيران في مصر
رجل سياسى جيد رغم انه فى الاصل عسكرى
لكنه قادر على ادارة الحوار بشئ من الدبلوماسية ويعلم متى يجيب ومتى يصمت ولا يقدم وعودا واهية
اشعر انه يحاول ان يكون على قدر المسؤلية ولا يتفوه بكلمة الا عن يقين منها لهذا فانه لم يجيب بشكل واضح عن الكثير
ولكنه اهلا للاحترام حتى الآن
على الاقل هو اعتذر عما حدث بالامس فى حين لم يعتذر غيره عما يحدث من 9 ايام
لنترك له الفرصة ليعمل ثم نحكم ونستبشر به خيرا
جبت منين ال1500 حتي العربية والبي بي سي قالوا 836
يا ريت نهدا شوية ومنرددش اشاعات
وبردو قالوا واحد الاعضاء هنا ردد كلامهم ان امن الدولة في القصر العيني بتمنع علاج المصابين من المعارضين واتصلوا بمدير المستشفي قال محصلش ومستحيل احنا مالناش دعوة مؤيد ولا معارض احنا اطباء
وانت بنفسك قلت ان وزير الاسكان محل التحقيق هايعلن فتح تحقيق جديد معاه ليه
عندك حق
وكل دقيقة بيقعدها المحتجين في ميدان التحرير زيادة بتفقدهم جزء كبير من تعاطف الناس العادية اللى مبتفهمش سياسة معاهم
المهم يدوا له الفرصة
اللى واقفين ورا الموجودين الان مش من مصلحتهم ان احمد شفيق يشتغل
ياسيدي و لو واحد فقطاقتباس:
جبت منين ال1500 حتي العربية والبي بي سي قالوا 836
يا ريت نهدا شوية ومنرددش اشاعات
وبردو قالوا واحد الاعضاء هنا ردد كلامهم ان امن الدولة في القصر العيني بتمنع علاج المصابين من المعارضين واتصلوا بمدير المستشفي قال محصلش ومستحيل احنا مالناش دعوة مؤيد ولا معارض احنا اطباء
وانت بنفسك قلت ان وزير الاسكان محل التحقيق هايعلن فتح تحقيق جديد معاه ليه
الدم المصري مابقاش رخيص خلاص
و مبارك الي رحيل
اما عن سليمان لماذا يتم تجميد ارصدته و منعه من السفر و ده اجراء احترازي ممتاز حتي لا يختفي خلال الاحداث
اسمع كلامك اصدقك...اشوف الطوب والبلطجية دلوقتي في الميدان..استعجب...
استخفاف..
الراجل محترم بس بصراحة اتحرق لما مسك دلوقتي
ثانيا : واضح انه بيكذب او مدفوع انه يكذب : في حاجة اسمها ميعرفش الناس ده (البلطجية) دخلو ازاي الميدان (مع انهم محوطين الميدان) وبعد كده بيعتزر ،طب ازاي بيعتزر عن حاجة هو ميعرفش او مش السبب فيها
ثالثا : بيتعهد انه مش هيتكرر تاني وهو بيحصل دلوقتي افتحو الفضائيات وشوفو الاعتدائات اللي من ساعة من البلطجية (وقت المؤتمر الصحفي)
رابعا : حاسس انه بيخرف كل كلامه متناقض ومهزوز وشكله مدفوع عشان هذا الكذب
بالمناسبة : ناس في بلدنا شغالين في مصانع العاشر من رمضان بيقولو ان اصحاب المصانع اجبروهم انهم يسيبو الشغل امبارح ويروحو يعملو مظاهرات مؤيدة لحسني او في جزائات وفي ناس رفضت وروحت (اصحاب المصانع اغلبهم حزب وطني)
ما هو المشكلة فى مصر الجهلاء و الاميين!!!!!!!!اقتباس:
عندك حق
وكل دقيقة بيقعدها المحتجين في ميدان التحرير زيادة بتفقدهم جزء كبير من تعاطف الناس العادية اللى مبتفهمش سياسة معاهم
هو منظر بس , قال مفيش متظاهر هيضرب و اتضربوا مش هوا اللى بيشتغل , هو بينفذ بس!!!!!اقتباس:
المهم يدوا له الفرصة
اللى واقفين ورا الموجودين الان مش من مصلحتهم ان احمد شفيق يشتغل
الخلاصة اللى حصل فى ميدان التحرير بيخلى اى حد عنده عقل يعرف ان احمد شفيق مش فى ايده اى حاجة خالص , دا حلف بشرفه , انا لو منه كنت مشيت!!! كدا بيحرقوه
836 اتعوروا بس فى منها اللى عينه راحت او دماغه اتفتحت و غيره , لأ بسيطةاقتباس:
جبت منين ال1500 حتي العربية والبي بي سي قالوا 836