المؤتمر الصحفي بتاع رئيس الوزراء بتاع انهارده...حد شافه؟

**Raul_7** · 03-02-2011 04:14 PM

حد شاف المؤتمر الصحفي اللي اتذاع من شوية؟ وايه رأيكم في الكلام والتصريحات؟

**maka** · 03-02-2011 04:20 PM

رايكم ايه فى خطاب احمد شفيق ؟؟؟

هو الراجل بيقول كلام حلو و شكله هيحاول يعمل اصلاحات لكن برضه اشك انه يقدر يجيب المتسبين فى مذبحة امبارح و شكل حق اخواتنا هيضيع

**nab!l** · 03-02-2011 04:22 PM

مسئوليه محمود وجدى وزير الداخليه

**maka** · 03-02-2011 04:22 PM

النائب العام يمنع احمد عز و جرانة و المغربى و العادلى و تجميد حسابهم ......... هل هيقدراوا يعملوا حاجة ولا امتصاص غضب الناس علشان بكرة يعدى ؟؟

**dr-mohamed** · 03-02-2011 04:23 PM

الاهم قرار النائب العام بعده مباشرة بمنع احمد عز وجرانة والمغربي والعادلي من السفر والتحقيق معهم
فيه خطوات بتتم لكن لا يمكن كل حاجة تتعمل في يوم واحد
نرحم بلدنا

**som3aa** · 03-02-2011 04:26 PM

امتصاص غضب , طيب سؤال لما هو شاطر كدا و مسيطر ازاى امبارح البلطجية اتجمعوا و نزلوا ؟
مين اللى ادى الاوامر للشرطة تساعدهم و ادى اوامر للجيش يمشى؟؟؟؟؟؟؟؟
انهردة وقفوهم , معنى كدا ان اللى بيتحكم هو نفس النظام مش رئيس الوزراء كالعادة , رئيس الوزراء قال اول امبارح احلف بشرفى ان محدش هيتصاب و لا هيضرب و الناس اتضربت لانه اساسا مجرد اداه لامتصاص الغضب , لسه الحزب موجود و الامن موجود و كله موجود زى ما هو
طيب مين قال الاسامى دى؟ يعنى هما عارفين مين الفاسد و مين لأ؟ اشمعنى الاسامى دى

كلها خطوات للتهدئة فى رايى

**mido_soliman** · 03-02-2011 04:27 PM

احمد شفيق من اكثر الناس احتراما وعملية فى الاداء وانضباط وفعلا لو قعد حيعمل شغل كويس جدا لانة راجل صادق جدا جدا لكن اخشى ما اخشاة انة يكون كبش فدا للكبار ويكونوا جايبينوا علشان يصدروة لكارثة مش حيقدر عليها وتركة ثقيلة جدا