ياجماعه بعد اذنكم ايه الفرق بين العزم والهورس باور ...ومين فيهم ليه علاقه بقوه السحب ومين للسرعه القصوي ....وفيه عربيات كتير 1600 مع اختلاف ضخم بينهم في الهورس باور والعزم ايه السبب وشكرا للتعاون؟
عرض للطباعة
ياجماعه بعد اذنكم ايه الفرق بين العزم والهورس باور ...ومين فيهم ليه علاقه بقوه السحب ومين للسرعه القصوي ....وفيه عربيات كتير 1600 مع اختلاف ضخم بينهم في الهورس باور والعزم ايه السبب وشكرا للتعاون؟
عزم المحرك هو القوة المتولدة عن هذا المحرك و التي تسبب تحرك السيارة
أما القوة الحصانية فهي أقصى سرعة يستطيع أن يولدها هذا المحرك
بمعنى بلدي شوية
لو جبنا رجلين
واحد سريع و التاني قوي
السريع يقدر يجري بسرعة و لكنه لا يستطيع جر أشياء ثقيلة
و القوي يستطيع أن يجر أشياء ثقيلة و لكنه لا يستطيع أن يجري بسرعة
و بيبان موضوع العزم في العربيات النصف نقل و النقل
بتلاقي العربية تقدر تشد حملات عالية جدا و لكنها لا تجري بسرعة مثل السيارات الخاصة
و التفاوت في القوة الحصانية و العزم ما بين السيارات ذات نفس سعة المحرك اللترية
بيرجع لتصميم المحرك و التكنولوجيا المستخدمه في حرق الوقود و تكنولوجيا التصميم
و القدرة الحصانية القصوى تسُتخرج عند عدد لفات كبير للمحرك و هذا بالطبع يضعف المحرك و يقلل كفائته على المدى البعيد نظرا لزيادة نسبة التآكل لزيادة الأحتكاك بين أجزاء المحرك الميكانيكية
و العزم هو أقصى قوة للسيارة و بيكون عند عدد لفات قليل نسبيا في بعض السيارات و بيعلى في سيارات أخرى
فيه سيارات يتم استخراج أقصى عزم عند 3000 لفة / دقيقة
و سيارات أخرى تستخرج أقصى عزم عند 4000 أو 4500 لفة / دقيقة
و بتكون كفائة الأولى أعلى في السرعات القليلة تحت 100 كم / س
و كفائة الثانية أعلى في السرعات العالية و بتشعر بها لما تدوس بنزين و العربية تجيب معاك و ده عكس النوع الأول و الذي يكون تجميع سرعته فوق 100 ضعيف نسبيا
و ده كان شرح مبسط و أرجوا أن أكون أصبت الحقيقة و يكون حضرتك أستفدت
العزم و الهوس باور قيمتين تعبران عن قوة السيارة, و هما متعلقين ببعضهما البعض.
القوة الحصانية = الضغط * الحجم (حجم المحرك) * السرعة(سرعة المحرك). مع طرح منها القوة المستهلكة فى تشغيل الزوائد مثل (الدينامو, مضخة المياه, عمود الكامات).
العزم بيساوى القوى الحصانية / السرعة.
و يولد المحرك مجموعة من العزوم فالعزم و القوة الحصانية تختلف بحسب السرعة, العزم يبدأ قليلا ثم يرتفع ليصل الى نقطة العزم الأقصى (ديه الى بتكتب فى الكتالوج) مثلا 12.5 كغ/متر عند 3300 أربى ام, ثم يبدأ العزم بعدها فى الانخفاض.
اذا العزم و القوة الحصانية مرتبطين ببعضهم البعض, و كلما زاد العزم زادت القوة الحصانية.
أم القوة الحصانية فانها ترتفع الى أن تصل عند نقطتها القصوى (الذى يكتب فى الكتالوج) مثلا 96 حصان عند 5500 أر بى ام.
و القوة الحصانية هى التى تعبر عن التسارع و ليس العزم.
مثلا تجد سيارات النقل (الديزل) لها عزم مرتفع و لكن قوة حصانية منخفضة, و هذا يرجع لانخفاض سرعة المحرك, لأن محرك الديزل لا يصل لسرعات مرتفعة كما يفعل محرك البنزين, و لكنه يستطيع الوصول الى عزوم مرتفعة على سرعات قليلة.
اذن لكى ترتفع القوة الحصانية أمامنا طريقين و هو رفع السرعة التى يأخذ عندها المحرك عزمه الأقصى أو رفع العزم.و رفع العزم مستحيل فنيا لأن الضغط فى المحرك ثابت, الا لو تم اعتماد شاحن هواء(تربو) و هو السبيل الوحيد لرفع الضغط و لكن يأتى على حساب عمر المحرك.
مثلا تجد سيارات عزمها 14 كغ عند 4800 أر بى ام, فى هذه الحالة ترتفع القوة الحصانية بشكل كبير لأن السرعة أعلى و كما قلنا العزم*سرعة يديك قوة حصانية, و تصبح السيارة أسرع و لكن يقل عمرها بشكل درامى بسبب ارتفاع دورات المحرك.
و لكن فى المقابل أيضا سوف تعانى هذه السيارات فى المطالع و عند التحميل.
و عادة لا يقوم الأوروبيون برفع القوة الحصانية عن طريق رفع سرعة المحرك, لكى يزيدوا من عمر المحرك الافتراضى, بينما يلجأ اليابانيون و الكوريون الى هذا الأسلوب لاعطاء السيارة سرعة اضافية على حساب عمر المحرك و كفاءة السيارة فى الطرق الوعرة و أثناء التحميل.
الف شكر للتوت عنخ امون وفادي عن المعلومات القيمه
الهورس بور ده المسئول عن السرعة في السيارة كل ما الهورس بور زاد كل ما العربية حققت تسارع اعلي و اداء اعلي علي الطرق السريعة في الجري يعني..العزم هو المسئول عن الاحمال يعني انت محمل العربية لنفترض انها ابيزا الجديدة 1400 سي سي 85 حصان عزمها 130 نيوتن عند 3800 ار بي ام العربية بتنتج اقصي عزم ليها و هو 130 نيوتن عند 3800 ار بي ام و ده عدد لفات معقول الموتور مش كتير اوي ولا قليل اوي لكن الهورس بور او القدرة الحصانية بتتحقق كاملة عند عدد لفات اكتر و طبعا كل ما القدرة الحصانية للعربية زادت كل ما عدد لفات الموتور بيزيد بالتالي ده بيبقي ايه تأثير سلبي علي عمر المحرك خصوصا للناس اللي بتسافر كتير و بيجيبوا سرعات عالية كتير بالتالي القدرة الحصانية العالية عشان تتحقق كاملة طبعا بعد خسارة جزء منها في تشغيل التكييف و الدينامو و الكلام ده بتخلي الموتور يبذل جهد اكتر و زي ما الاخ فادي قال الكوريين و اليابانيين متبعين الموضوع ده في عربياتهم تلاقي مثلا في الكوري ولتكن الانترا 1600 سي سي 121 حصان القدرة دي عالية و بالتالي عشان تتحقق كاملة الموتور عدد لفاتة بتكون اكتر و الموتور عمره بيكون اقصر لانه بيبذل جهد اكتر خصوصا لو التصنيع مش علي درجة عالية من الكفاءة و اليابانيين مثلا عندهم تويوتا كورولا الجديدة 142 حصان و الصافي 122 حصان كتير جدا في رأيي و السيفيك 140 حصان الصافي 125 انما لو جبنا عربية الماني مثلا زي الجيتا من نفس فئة الكورولا 1600 سي سي 102 حصان 148 نيوتن عزم 102 حصان قوة معقولة جدا جدا هتبلغها و الموتور مش هيكون داخل علي الاحمر في عداد الار بي ام بالعكس هيكون في المعقول انما سيفيك بتحقق قدرتها الحصانية كاملة عند 6200 لفة في الدقيقة طبعا ده كتير جدا و بتستفز السائق و الموتور عمرة اكيد هيبقي اقل ده مع الوضع في الاعتبار ان الصناعة اليابانية اقل اصلا من الالمانية اتمني اكون افدتك....
Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzaaaaaaaaaaaaaaaaa For Ever
الف شكر يامحمد باشا يعني الهورس الباور خاص بالتسارع بمعني لو عربيتين 1300 الاولي هورس باور 80 والثانيه 90 والاتنين بيتحركو من الثبات يبقي الثانيه تسارع اعلي وتعدي العربيه الاولي بس هل ممكن هما الاتنين يحققو نفس السرعه القصوي...؟ولو نفس العربيتين بس عزم الاولي وليكن 140 نيوتن والثانيه 120 نيوتن بس الاولي محمله والثانيه الثانيه بها السائق فقط لو الاتنين هيتحركو من الثبات يبقي الاولي اللي محمله هتتطلع من الثانيه .....ياتري كدا صح ولا انا لسه مش فاهم وشكر ا للتعاون
مع ذكر ايضا هل هيحققو نفس السرعه القصوي ولا العزم ملوش علاقه بالسرعه القصوي....؟
السلام عليكم
فى سؤال برضه عاوز اسئله بعد اذن حضرتك يا استاذ timo
مين فيهم اللى بيفرق فى التسارع (مثلا من . الى 100 كم/س) اللى بيفرق هنا بين عربيتين العزم ولا الهورس باور؟؟
اللي بيفرق في التسارع حاجات كتيرة
يعني لو عندنا عربيتين و الأثنين 1600
و العزم بتاع واحدة منهم يتآتي على عدد لفات قليل
هتلاقي إن العربية دي في الطلوع من صفر ل 100 سلسة أكثر من الأخرى التي عزمها على لفات أكبر و لكن بعد سرعة 90 تقريبا العربية أم عزم كبير ما بتشوفهاش
و طبعا الأثنين بيفرقوا و لكن العزم اهم في السرعات القليلة و بيفرق أكتر من القوة الحصانية لأن القوة الحصانية بتبان أكتر على سرعات عالية
و أرجوا أن يكون كلامي دقيق
و شكرا
"السلام عليكم
فى سؤال برضه عاوز اسئله بعد اذن حضرتك يا استاذ timo
مين فيهم اللى بيفرق فى التسارع (مثلا من . الى 100 كم/س) اللى بيفرق هنا بين عربيتين العزم ولا الهورس باور؟؟"
التسارع من 0 الى 100 بيخش فيه عوامل كثيرة.
طبعا العاملين الأهم القوة الحصانية و الوزن.
العزم هنا داخل من خلال القوة الحصانية, لأنه عامل من عوامل القوة الحصانية و ملوش دعوة بسرعة العربية بل بسرعة المحرك, يعنى العزم لما يكون عالى العربية بتبقى مرنة على سرعات قليلة للمحرك (2000 ار بى ام مثلا) لكن فى التسارع و على اعتبار انك هتوصل لأعلى سرعة ممكنة للمحرك فعامل سرعة العزم الأقصى مش داخلة معانا.
فيه حاجة تانية بتفرق زى نسب علبة التروس و نسبة التخفيض, و عوامل أخرى صغيرة زى مقاومة الهواء و مقاومة التدحرج.