خطاب عمر سليمان

**ainshouka** · 03-02-2011 08:42 PM

مشفتهوش كله
بس مشفتش غير الجزء اللى قال فيه انه مينفعش انه يحل مجلسى الشعب والشورى عشان هما دول اللى حيعدلوا الدستور

يعنى أعضاء المجلس اللى جايين المجلس بالتزوير والتسويد هما اللى حيناقشوا تعديل الدستور

اعضاء مجلس الشعب اللى جايين كلهم من الحزب الوطنى هما اللى حيناقشوا مواد الدستور

مش عارف بقى ناقص ايه تانى

**mahmoudysf** · 03-02-2011 08:45 PM

المشاركة الأصلية كتبت بواسطة jato.33

لا أنا دلوقتي غلط

والأعضاء إلي عمالين يتهموا الناس بإنهم لا يهتمون بمن مات من الشهداء وإنهم عايزين يجهضوا الثورة

هما إلي صح ومحدش يكلمهم .... ما شاء الله بتحموا بعض كويسا

إيوه في أجندات خارجية فعلاً

تفسر بإيه التدخل الخارجي الغير معقول في هذه الأحداث

بلاش تفسر بإيه كلامهم كأنهم عندهم طار مع حسني ومكطالبته بالرحيل الآن ورد وزير الخارجية التركي عقب خطاب حسني مباشرة والذي لم يترك حتى الراجل ينهي كلمته عشان يقول "عليه أن يقوم بإجراء مختلف"

الناس دية متعرفش إلي الداخلية وأمن الدولة كانوا عاملينه ومتصور من زمان وكانوا حبايب إشمعنا دلوقتي

من الواضح إن الإخوان المسلمين منقسمين على بعضهم البعض

وده رأيي الشخصي

هناك تيار إيراني داخل الإخوان المسلمين

الإخوان المسلمين والجهاد الإسلامي دعوا كل من في ميدان التحرير بالرجوع وعلى الرغم من كده لسه قاعدين

تفسر بإيه كلام إسرائيل بإنها تخشى من ثورة على غرار الثورة الإيرانية الإسلامية

وكلام نتانياهم الذي يكاد يشبه الإستجداء بضرورة "ضمان أن أي حكومة تأتي تحافظ على إتفاقية السلام"

حكموا عقلكوا كويس

وبعدين سيبتوا كل كلام الراجل ومسكتوا في دية "أجندات خارجية"

وتقولي متتهمش حد

ارجو توضح تقصد ايه بالجملةالمكبرة دي
كلامك محتاج توضيح من غير لف ودوران

المشاركة الأصلية كتبت بواسطة jato.33

بخصوص الإيجابيات

في إيجابيات كثيرة غير الكلام

- دعوة الإخوان المسلمين للحوار
- محاولة إنزال عناصر من الشرطة للشوارع للبدء في رجوع الأمور لما كانت عليه والتخفيف من رعب الناس ومساعدة اللجان الشعبية

الناس بأه إلي في ميدان التحرير حالياً وأكرر حالياً عملت إيه إيجابي

كلة سلبي "فتنة , إثارة لأهل الوطن الواحد , وبلاوي بكرة تبان"

انت محتاج تتفرج وتقرا شوية قبل
ما تعلق اعذرني
انا ناقشت ناس كتير ومنهم اللي ضد المظاهرات دلوقتى
لاكن حضرتك محتاج نضج اكبر من كدة في تعليقاتك

**ahmed1981** · 03-02-2011 08:54 PM

إتفرجت عليه
وعندي إحساس شديد بإنه راجل كذاب وقلبه أسود ونيته منيله بنيلة سودا

ولن أرشحه أبداً للرئاسة

عمرو موسى برقبته

يا رب أستر

**Jato.33** · 03-02-2011 09:02 PM

المشاركة الأصلية كتبت بواسطة mahmoudysf

ارجو توضح تقصد ايه بالجملةالمكبرة دي
كلامك محتاج توضيح من غير لف ودوران

انت محتاج تتفرج وتقرا شوية قبل
ما تعلق اعذرني
انا ناقشت ناس كتير ومنهم اللي ضد المظاهرات دلوقتى
لاكن حضرتك محتاج نضج اكبر من كدة في تعليقاتك

والله مش أنا إلي كبرتها في مشاركتي من الأصل
إنتا إلي كبرتها بإيدك
إلي على رأسه بطحة بيحسس عليها

يا ريت حضرتك تنقلنا كلام الخبراء إلي إنتا ناقشتهم وتوضح ليا إزاي أكون ناضج عشان أتعلم منكم ؟

**amr mokhtar** · 03-02-2011 09:02 PM

انا سمعت الخطاب بس لسه مش قادر أقتنع بيه او أرفضه
و مستعد أقبل مبارك الشوية اللى جايين
بس النقطة اللى لاقي ليها إجابة هى تعديل الدستور

إزاى المجلسين الفاسدين دول بالرؤساء بتوعهم هم اللى هيعدلوا الدستور؟؟
و هل أعضاء مجلس الشعب الحاليين مؤهلين علميآ و عندهم الخبرة الكافية اللى تمكنهم من تعديل الدستور؟؟
انا لا أظن مطلقآ و اللى شايف حاجة تانية يقولى عليها

**Ahmed Anwer** · 03-02-2011 09:03 PM

يا ريته ما اتكلم !!!

ده أنا كنت بحبه ،،،

منين الداخلية قامت بدورها

و منين قبضوا علي وزير الداخلية ؟؟؟

**Jato.33** · 03-02-2011 09:08 PM

المشاركة الأصلية كتبت بواسطة amr mokhtar

انا سمعت الخطاب بس لسه مش قادر أقتنع بيه او أرفضه
و مستعد أقبل مبارك الشوية اللى جايين
بس النقطة اللى لاقي ليها إجابة هى تعديل الدستور

إزاى المجلسين الفاسدين دول بالرؤساء بتوعهم هم اللى هيعدلوا الدستور؟؟
و هل أعضاء مجلس الشعب الحاليين مؤهلين علميآ و عندهم الخبرة الكافية اللى تمكنهم من تعديل الدستور؟؟
انا لا أظن مطلقآ و اللى شايف حاجة تانية يقولى عليها

مش هما أصلاً إلي كانوا بيعدلوا أو بيقترحوا قوانين قبل ما تدخل ويصوتوا عليها بعد رفع فتحي سرور إيده طبعاً بالموافقة

الكل عارف إنها كانت بتنطبخ بره قبل ما تدخل مجلس الشعب
والمرة دية التعديلات هتنطبخ في غرفة عمليات القوات المسلحة

وبعدين هما بالفعل غير مؤهلين علمياً لتعديل الدستور

ولكنهم مؤهلين إجراميا وإستبياعاً لخراب البلد وإشاعة الفوضى
إذا بدرت أي خطة لإقالتهم أو تهميشهم

**mfarag** · 03-02-2011 09:09 PM

الخطاب خطاب علاقات عامة - لم يقدم جديد و اكد على ما تم ذكرة فى خظاب مبارك

الخوف اولا من خطاب علاقات العامة فى ظل ما ذكر عن حركة ترهيب الصحفييين

ان ساعة الصفر فربت و انهم مش هيستنوا لبكرة

شخصية عمر سليمان - دا طبعا راى شخصى معجبنيش مش سياسى و حاسس انوا عنيف

سلبيات الخطاب

تحميل المتظاهرين بعد يوم 25 دخول قوى مخربة مما يعنى مقدمىة للرجوع الحل الامنى

حكاية الاجندات الخارجية و الموامرات و ام رجل مسلوخة ( اة لامواخذة مقلش ام رجل مسلوخة )

ان الرئيس استجاب لكل مطالب الشباب - بس الشباب رايح يقضى الويك اند فى ميدان التحرير

الاسواء ان الفراغ الامنى نتيجة اجهاد الشرطة

ايجابيات الخطاب

بداية الكلام للشعب

جاب سيرة المحظورة - اسف الاخوان المسلمين - ودى بداية حوار مع قوة موجودة سواء اتقفنا او اختلفنا

**mfarag** · 03-02-2011 09:11 PM

المشاركة الأصلية كتبت بواسطة ahmed1981

إتفرجت عليه
وعندي إحساس شديد بإنه راجل كذاب وقلبه أسود ونيته منيله بنيلة سودا

ولن أرشحه أبداً للرئاسة

عمرو موسى برقبته

يا رب أستر

متفق معاك

**aimank** · 03-02-2011 09:14 PM

المشاركة الأصلية كتبت بواسطة ahmed anwer

يا ريته ما اتكلم !!!

ده أنا كنت بحبه ،،،

منين الداخلية قامت بدورها

و منين قبضوا علي وزير الداخلية ؟؟؟

اللقاء ده مسجل النهاردة الظهر
و الخبر النائب العام طلع بعد العصر

الموضوع: خطاب عمر سليمان

LinkBack

أدوات الموضوع

عرض

-

-

-

-

-

-

المواضيع المتشابهه

خطاب د/ شرف الثانى !!!!!!!!!!!!!!!!!!!!!!!!!!!

خطاب القذافى!!!!!!!!!!!!!!!

خطاب متظاهر في التحرير (اهم من خطاب الرئيس)

خطاب وجيفارا

خطاب أوباما ..

الكلمات الدلالية لهذا الموضوع

المفضلات

المفضلات

ضوابط المشاركة