ما رايكم فى خطاب السيد عمر سليمان
و خصوصا التوقيت و ما ورد فية
عرض للطباعة
ما رايكم فى خطاب السيد عمر سليمان
و خصوصا التوقيت و ما ورد فية
الكدب الحصري عالتلفزيون المصري.............
ما شوفتهوش كله
لاكن اللي شوفته من خطابة ضباب
مش عارف ليه هو ولا شفيق مفيش حاجة او اجراء محدد لمطالب محدةة
مع احترامى الاراء
الموضوع مش كلام وتمنى
ده سياسه وقوانين
الراجل طلع وقال خطه التعديلات السياسيه والعائق الزمنى
مطلوب منه ايه يعمله ؟؟ يريت حد يجوبنى
الراجل بيتحدث كإنه الرئيس
نائب الرئيس ليس له سلطات إلا بتفويض الرئيس و لكن كان دايما السيد عمر سليمان بيقول " إحنا "
كلام بيتقال زيه من 30 سنة
كفاية بقى الكلام الأهبل بتاع مندسين و مش مندسين
لا جديد فى الكلام , اصبروا احنا هنستخدم مجلس الشعب المزور فى تغيير المادتين 76-77 بس و الباقى بعد كدا فى ال6 سنين الجاية ان شاء الله بالذمة دا كلام؟
مين اللى هيغير فتحى سرور و صفوت الشريف؟
الخلاصة بانت امبارح , ربنا فضحهم , اعضاء مجلس الشعب جابوا بلطجية امبارح و طلعوا على المتظاهرين مع وعد شفيق بعدم التعرض لهم و حلفانه بشرفه و طبعا كلنا شوفنا الأحصنة و الجمال!!! دم ال8 اللى اتقتلوا امبارح فى رقبة مين و ال300 اللى ماتوا الاسبوع اللى فات؟؟؟
التليفزيون المصرى نفس الكلام و نفس الاشخاص اللى بتتصل و نفس التعتيم الاعلامى و قفل الجزيرة و منع القنوات الخاصة من الكلام , منى امبارح قالت نصحونى مطلعش على الهوا (طبعا علشان متاذيش نفسها) لان لسه الرقابة على القنوات المصرية زى ما هى!!!! نفس انس الفقى و نفس سامح فهمى!!!!!
بالذمة عقل البنى ادم فين؟
:bravo::verygood: وده ألي هايحصل أن شاء الله والمفروض تكون أيدينا معاهم ونساعدهم بالتضامن وليس بالتظاهر
الرجالة عملوها والثورة حققت أهدافها الحمد للهhttp://www.nilemotors.net/Nile/image..._10%5B1%5D.gif
تصوري علشان الصورة توضح لازم أول حاجة تعرفوا أنه واضح من يوم الجمعة علي أقل تقدير أن السلطة السياسية في أيد الجيش وليس مبارك........وده كان واضح تماما من متابعة الأحداث والبيانات وحتي خطابات الرئيس وأن التأخر في أعلان ذلك كان للسيطرة علي مراكز القوي السياسية والمالية والتي تشوبها شبهات ودي مهمة في غاية الصعوبة
هوة انت بجد مقتنع بالحلاق اللى اسمة البرادعى دة ؟؟؟؟
انا مش متخيل رئيس جمهورية مصر العربية يكون بيتهته وكمان فاشل ومتواطىء ومكشوف اوى اوى انة عايز يولع فى البلد وخلاص علشان يركب الموجة وان فى ناس زيك كدة مصدقاة
على فكرة انا مليش فى السياسة خالص بس بحس بمين بيمثل ومين بيبقى صادق
هذا الخطاب ليس كما يقول البعض كدب
إشعرفك
وليس قديم وبيتقال من 30 سنة
في كلام إتقال أتحدى إن أي حد يجيب دليل على إنه إتقال قبل كده
- دعوة الإخوان المسلمين للتحاور
- التأكيد على محاكمة المسئولين عن الإنفلات الأمني بما فيهم جهاز الشرطة والتنبيه بكلمة "حساب عسير"
أظن محدش سمع حد في البلد ديه بيقول حساب عسير قبل كده
بطلوا إثارة في الناس
بطلوا إطلاق الأحكام بدون تحقق منها
بطلوا كلام لا تعرفون معناه
انا مش هادعى فهم السياسة بس ليا سؤال يعنى ايه اللى فتح السجون مسؤلية قوى اجنبية ؟دا جه على لسانه يعنى الشرطة غير مؤلة اطلاقا عن هروب السجناء؟
اي كلام هيتقال من النظام في المرحله دي هيتقال عليه كذب يعني احنا في معضله منطقيه كل كلام النظام كدب و في نفس الوقت احنا منتظرين كلام النظام طب نعمل ايه
محدش عايز يدي نفسة فرصة يفكر و يقرا ورا السطور
حتي محدش عايز يسمع كلام عمر سليمان بالراحه و يحلله
الراجل دة ماسك اهم ملفين لمصر في ال 20 سنه الاخيرة حوض النيل و الملف الاسرائيلي
بمعني ان كل كلم بيقولها هو وازنها كويس و عارف هو بيقول ايه
الراجل قال ان في فرصة ثمينه للحوار
و قال كمان نرفض تدخل خارجي في شئون مصر الداخليه
اقراوا الجملتين دول كويس اوي و حللولهم
لو الناس فضلت ماسكه في ان الرئيس يرحل و مفيش مطلب غير كدة و النظام قدر يخرج من الفخ دة و قدر يغير نظرة المجتمع الدولي صدقوني محدش هياخد حاجة و مفيش حاجة هتتنفذ
اللي حصل في الايام اللي فاتت محدش يصدقه و تنازلات النظام مش قليله و مبارك ماشي ماشي
يعني الحقيقه المؤكدة الوحيدة في الموضوع دة كله ان الريس ماشي و مع ذلك الناس سايبه كل حاجة و ماسكه في الحاجة الوحيدة اللي احنا متأكدين منها
الفرصة دي مش هتيجي تاني ابدااااااااا النظام بينفذ اي حاجة الناس بتتطلبها ممكن كل الحراميه اللي عايشيين من خير البلد نقدر نطالب بمحاكمتهم (( الا مبارك طبعا )) نستغل دة و منضيعشي الفرصة
يارب نحكم عقلنا و نفكر كويس
لا أنا دلوقتي غلط
والأعضاء إلي عمالين يتهموا الناس بإنهم لا يهتمون بمن مات من الشهداء وإنهم عايزين يجهضوا الثورة
هما إلي صح ومحدش يكلمهم .... ما شاء الله بتحموا بعض كويس
إيوه في أجندات خارجية فعلاً
تفسر بإيه التدخل الخارجي الغير معقول في هذه الأحداث
بلاش تفسر بإيه كلامهم كأنهم عندهم طار مع حسني ومكطالبته بالرحيل الآن ورد وزير الخارجية التركي عقب خطاب حسني مباشرة والذي لم يترك حتى الراجل ينهي كلمته عشان يقول "عليه أن يقوم بإجراء مختلف"
الناس دية متعرفش إلي الداخلية وأمن الدولة كانوا عاملينه ومتصور من زمان وكانوا حبايب إشمعنا دلوقتي
من الواضح إن الإخوان المسلمين منقسمين على بعضهم البعض
وده رأيي الشخصي
هناك تيار إيراني داخل الإخوان المسلمين
الإخوان المسلمين والجهاد الإسلامي دعوا كل من في ميدان التحرير بالرجوع وعلى الرغم من كده لسه قاعدين
تفسر بإيه كلام إسرائيل بإنها تخشى من ثورة على غرار الثورة الإيرانية الإسلامية
وكلام نتانياهم الذي يكاد يشبه الإستجداء بضرورة "ضمان أن أي حكومة تأتي تحافظ على إتفاقية السلام"
حكموا عقلكوا كويس
وبعدين سيبتوا كل كلام الراجل ومسكتوا في دية "أجندات خارجية"
وتقولي متتهمش حد
الناس المعترضه على كلام عمر سليمان
محدش قلى عيزينه يقول ايه
محدش يقولى احنا عيزين افعال مش اقول ويسبها مفتوحه كده
قولو عيزين ايه 1- 2- 3
وانت لو مكانه هتقدر تنفزها فى زمن ايه وازاى
مش عيزين اسلوب خلقت لاعترض .....كل شىء فى ايجابيات وسلبيات
الموضوع مش خناقه عيزين كزا كزا وخلاص ملناش فيه
البرادعي ليس بسيء مبدأيا ولكن لايصلح رئيس جمهورية وفي حقيقة الأمر ليس هذا هدفه الفعلي وبكرة تقولوا لما الحقايق كلها تنكشف
البرادعي عمل دور أيجابي في صحصحة الناس علي الفساد وتشجيعه الناس علي طلب حرياتها السياسية مليون توقيع
ودوره في الثورة كان مجرد صمام أمان داخل المظاهرات حتي لاتنجرف في أتجاه أجندات للأحزاب المختلفة وليس لرغبة تولي الرئاسة
بخصوص الإيجابيات
في إيجابيات كثيرة غير الكلام
- دعوة الإخوان المسلمين للحوار
- محاولة إنزال عناصر من الشرطة للشوارع للبدء في رجوع الأمور لما كانت عليه والتخفيف من رعب الناس ومساعدة اللجان الشعبية
الناس بأه إلي في ميدان التحرير حالياً وأكرر حالياً عملت إيه إيجابي
كلة سلبي "فتنة , إثارة لأهل الوطن الواحد , وبلاوي بكرة تبان"
اول حاجة عملها البرادعي بعد نجاح الشباب في ثورتهم ((( مش هو و لا غيرة من الاحزاب المهمشه ))) انه راح قابل السفيرة الامريكيه
حد فاهم حاجة ؟؟؟؟؟؟؟؟؟؟؟؟ حد استنتج حاجة عن حاكم مصر المستقبلي في نظر بعض الشباب ؟؟؟؟؟؟؟؟
النظام العالمي الجديد بيحلم يقسم دول العالم ل 3 اقسام
1- انظمه مهاودة و قابله لوجود قواعد اجنبيه (( السعوديه - الكويت - قطر )))
2- انظمه معصلجه يبقي ندخلها بالقوة (( افغانستان - العراق ))) و ياريت ايران تقدر تصمد
3- انظمه يحكمها حكام ولائهم الكامل و اجندتهم و نظام حكمهم مستمد من كبيرة العالم دلوقتي (( تركيا - بريطانيا ))
ياتري الضغط علي النظام و التمسك بطلب واحد و هو رحيل مبارك و ترك باقي المطالب هيحطنا في اني قسم من دول
مشفتهوش كله
بس مشفتش غير الجزء اللى قال فيه انه مينفعش انه يحل مجلسى الشعب والشورى عشان هما دول اللى حيعدلوا الدستور
يعنى أعضاء المجلس اللى جايين المجلس بالتزوير والتسويد هما اللى حيناقشوا تعديل الدستور
اعضاء مجلس الشعب اللى جايين كلهم من الحزب الوطنى هما اللى حيناقشوا مواد الدستور
مش عارف بقى ناقص ايه تانى
ارجو توضح تقصد ايه بالجملةالمكبرة دي
كلامك محتاج توضيح من غير لف ودوران
انت محتاج تتفرج وتقرا شوية قبل
ما تعلق اعذرني
انا ناقشت ناس كتير ومنهم اللي ضد المظاهرات دلوقتى
لاكن حضرتك محتاج نضج اكبر من كدة في تعليقاتك
إتفرجت عليه
وعندي إحساس شديد بإنه راجل كذاب وقلبه أسود ونيته منيله بنيلة سودا
ولن أرشحه أبداً للرئاسة
عمرو موسى برقبته
يا رب أستر
انا سمعت الخطاب بس لسه مش قادر أقتنع بيه او أرفضه
و مستعد أقبل مبارك الشوية اللى جايين
بس النقطة اللى لاقي ليها إجابة هى تعديل الدستور
إزاى المجلسين الفاسدين دول بالرؤساء بتوعهم هم اللى هيعدلوا الدستور؟؟
و هل أعضاء مجلس الشعب الحاليين مؤهلين علميآ و عندهم الخبرة الكافية اللى تمكنهم من تعديل الدستور؟؟
انا لا أظن مطلقآ و اللى شايف حاجة تانية يقولى عليها
يا ريته ما اتكلم !!!
ده أنا كنت بحبه ،،،
منين الداخلية قامت بدورها
و منين قبضوا علي وزير الداخلية ؟؟؟
مش هما أصلاً إلي كانوا بيعدلوا أو بيقترحوا قوانين قبل ما تدخل ويصوتوا عليها بعد رفع فتحي سرور إيده طبعاً بالموافقة
الكل عارف إنها كانت بتنطبخ بره قبل ما تدخل مجلس الشعب
والمرة دية التعديلات هتنطبخ في غرفة عمليات القوات المسلحة
وبعدين هما بالفعل غير مؤهلين علمياً لتعديل الدستور
ولكنهم مؤهلين إجراميا وإستبياعاً لخراب البلد وإشاعة الفوضى
إذا بدرت أي خطة لإقالتهم أو تهميشهم
الخطاب خطاب علاقات عامة - لم يقدم جديد و اكد على ما تم ذكرة فى خظاب مبارك
الخوف اولا من خطاب علاقات العامة فى ظل ما ذكر عن حركة ترهيب الصحفييين
ان ساعة الصفر فربت و انهم مش هيستنوا لبكرة
شخصية عمر سليمان - دا طبعا راى شخصى معجبنيش مش سياسى و حاسس انوا عنيف
سلبيات الخطاب
تحميل المتظاهرين بعد يوم 25 دخول قوى مخربة مما يعنى مقدمىة للرجوع الحل الامنى
حكاية الاجندات الخارجية و الموامرات و ام رجل مسلوخة ( اة لامواخذة مقلش ام رجل مسلوخة )
ان الرئيس استجاب لكل مطالب الشباب - بس الشباب رايح يقضى الويك اند فى ميدان التحرير
الاسواء ان الفراغ الامنى نتيجة اجهاد الشرطة
ايجابيات الخطاب
بداية الكلام للشعب
جاب سيرة المحظورة - اسف الاخوان المسلمين - ودى بداية حوار مع قوة موجودة سواء اتقفنا او اختلفنا
حضرتك الحديث عن العلاقات العامة مطلوب إذا كان يصح أن نطلق على معنى الحوار السياسي علاقات عامة
هوا مقالش إن المتظاهرين يوم 25 يناير خربوا حاجة
هوا بيتكلم إن تم إستغلالهم وأكد (بدون علم منهم) لإشاعة الفوضى وإحداث هجوم على أقسام الشرطة وده صحيح جت منين قنابل المولتوف ممكن نكتشف بعد الهدوء إن شاء الله وبدء التحقيقات من إن في حد جوة الداخلية كان له يد في كده بس طبعاً محدش فاضي دلوقتي للكلام ده للأسف
وبعدين الراجل مجبش أي سيرة ويك إند في ميدان التحرير
ومجبش سيرة إجهاد الشرطة هو قال (إنه سيتم التحقيق في من وراء الفراغ الأمني وإن عدم عودة الشرطة بكامل قوتها حالياً بسبب ما حدث من إستهداف سابق) الإنسحاب الغير معروف أسبابه ومش عايز يقول خيبة الشرطة يعني
شوفوا يا جماعة
اولا الرئيس مبارك احسن الاختيار انه عين عمر سليمان نائبا له لانه راجل معروف على مستوى العالم و راجل مخابرات كبير وعارف كل كبيرة و صغيرة فى البلد حتى كلامه جميل ومبين ان ده واحد فاهم وناضج
ثانيا طبعا الرئيس مبارك اتأخر جدا جدا فى تعيين نائب له وكان فاكر ان الناس عاوزه جمال ابنه
ثالثا تصريحات الحكومة كلها سليمة وهما فعلا هيبدأوا فى الاصلاح وهما لسه فى اول الطريق ماينفعش نحكم عليهم دلوقتى والراجل احمد شفيق ده راجل محترم جدا وان شاء الله يكون زى الجنزورى كده و أفضل احنا مانكرهش طبعا
ربنا يوفق مصر لكل خير ..
صحيح إنه عارف حاجات كتير لكن مينفعش يقولها على الهوا
وخصوصاً إن المؤيد والمعارض والمختبئ والشريف يستمعون معاً لابد من بعض التورية والإختصار والإشارة
والحدق يفهم
على الأقل دلوقتي
لما يلم الزبالة إلي في البلد يبقى يصرح ويقول بس إديله الفرصة
كلام فاضي وشكلة كدا عم العدلي ومن اتباع الريس يطلع يتكلم ساعة واثنين
ومتخدش منوا حاجة كلام كله عن المستقبل البعيد وليس عن الساعات القادمة
موت يا ......
كفاية بقة الناس بتموت وانتوى عملين تقولو أي كلام
إلي مش عايز ثورة ولا زفت يرات يطلب إن اناس متدربش بالنار
عمر سليمان قال الناس دي هتتأمن
وعكس الكلام دة تماماً بيحصل
أي حد بيكدب حيروح من ربنا فين
أنا زعلان قوي والله
يا جماعة الراجل يأمن الناس إزاي في الهرجلة دية
وزير الداخلية الجديد لم تتاح له الفرصة لممارسة عمله
وصعب ترجع الداخلية بالسرعة دية زي ما كانت عشان الناس كلها تنام في بيوتها مطمئنة
ومحدش عايز يهدى عشان يدي فرصة لحد يعمل حاجة
هوا حاوي ... هيقول يتأمنوا ... يقوموا يتأمنوا كده علطول تاني يوم