السلام عليكم ورحمه الله وبركاته
والصلاة والسلام على سيدي وسيدكم وحبيبنا اشرف الخلق

خلاص
بقينا عملاء
بقينا جواسيس نظام خائن
عشان كل واحد شايف وجهة نظر ومش قادر يقنع بيها الطرف الاخر
انت مقتنع براي
انت احر
اكتبه من حقك
لكن مش من حقك تشتم اخوك في المنتدى
تهينه
تتهمه بالعمالة والموالاة لنظام عقيم
احترسو جميعا
كل واحد يحاول يقنع اخ ليه ويزج بيه في مكان او حدث
ويصاب
فسيسئل عنه
وعن تبعات ما حرض عيه
وسيتحمل تبعات وعواقب ما يحدث له ولاهلة

رجاء خاص لكل اخوتي في المنتدى
الذين احبهم بدون اارهم
لا تجبروني على غلق ساحة الاجتماعي وتحويله منتدى سيارات فقط
تليفوني مابطلش ندائات من اخوة يطالبوني فيها حفظا على دمائكم وحفاظا على مصر
ان نكف ونرفع ايدينا
من فضلكم
فلنرفع ايدينا الى رب العباد بالنجاة من هذة الفتنة
قومو الى صلاة الليل
ابتهلو فنحن بفتنة

يا مسلم
يا مسيحي

البلاد تنهار
واخواتنا يذبحون
وان سقط نظام مبارك غدا سيكون مصيرنا الاسوء
الم ترو كلام حبيبنا وشيخنا محمد حسان في لقائه على قناة المحور
ابحثوا عنه على النت ستجدوه

انا لا اريد مبارك وساخط وبشدة على النظام
ولكن لن ادفع باخوتى الى الهلاك
اين عقولكم
ابطلها اعلام العربية والجزيرة والحرة؟؟؟؟

واتبعو كلام اشرف الخلق محمد صلى الله عليه وسلم حين قال :

عن عبد الله بن عمرو بن العاص قال: (بينما نحن حول رسول الله صلى الله عليه وسلم إذ ذكر الفتنة فقال: إذا رأيت الناس قد مرجت عهودهم، وخفت أماناتهم، وكانوا هكذا -وشبك بين أصابعه- قال: فقمت إليه فقلت: كيف أفعل عند ذلك جعلني الله فداك؟ قال: الزم بيتك، واملك عليك لسانك، وخذ بما تعرف، ودع ما تنكر، وعليك بأمر خاصة نفسك، ودع عنك أمر العامة)

الزمو بيوتكم بقى وخذو بما تعرفو ودعو ما تنكرو
اعدائكم محطيطين بكم ويكيدون لكم ويدفعونكم دفعا للهلاك
رحماك يا الله
رحماك يا لله
رحماك يا الله
------------------------------------------------------------

اسمحيلي دكتورة ضحى انقل شهادتك الى راس الموضوع لانها بنظري اهم من كلامي شخصيا لكونك شاهدة
بحكم عملك كطبيبة في استقبال مستشفى القصر العيني بالقاهرة بجوار ميدان التحرير مباشرة لمن لا يعرف

اقتباس المشاركة الأصلية كتبت بواسطة icehearted girl مشاهدة المشاركة
يارب سترك

بأمانة شديدة... انا كنت ناوية مكتبش اي شئ ف المنتدي عن اي حاجة حصلت بخصوص الاحداث الجارية واللي عشتها يوم بيوم...بس انا هتوقف عند يوم واحد فقط...ألا وهو الأمس.. الثلاثاء 2 فبراير 2011

مبدئيا انا موقفي الي حد ما محايد..مش قادرة اقنع اي شخص بالامتناع عن النزول غدا..او ألوم شخص آخر بمكوثه فبيته

الأيام اللي فاتت دي تقريبا مكنش في اطباء بيروحوا من الطوارئ...ليه زمايلي فعلا من يوم الجمعة مروحوش...للاسف عددنا صغير وفيه اعداد كبير للاسف برده لم تتح لها الفرصة انها تنزل الشغل...وكالعادة..اعتدت يوميا علي رؤية مناظر المصابين..سؤاء اللي كانوا بيتساقطوا حوالينا في المظاهرات او اللي كنت بشوفهم ف استقبال القصر العيني..

بس امبارح لنا هنا وقفة...طول النهار بشوف حاجات غريبة فلشوارع..شراذم بشرية بتتحرك كالقطيع من كل مكان شايلين ورق زبالة مقطع عليه بعض الهتافات بغضالنظر اكانت مع ام ضد..دي مش قضيتي دلوقتي...الغريبة انهم كانوا كلهم من نفس الفئة تقريبا..دا بالاضافة لانذار احد جيراننا بيشتغل في مكان أمني معين وحذرنا من نزول اخويا نتيجة اوامر محددة بإبادة تامة لكل متظاهري التحرير في تمام الساعة 3 صباحا...وفعلا في الساعات الاولي من الليل..بدأت تندع زي مبيقولوا..وكل شوية تيجي حالات بلطجية فعلا من طريقتهم وسالوبهم لدرجة اني لما كنت بسالهم هم تبع مين كانوا بتلجلجوا شوية قبل ميقولوا الاسم اللي هما ناسيينه اصلا

وف تمام الساعة3 ونص صباحا..حصلت المجزرة..اعذروني ف الكلمة بس هي مجزرة بكل المقاييس...وكأن واحدة دخلت علي عشة فراخ ودبحت فيهم كلهم...لكم أن تتخيلوا عربية اسعاف كانت بتدخل بمعدل كل دقيقتين بتلات اربع حالات...وقبل متوصل لباب الخروج كانت بتدخل غيرها..سيل من الحالات المصابة باحترافية شديدة سواء بطعنات مؤدية الي الوفاة..او برصاص او بتهشيم تام للرأس تقريبا الحالات مخرجتش من الاطار دا غير بعض الرصاص الحي في الاقدام...طول الليل مشتمتش غير ريحة الدم ومشفتش غير لون الدم...دم مختلط..وتضاربت الافكار..مبقيناش عارفين دا دم شبابنا الظاهر ولا دم البلطجية القذر...اللي خلقتهم ظروفنا اللي بنعيشها برده

اقسم بالله انا كان قلبي بيتقطع علي كل شاب ..كل أمل ,,كل نور فقدته اسره هيفضل الحزن مخيم ف بيتها للأبد... شباب دفعهم الحماس..وربما ساقهم التهور...او ع الاقل كلمة حماس منا ننطقها بدون قصد..تحمل شاب زي دا حياته

جثث ملقاة ومغظاه باعلام مصر..عشان ايه؟؟؟ ولا عشان مين

الله يخليكم دا حرمة دم المسلم اعظم عند الله من هدم الكعبة

الله يخليكم دي اقل نقطه هتنزل من اصغر شاب هتقتل اسرة باكلها

الله يخليكم متخلوش شوية كلاب يلاقوا فريسة سهلة يدبحوا فيها مقابل حفنة اموال

واي اللي هناخده؟؟ شهادة؟؟معتقدش.. مواجهة قوة غاشمة بدون تجهيز وتنظيم هننول عليها شهادة...ايا كانت القوة دي

جيش

شرطة

بلطجية

مع

ضد


الله يخليك ياللي ماسك ريموت كنترول بتراقب وراه قنوات التليفزيون بشوية امتعاض وطقطقة اسنان..وتعرف ان اللي مات مات واللي عاش عاش وفاالخر تاخد ولادك ف حضنك وتنام

افتكر ان اي كلمة قلتها قدام اي حد وشجعته علي الانتحار دمه فرقبتك

والله لو تشوفوا منازر الشباب وحنا بنتعامل معاهم

مجهول 1

مجهول 2

مجهول 3

والاعددا عمالة تتزايد..لدرجة لا تحصي

لو تشوفوا حرقة قلب اب ماسك صورة ابنه وعماله يعيك ويقولي مش لاقيه من تلات تيام وعاوز ادور فلجثث هتعرفوا احنا نقصد ايه

لو تعرفوا يعني اي موظفمش عارف يأكل ولاده بسبب التمادي اللي بقي سخيف بالمنظر دا....

لو تشوفوا بعض الاطباء اللي نزلوا التحرير فمستشفي ميداني..وبعد شوية يرجعلنا طبيب زميلنا مضروب رصاصة ف دراعه تتسببله فعاهة مستديمة...وكل ذنبه انه أدي واجبه ف وقت الناس محتاجاه فيه
لو فكرت اد ايه كل واحد مننا بيعاني كل يوم خناق مع اهله عشان يقدر ينزل من بيتهم يشوف شغله
لو فكرت فكل دا لحظة واحدة اعتقد موقفنا هيتغير

شباب مصر اللي نزلوا يوم الغضب وكملوا ثورتهم احسبهم عند الله من خيرة شباب مصر..وعشان كدا مش عاوزة اضحي بيهم واملي فيهم كبير

دم صاحب اخويا اللي مات ولسه دمه علي بنطلونه مش عوزاه يروح هدروالموضوع يتدنس بالمنظر دا

الانجاز اللي عملناه الايام للي فاتت وهيبقي ذكري محفورة لانتفاضة مصرية مش عوزاها تتبدل بمذبحة جديدة

خلص الكلام