نصيحة لوجه الله لكل الساده اعضاء المنتدى الكرام

**Nicoblaksoon** · 27-02-2012 12:05 AM

لا تتعامل مع عصام هوندا اللى فى الحرفيين.

واحد هيقوللى
ليه؟؟ ده حتى شاطر وأمين ومش غالى فى مصنعيته

بسبب كفاءته ومهارته وأمانته "هاهاها" رميت 1700 جنيه كاملين على الأرض

الموضوع ببساطه انه ركب لى طقم شنبر لعربيتى الهوندا من حوالى عشر ايام كلفنى حوالى 1700 جنيه، ودلوقت هاضطر افك الموتور تانى ومن اول وجديد علشان اغير السبيكة اللى هو كان سامع صوتها وماغيرهاش لمجرد انى ما اتفقتش معاه على اخراج الموتور بره

وطبعا هادخل فى حيص بيص بمجرد فك الموتور!!!!!!!!!!!

نصيحة لكل الساده اعضاء المنتدى الكرام:
عصام الميكانيكى ده ماينفعش يبقى صنايعى يتحمل مسؤلية اى عملية اصلاح على بعضها لأن مهاراته الفنيه غير كافية لذلك ولأنه صغير ومايعرفش يعنى ايه شغل ومسؤلية

**fouaa** · 27-02-2012 12:07 AM

شكرا للنصيحه والحمد لله على كل حال

**AHMED_HAMDY** · 27-02-2012 12:39 AM

انا لسه واحد صحبي النهارده بيقولي وكويس ورايحلوا وبيقولي انزل يوم تعالى يشيك على عربيتي ؟؟؟؟؟؟
حسبي الله ونعم الوكيل ربنا يعوض عليك

**SAMEH_FOUAD** · 27-02-2012 09:13 AM

معلش ياباشا حصل خير وقدر الله وماشاء فعل , بس هما معظم الصنايعية اهم حاجة عندهم الفلوس قبل الشغل ومصلحتهم انك تفك وتصلح ويسيبلك حتة فى الموضوع عشان ترجع تانى وتدفع تانى وتصلح تانى

**SAMEH_FOUAD** · 27-02-2012 12:59 PM

المشاركة الأصلية كتبت بواسطة ek4

السادة الزملاء الكرام:
المعتاد من عصام انه ياما بيعمل شغل فالعربية من غير فلوس
وكتير بيأول هات الفلوس باعدين وده كلام احد الأعضاء هنا في المنتدي ومكتوب في موضوع من المواضيع
وعصام مش ذي اي حد مايت عالفلوس ذي بأيت الصنايعية
لانه مشاء الله علية عنده الورشة بتعاعتة مش إيجار ذي بائي الصنايعية برده

واظن ان احنا كلنا عادا علينا مشاكل كتير معا صنايعية كتير ومشفتش حد عمل موضوع توبيخ بالمنظر ده
ولا اه يا سامح, صححني لو انا غلطان في النقطة دي

عماتن لو الزميل العضو راجع نفسة في الحوار الي دار مابينة ومابين عصام هيلائي ان لازم عصام يكون اخبره بالمشاكل الي في الموتور, لان اي عيل صغير في أي حتا يأدر يأل حدرتك ان المكنة لو فيها سبايك ولا لأ

انت طلبت رأيى وبناء علية دة رأيى

اولا : انا اقدر اقول دلوقتى انك لو بتقارن مابين ميكانيكية فى الحرفيين انحصر الاختيار حول اتنين فقط ( جاسم وعصام )

ودة لية عيوبة ودة لية عيوبة بس انا عن نفسى والله بدون تحيز او اى حاجة اى حد بيسالنى بقولة الاتى ياتروح لعصام وبقولة الاول يأما تروح لجاسم ولو عايز مصنعية كويسة وشغل سريع وفى نفس الوقت كويس خليك عند عصام , وجاسم بردة كويس بس غالى شوية وساعات عصام بيبقى غالى فى حاجات معينة بس اكيد لو جايلة من توصية او من واحد معرفة هيبقى فية فرق ( دة رأى فى عصام بمنتهى الصراحة ) كويس واحسن من ناس كتير دلوقتى

* بالنسبة بقى للتجربة الشخصية اللى عرضها صاحب الموضوع انا طبعا مقدرش اقول على كلامة حاجة لانة هو اللى خاض التجربة ومش هيقول حاجة غير مطابقة للى تعرض لية واكيد لازم نحترم رأية ووجهة نظرة , وممكن تكون الظروف جت كدة معاة وحصل الاتى

* بس انا اعتب على عصام فى الاتى :

* انة كان لازم يفهم صاحب الموضوع المشاكل اللى ممكن يتعرض ليها لان اكيد هو مايعرفش اية العواقب لو دة ماتعملش وعصام هو اللى عارف

* عصام اكيد بخبرتة عارف كويس ان لو موضوع ظبط المكنة ماتعملش كويس وان فعلا فيها سبايك ولازم تتعمل بان المكنة تتحل برة , ان العربية هتضطر تصرف تانى طقم شنبر بمشتملاتة يعنى تكلفة 1700 جنية اخرى غير تمن الخراط او الكرنك او او او وطبعا مصنعية من اول وجديد

* يبقى من باب اولى كان عصام قالة انا مش هيشتغل فى المكنة دية الا لما تعمل الحاجات دية لانكهتضطر تعملها تانى بعد فترة قصيرة جداوساعتها كان يخيرة اعملها على مسؤليتك ولا هتسمع كلامى وكان يرسية على الدور كلة من اولة

اعتقد صاحب الموضوع بيتكلم فى النقطة دية لان مش كل واحد ياجماعة عارف اية اضرار انة مثلا يسيب شميز وحش او سبائك فى المحرك مايعملهاش لان مجرد مابتعملها طقم شنبر انت كدة بترمى فلوسك فى الارض وهتعيد كل دة تانى وحتى اصلا مابيبقاش اجراء وقائى

دة نظرتى التحليلية للموضوع

وفعلا مايصحش موضوع ان يكون بهذة القوة على عصام لمجرد خطأ فى تقدير النتائج , وعموما بجد

انت لو قارنت ( منير و رفعت السودانى ) بعصام هتلاقى عصام افضلهم

اللون الاحمر مخصص للمداخلات الاشرافيه فقط لا غير
مشرف عام 1

**lad** · 27-02-2012 03:34 PM

المشاركة الأصلية كتبت بواسطة semsem kane

انت طلبت رأيى وبناء علية دة رأيى

اولا : انا اقدر اقول دلوقتى انك لو بتقارن مابين ميكانيكية فى الحرفيين انحصر الاختيار حول اتنين فقط ( جاسم وعصام )

ودة لية عيوبة ودة لية عيوبة بس انا عن نفسى والله بدون تحيز او اى حاجة اى حد بيسالنى بقولة الاتى ياتروح لعصام وبقولة الاول يأما تروح لجاسم ولو عايز مصنعية كويسة وشغل سريع وفى نفس الوقت كويس خليك عند عصام , وجاسم بردة كويس بس غالى شوية وساعات عصام بيبقى غالى فى حاجات معينة بس اكيد لو جايلة من توصية او من واحد معرفة هيبقى فية فرق ( دة رأى فى عصام بمنتهى الصراحة ) كويس واحسن من ناس كتير دلوقتى

* بالنسبة بقى للتجربة الشخصية اللى عرضها صاحب الموضوع انا طبعا مقدرش اقول على كلامة حاجة لانة هو اللى خاض التجربة ومش هيقول حاجة غير مطابقة للى تعرض لية واكيد لازم نحترم رأية ووجهة نظرة , وممكن تكون الظروف جت كدة معاة وحصل الاتى

* بس انا اعتب على عصام فى الاتى :

* انة كان لازم يفهم صاحب الموضوع المشاكل اللى ممكن يتعرض ليها لان اكيد هو مايعرفش اية العواقب لو دة ماتعملش وعصام هو اللى عارف

* عصام اكيد بخبرتة عارف كويس ان لو موضوع ظبط المكنة ماتعملش كويس وان فعلا فيها سبايك ولازم تتعمل بان المكنة تتحل برة , ان العربية هتضطر تصرف تانى طقم شنبر بمشتملاتة يعنى تكلفة 1700 جنية اخرى غير تمن الخراط او الكرنك او او او وطبعا مصنعية من اول وجديد

* يبقى من باب اولى كان عصام قالة انا مش هيشتغل فى المكنة دية الا لما تعمل الحاجات دية لانك هتضطر تعملها تانى بعد فترة قصيرة جدا وساعتها كان يخيرة اعملها على مسؤليتك ولا هتسمع كلامى وكان يرسية على الدور كلة من اولة

اعتقد صاحب الموضوع بيتكلم فى النقطة دية لان مش كل واحد ياجماعة عارف اية اضرار انة مثلا يسيب شميز وحش او سبائك فى المحرك مايعملهاش لان مجرد مابتعملها طقم شنبر انت كدة بترمى فلوسك فى الارض وهتعيد كل دة تانى وحتى اصلا مابيبقاش اجراء وقائى

دة نظرتى التحليلية للموضوع

وفعلا مايصحش موضوع ان يكون بهذة القوة على عصام لمجرد خطأ فى تقدير النتائج , وعموما بجد

انت لو قارنت ( منير و رفعت السودانى ) بعصام هتلاقى عصام افضلهم

+111111111111111111111

**Nicoblaksoon** · 27-02-2012 07:32 PM

المشاركة الأصلية كتبت بواسطة sanhory

معلش يا باشا مع احترامي لحضرتك انا حاسس انك بتتكلم عن حد تاني
مبدأيا عصام ده بعتبره زي اخويا و عشان كده انا كلمته و سالته على اللي حصل مع حضرتك و يمكن القصة كلها سوء تفاهم لكن التشهير بيه و بسمعته بالطريقة دي اظن مبالغ فيها شوية من حضرتك

اللي حكاهولي عصام
حضرتك لما روحت لعصام و انت داخل الورشة سمع صوت المكنة قالك المكنة دي فيها نقرة الحقها من اولها قبل ما تبوظ الكرنك

حضرتك قولتله خليها بعدين
حضرتك قولتله عايز اعمل طقم شنبر

قالك نفك و نشوف فيها ايه

فك عصام و لقى الشمايز مش سليمة

حضرتك طلبت منه عمل طقم الشمبر بس

قالك انا كدا مضمنش الشغل دا

حضرتك قولتله انا معيش فلوس للشمايز و كدا

و هو بيركب لقى لقم السبايك بتاعت البيلات مش سليمة كلم حضرتك في التليفون و قالك ان في حاجات مش سليمة في السبايك بس عشان تتعمل كلها صح نطلع المكنة بره

رديت حضرتك نجيب الطقم بتاع البيلات بس دلوقتي عشان معيش فلوس

و جاب طقم البيلات و اتغير و اتساب طقم كراسي الكرنك على ما هو عليه بناء على طلب حضرتك عشان المكنة متطلعش بره

و هو بيركب كارتيرة الزيت لقى كارتيرة حضرتك ملحمة و فيها مشكلة في الطبة فجاب من عنده كارتيرة تانية و ركبها لحضرتك (هو بيقولي انه مقالكش عليها لحسن تفتكر انه عايز تمنها )

حضرتك رجعت بعد كده عشان تعمل السبايك على اساس انها بسبب عصام و هو اللي المفروض يعملها على حسابه

عصام قال لحضرتك ماشي ننزل المكنة و نعملها بس نتفق الاول عالمصنعية

حسبى الله ونعم الوكيل
75% من الكلام ده مغالطات فى مغالطات
وباختصار شديد فيما يخص طقم السبيكة اللى حصل كالآتى:
عصام اتصل بيه فى التليفون ايوه ده صحيح،،،،، بس ده قاللى هنحتاج طقم السبيكة ب 350 جنيه علشان نعالج صوت التكتكة اللى قولت لك عليه قبل كده بــــــــــــــــس!!!! وماقاليش والله العظيم على البيلات والكراسى والسبيكة اللى من تحت واللى من فوق والموتور اللى لازم ينزل علشان الكراسى واكشف على عمود الكرنك واحتمالية تآكله وكـــــــــــــــــــــــ ــــل القصص دى غير بعد ما جمع الموتور وقفله وسمع صوت التكتكة تانى
اقسم بالله العظيم ده اللى حصل

طيب ساعتها بقى ايه اللى ممكن اعمله يا حضرات؟؟؟

سيبك من كـــــــل ده؟؟

هل يعقل ان اى انسان طبيعى يوافق انه يولع فى فلوسه بجاز بالمنظر ده؟؟

مين اللى يقدر يتنبأ ويعرف ان تركيب الشنبر فى الحاله دى مالوش اى لزمه وانه حرق فلوس وخلاص الزبون والا الصنايعى؟

وارجع واكد على الساده الأعضاء المحترمين:
الموضوع مفتوح للنصيحة فقط لا غير
ولك ان تسمعها او تتركها
وجزاكم الله خيرا