حوار ام رامى ده وجع قلبى ............ ربنا يصبرها و يقويها و يرحمه و يغفرله
و إلاهي تشيلك بلوة يا بعيد مطرح ما انت قاعد
عرض للطباعة
حوار ام رامى ده وجع قلبى ............ ربنا يصبرها و يقويها و يرحمه و يغفرله
و إلاهي تشيلك بلوة يا بعيد مطرح ما انت قاعد
ربنا يرحم جميع الشهداء ويصبر اهاليهم وحرقة قلوبهم عليهم
هو صديق الفلاح ده هو اللي بيفيده ولا اللي بيأنس وحدته ولا مين بالظبط
برضة انتو لسة شغالين فى موضوع الصعبانيات
احنا عا يزين خطوات ايجابية
خليك ايجابى
يا تروح التحرير (بس مش كلكو تروحو
(لحسن الميدان يوقع بيكو على المترو
وبعدين معرفش اروح لخالتى فى شبرا)
يا تساعد اهل منطقتك وترفع روحهم المعنوية
بس الكلام ده يكون
فى اكتر حاجة بتفهم فيها
تساعد فى الحتة اللى لك فيها ميزة نسبية
(على رأى الدكتور حازم الببلاوى بتاع كتاب الاقتصاد اللى فى الثانوية العامة)
حد فاهم حاجة
شكرا على اهتمامك
اخر الاخبار
الناس اللى بدقون خلاص اكتسبوا الشرعية
وباعو الشاورمة للراجل ابو موتوسكل
وشاجى شكله لغى ال deal
زى ما توقعت
شكله كده قرب يغنى بلوز
يا رب
الاخبار انهارده على ودنه
لما الواحد مبقاش ملاحق
بس شكل الحرب النفسية شادة على الاخر
خاصة فى موضوع الدعاية البيضاء : اللى بيقوم بيها الناس البركة من عينة
عيب
حرام
لايجوز
حرام شرعا
لايتفق و مبادى الكنيسة
حد شاف الخطاب الدينى انهاردة
البابا شنودة اولا
ثم
شيخ الازهر الراجل الطيب
محصلة الخطابين تقريبا واحد
كأن اللى كاتبهم شخص واحد
على الرغم ان الشباب فى الجنينة
كان فيه قداس على الشهداء
(و جيه المسلمين عزو اخواتهم الاقباط )
و كان فيه صلاة غائب على الشهداء
(و جيه الاخوة الاقباط عزو
لاول مرة تبقى فيه اخوة وطنية بجد
مش من عينة
عاش الهلال مع الصليب واللى فى القلب فى القلب يا ...........................
( بتاعة فيلم حسن و مرقص)
بعد اذنكو
اروح الحق الملبس بتاع الفرح
قبل العيال ميخلصو عليه
طلب من اخوكو يا شباب
حد يقدر يسجلى 3ساعات متصلة من التلفزيون المصرى
او قناة النيل
او المحور
على اى حاجة
فلاشة
هارد ديسك
اى حاجة
عشان انا مليش فى الحاجات دى
و بعدين اقولكو ليه
لا ده انت مصر
طب اقربهالك
اقربهالك أزاى
لو عندك طبق كشرى.................
(لا لا مش دى
انا بينى بدأت اخرف من كتر الاخبار)
بص هو كائن ابيض فى ابيض
وعشان خطره
قطعو الشجر اللى جنب جنينة الحيوانات
فاهم يا معلم
عروستى
صديق الفلاح...
و علطول شايف كل حاجة انها تدخلات خارجية و بيرفضها
و يشجبها و يندد و يستنكر
يبقي :
أبو الغيط
انا بقى اللى عايز اعرفه
ايه حكاية الخطاب الدينى
البابا
شيخ الازهر
بعض الجمعيات الدينية
حد يفهمنى
محدش رد عليا
موتو بيقول
ان الدين افيون الشعوب
يعنى ايه
الليل دخل
يا خوفى على العيال السيس من المتحولين
يبدو ان التلفزيون المحلى يحظى باهتمام و متابعة جميع افراد الشعب
العيال السيس
عملو فرح امبارح
وسمعت انهم بعتو ملبس لشاجى
عشان يغنى بلوز
ويخلصنا
محدش عنده اخبار جديدة من التحرير
الاعلام الغربى شادد حيله على الاخر فى موضوع التصريحات اللوزعية
امبارح بس
الست البركة
الراجل العجيب
الراجل الطيب
الست البومة (مادلين اولبرايت) اللى معرفش كانت فى انهى ................
الراجل الرخم (ديك تشينى):اللى شايف ان الراجل الكبير ال ايه راجل صالح
اما الاخ بان كيمون فلسه بيزن
التصريح العجيب
كان من ولاد عمنا اللى شايفين الراجل الكبير كنز استراتيجى لدولتهم
وربنا يهدى
كذلك الاخوه بتوع الاتحاد الوروبى
كلهم نازلين تصريحات
ايه الحكاية
محدش منكم عنده تصريح
هى جت علينا
اخر خبر
على كل الفضائيات
الحكومة هتزود المرتبات 15%
ايه موضوع الحوار مع المعارضة
لا تصالح!
... ولو منحوك الذهب
أترى حين افقأ عينيك,
ثم اثبت جوهرتين مكانهما .
هل ترى ؟
هي اشياء لا تشترى
ذكريات الطفولة بين اخيك وبينك,
حسكما -فجأة- بالرجولة
هذا الحياء الذي يكبت الشوق .حين تعانقه
الصمت -مبتسمين- لتأنيب امكما ..
وكأنكما
ما تزالا نطفلين!!
تلك الطمأنينة الابدية بينكما:
ان سيفان سيفك
صوتان صوتك
انكان مت:
للبيت رب
وللطفل اب
هل يصير دمي -بين عينيك- ماء؟
اتنسى ردائيالملطخ..
تلبس - فوق دمائي- ثيابا مطرزة بالقصب؟
انها الحرب!
قد تثقلا لقلب...
لكن خلفك عار العرب
لا تصالح
ولا تتوخ الهرب!
لا تصالح على الدم .. حتى بدم!
لا تصالح! ولو قيل رأس برأس!
أكل الرؤوس سواء؟
أقلب الغريب كقلب اخيك؟
أعيناه عينا اخيك؟
وهل تتساوى يد .. سيفها كان لك
بيدسيفها أثكلك؟!
سيقولون:
جئناك كي تحقن الدم..
جئناك. كن - يا أمير-الحكم
سيقولون:
ها نحن أبناء عم
قل لهم: انهم لم يراعوا العمومة فيمنهلك
وأغرس السيف في جبهة الصحراء..
الى ان يجيب العدم
انني كن تلك
فارسا
و أخا
و أبا
وملك!
لا تصالح
ولو حرمتكالرقاد
صرخات الندامة
وتذكر
(اذا لان قلبك للنسوة اللابسات السوادولاطفالهن
الذين تخاصمهم الابتسامة)
ان بنت اخيك \"اليمامة\"
زهرة تتسربل -في سنوات الصبا-
بثياب الحداد
كنت, ان عدت:
تعدو على درج القصر
تمسكساقي عند نزولي ..
فأرفعها - وهي ضاحكة-
فوق ظهر الجواد
ها هي الآن ..صامتة.
حرمتها يد الغدر:
من كلمات ابيها,
ارتداء الثياب الجديدة,
من أنيكون لها -ذات يوم- أخ!!
من أب يبتسم في عرسها..
وتعود اليه اذا الزوجاغضبها..
واذا زارها.. يتسابق احفاده نحو احضانه,
لينالوا الهدايا..
ويلهوبلحيته ( وهو مستسلم)
ويشدو العمامة
لا تصالح!!
فما ذنب تلكاليمامة
لترى العش محترقا.. فجأة,
وهي تجلس فوق الرماد؟!
لاتصالح
ولو توجوك بتاج الامارة
كيف تخطو على جثة ابن ابيك .؟
وكيف تصيرالمليك..
على أوجه البهجة المستعارة؟
كيف تنظر في يد من صافحوك..
فلا تبصرالدم..
في كل كف؟
ان سهما أتاني من الخلف..
سوف يجيئك من الف خلف
فالدم -الآن- صار وساما وشارة
لا تصالح!
ولو توجوك بتاج الامارة
ان عرشك:سيف
وسيفك: زيف
اذا لم تزن -بذؤابته- لحظات الشرف
واستطبت -الترف
لا تصالح
ولو قال من مال عند الصدام
\".. ما بنا طاقة لامتشاقالحسام..\"
عندما يملأ الحق قلبك:
تندلع النار ان تتنفس
لا تصالح,
ولوقيل ما قيل من كلمات السلام
كيف تستنشق الرئتان النسيم المدنس؟
كيف تنظر فيعينى امرأة ..
انت تعرف انك لا تستطيع حمايتها؟
كيف تصبح فارسها فيالغرام؟
كيف ترجو غدا .. لوليد ينام
كيف تحلم او تتغنى بمستقبل لغلام
وهويكبر -بين يديك- بقلب منكس؟
لا تصالح
ولا تقتسم مع من قتلوك الطعام
واروقلبك بالدم..
وارو التراب المقدس..
وارو اسلافك الراقدين ..
الى ان تردعليك العظام!
لا تصالح,
ولو ناشدتك القبيلة
باسم حزن \"الجليلة\"
ان تسوق الدهاء,
وتبدي -لمن قصدوك- القبول
سيقولون:
ها أنتتطلب ثأرا يطول
فخذ -الآن - ما تستطيع
قليلا من الحق..
في هذه السنواتالقليلة
أنه ليس ثأرك وحدك
لكنه ثأر جيل فجيل
وغدا..
سوف يولد من يلبسالدرع كاملة,
يوقد النار شاملة,
يطلب الثأر
يستولد الحق
من أضلعالمستحيل.
لا تصالح,
ولو قيل ان التصالح حيلة
انه الثأر
تبهت شعلته فيالضلوع..
اذا ما توالت عليها الفصول..
ثم تبقى يد العار مرسومة (بأصابعهاالخمس)
فوق الجباه الذليلة!!
لا تصالح,
ولو حذرتك النجوم
ورمى لككهانها بالنبأ..
كنت أغفر لو أنني مت..
ما بين خيط الصواب وخيط الخطأ
لمأكن غازيا,
لم أكن اتسلل قرب مضاربهم
أو احوم وراء النجوم
لم أمد يدالثمار الكروم
أرض بستانهم لم أطأ
لم يصح قاتلي بي: \"انتبه\"!
كان يمشيمعي
ثم صافحني
ثم سار قليلا
ولكنه في الغصون أختبأ!
فجأة:
ثقبتنيقشعريرة بين ضلعين..
واهتز قلبي -كفقاعة- وانفثأ
وتحاملت, حتى احتملت علىساعدي
فرأيت: ابن عمي الزنيم
واقفا يتشفى بوجه لئيم
لم يكن في يديحربة,
او سلاح قديم,
لم يكن غير غيظي الذي يتشكى الظمأ
لاتصالح,
الى أن يعود الوجود لدورته الدائرة:
النجوم . لميقاتها
والطيور..لأصواتها
والرمال.. لذراتها
والقتيل لطفلته الناظرة
كل شيئ تحطم في لحظةعابرة:
الصبا -بهجة الامل- صوت الحصان .. التعرف بالضيف - همهمة القلب حين يرىبرعما في الحديقة يذوي -الصلاة لكي ينزل المطر الموسمي - مراوغة القلب حين يرى طائرالموت
وهو يرفرف فوق المبارزو الكاسرة
كل شيئ تحطم في نزوة فاجرة
والذياغتالني: ليس ربا..
ليقتلني بمشيئته
ليس أنبل مني.. ليقتلني بسكينته,
ليسأمهر مني.. ليقتلني باستدارته الماكرة
لا تصالح,
فما الصلح الا معاهدة بينندين..
(في شرف القلب)
لا تنتقص
والذي اغتالني محض لص
سرق الارض من بينعيني
والصمت سطلق ضحكته الساخرة!
لا تصالح,
ولو وقفت ضد سيفك كلالشيوخ,
والرجال التي ملأتها الشروخ,
هؤلاء الذين يحبون طعمالثريد,
وانتطاء العبيد,
هؤلاء الذين تدلت عمائمهم فوق اعينهم,
وسيوفهمالعربية قد نسيت سنوات الشموخ
لا تصالح,
فليس سوى ان تريد
انت فارس هذاالزمان الوحيد
وسواك . المسوخ!
لا تصالح
لا تصالح!!
\"أقوالاليمامة\"
\"فلما جاءت الوفود ساعية الى الصلح, قال لهم الامير سالم: أصالح اذاصالحت اليمامة.. فقصدت اليمامة امها الجليلة ومن معها من نساء سادات القبيلة, فدخلناليها, وسلمن جميعا عليها, وقبلت الجليلة بنتها وقالت: أما كفى؟ فقد هلكت رجالناوساءت احوالنا, وماتت فرساننا وابطالنا. فأجابتها اليمامة: أنا لا أصالح, ولو لميبق احد يقدر ان يكافح..\"
أمل دنقل
على فكرة
امل دنقل
كان بتكلم عن المهلهل ابن ابى ربيعة (الزير سالم )
و هو بينعى اخوه كليب
المهلهل بن ربيعة يرثي كليبا:
أَهَاجَ قَذَاءَ عَيْنِي الإِذِّكَارُ...هُدُوّاً فَالدُّمُوعُ لَهَا انْحِدَارُ
وَصَارَ اللَّيْلُ مُشْتَمِلاً عَلَيْنَا...كأنَّ الليلَ ليسَ لهُ نهارُ
وَبِتُّ أُرَاقِبُ الْجَوْزَاءَ حَتَّى...تقاربَ منْ أوائلها انحدارُ
أُصَرِّفُ مُقْلَتِي فِي إِثْرِ قَوْمٍ...تَبَايَنَتِ الْبِلاَدُ بِهِمْ فَغَارُوا
وَ أبكي وَ النجومُ مطلعاتٌ...كأنْ لمْ تحوها عني البحارُ
عَلَى مَنْ لَوْ نُعيت وَكَانَ حَيّاً...لَقَادَ الخَيْلَ يَحْجُبُهَا الغُبَارُ
دَعَوْتُكَ يَا كُلَيْبُ فَلَمْ تُجِبْنِي...وَ كيفَ يجيبني البلدُ القفارُ
أجبني يا كليبُ خلاكَ ذمٌّ...ضنيناتُ النفوسِ لها مزارُ
أجبني يا كليبُ خلاكَ ذمُّ...لقدْ فجعتْ بفارسها نزارُ
سقاكَ الغيثُ إنكَ كنت غيثاً...وَيُسْراً حِينَ يُلْتَمَسُ الْيَسَارُ
أَبَتْ عَيْنَايَ بَعْدَكَ أَنْ تَكُفَّا...كَأَنَّ غَضَا الْقَتَادِ لَهَا شِفَارُ
وَ إنكَ كنتَ تحلمُ عنْ رجالٍ...وَ تعفو عنهمُ وَ لكَ اقتدارُ
وَ تمنعُ أنْ يمسهمُ لسانٌ...مخافة َ منْ يجيرُ وَ لاَ يجارُ
وَكُنْتُ أَعُدُّ قُرْبِي مِنْكَ رِبْحاً...إِذَا مَا عَدَّتِ الرِّبْحَ التِّجَارُ
فلاَ تبعدْ فكلٌّ سوفَ يلقى...شَعُوباً يَسْتَدِيرُ بِهَا الْمَدَارُ
يَعِيشُ المَرْءُ عِنْدَ بَنِي أَبِيهِ...وَ يوشكُ أنْ يصيرَ بحيثُ صاروا
أرى طولَ الحياة ِ وّ قدْ تولى...كَمَا قَدْ يُسْلَبُ الشَّيْءُ المُعَارُ
كَأَنِّي إذْ نَعَى النَّاعِي كُلَيْباً...تطايرَ بينَ جنبيَّ الشرارُ
فدرتُ وّ قدْ عشيَ بصري عليهِ...كما دارتْ بشاربها العقارُ
سألتُ الحيَّ أينَ دفنتموهُ...فَقَالُوا لِي بِسَفْحِ الْحَيِّ دَارُ
فسرتُ إليهِ منْ بلدي حثيثاً...وَطَارَ النَّوْمُ وَامْتَنَعَ القَرَارُ
وَحَادَتْ نَاقَتِي عَنْ ظِلِّ قَبْرٍ...ثَوَى فِيهِ المَكَارِمُ وَالْفَخَارُ
لدى أوطانِ أروعَ لمْ يشنهُ...وَلَمْ يَحْدُثْ لَهُ فِي النَّاسِ عَارُ
أَتَغْدُوا يَا كُلَيْبُ مَعِي إِذَا مَا...جبانُ القومِ أنجاهُ الفرارُ
أتغدُوا يا كليب معي إذا ما...خلوق القوم يشحذُها الشفار
أقولُ لتغلبٍ وَ العزُّ فيها...أثيروها لذلكمُ انتصارُ
تتابعَ إخوتي وَ مضوا لأمرٍ...عليهِ تتابعَ القومُ الحسارُ
خذِ العهدَ الأكيدَ عليَّ عمري...بتركي كلَّ ما حوتِ الديارُ
وَهَجْرِي الْغَانِيَاتِ وَشُرْبَ كَأْسٍ...وَلُبْسِي جُبَّة ً لاَتُسْتَعَارُ
وَ لستُ بخالعٍ درعي وَ سيفي...إلى أنْ يخلعَ الليلَ النهارُ
وإلاَّ أَنْ تَبِيدَ سَرَاة ُ بَكْرٍ...فَلاَ يَبْقَى لَهَا أَبَداً أَثَارُ
عجبكو الشعر اللوزعى
كنت بفكر اننا نعمل موضوع عن احلام و مطالب الشباب اللى استشهدو
لكن معنديش معلومات كافية عنهم
يا ريت اللى يعرف حاجة فصيلية يبعتهالى
واكون شاكر جدا ليكم
ايه رائيكم
140 مليار قبل توليه الرئاسة
على اساس انه كان نازل من الخليج عالرئاسة مثلا :-)
خليج مين
ده لو عمان على البحرين على قطر اتباعو
مش هيجيبو 140 مليار
محدش عنده معلومات تفصيلية عن موضوع الشهداء واسرهم
بدء يجيلى معلومات
منهم صحفيين
رساميين
مصوريين
ربنا يسهل و المعلومات تكتمل
ياخوانا هما 70 مليار دولار بس
بقم منين 140 مليار ...على اخر اليوم حيبقوا 700 مليار
متبصوش للى فى ايد الناس :)
بس بموضوعية رقم مبالغ فيه اوى ..اذا كان بيل جيتس اغنى واحد فى العالم عنده 50 مليار تقريبا
طب انتم عارفين ان حسني مبارك كان له قضية سرقة سجاد من قصر الرئاسة بعد ما قتل السادات
والله ما بهزر
والكلام ده من قريب لي مستشار في النيابة وقالي القضية طبعا اتقفلت لما مسك رئيس
واغلب الناس القديمة في النيابة هتلاقيهم عارفين الموضوع ده
طبعا الناس عارفة المجاهد عمر مكرم
اللى تمثاله موجود فين
عمر مكرم كان احد ابطال المقاومة الشعبية فى مقاومة الحملة الفرنسية
وبعد جلاء الحملة الفرنسية
بداءت الدولة العثمانية تعيين ولاة على مصر
كان اخرهم
خورشيد باشا اللى كان الشعب بيكرهه
اجتمع مشايخ الازهر (ايام مكانو مشايخ بجد مش عرايس ماريونت)
مع قادة المقاومة الشعبية واتفقوا على خلع خورشيد
و تعيين محمد على باشا (اللى كان وقتها قائد الجنود الالبان )
عرفيين طالبو بيه ليه
لانه كان الوحيد اللى بيعاملهم كويس
وبعد تعيين الاخ محمد على وتمكنه من الحكم
بدأ لعبة فرق تسد باسلوب عبقرى
فبدأ يقرب بعض المشايخ ويغدق عليهم الاموال (حلوة يغدق ديه)
ومن الجانب الاخر يبعد مجموعة تانية وينفيها
(مثل المجاهد عمر مكرم اللى نفاه لدمياط)
وكانت النتيجة انهم اختلفو وتصارعو مع بعض
وتمكن محمد على من الحكم
اما بنت الحارس
فده فيلم بطولة فيروز
الخلاصة انه بيتكلم عن
قرية بسيطة وليها حارس
لما القرية قعدت 3 سنين ميحصلش فيها اى جرائم من اى نوع
قرر سكان القرية انهم يمشو الحارس
وبعد كده ساب الحارس بناته فى البلد و راح يشتغل صياد
قررت البنت الكبيرة انها تخلى اهل القرية يرجعوا والدها
تفتكروا عملت ايه
اتكلمت مع اختها الصغيرة
وقالتلها
كان فيه حارس و كان فيه بعو
لما مشى البعو مشى الحارس
طب عشان الحارس يرجع احنا محتاجين ايه
ايوه كده صح
احنا محتاجين بعو
لبست البنت كوفية غطت بيها معالم وشهها
و مسكت بندقية ابوها اللى سابهم
وقعدت تطلع بالليل وتضرب نار
و يوم بعد يوم
بدأ الناس يخافوا
ويطلبو ان الحارس يرجع
طب يا عم ايه علاقة الرغى اللى انت بترغيه ودرس المواد الاجتماعية ده
بالغلب اللى احنا فيه
العلاقة ان الحكومة بتعامل المعارضة على طريقة محمد على باشا و عمر مكرم
وبتعامل الشعب على طريقة بنت الحارس
حد فاهم حاجة
اخ
الا موضوع السجاد ده
عارفين ليه
حد فاكر فيلم الاب الروحى الجزء الثانى (رائعة ماريو باوزو)
عارفين اول سرقة فى حياة دون كوريولونى كانت ايه
ايوه بالضبط كده
سجادة (حتى فيه قطعة موسيقيا مشهورة لنينو روتا اسمها new carppet)
و بعد السجادة فتح على الرابع
كل الجرائم اللى تتخيلها واللى مش ممكن تتخيلها قام بيها
و كل ده من سجادة
ربنا يطمن قلبك يا ابو عبدالله
ايه يا جدعان هو الموضوع صعب للدرجة دية
ايوة طبعا فهمت وفعلا الكلام منطقى جدا جدا جدا زى الكنيسة اللى اضربت الداخليه بتخوف الناس علشان نتحامى فى الدخلية ونقول ربنا يخللنا الحكومة
ربنا يصلح الحال يااااااارب
طب ابسطهالكو
ابسطهالكو ازاى
طيب اقروا معايا جزء مقتطف من مقال للاستاذ ابو سيكل كان منشور فى الدستور
ما رأيك فيما جرى لأولئك الشباب بعد ذلك؟
لنتفق أولا على أن الثورة التي أطلقها أولئك الشبان الشجعان كانت زلزالا هز أركان النظام القائم في مصر منذ ثلاثين عاما. وللأسف فإن الرد كان صادما ومعيبا. فقد حاولوا إطفاء الشعلة بالدم، ووجدنا أن أسوأ ما في مصر سعى إلى محاولة قتل أنبل ما فيها. وهو ما شاهدناه يومي الأربعاء والخميس وكان اقتحام الخيول والجمال والحمير لميدان التحرير رمزا له.
من تظن وراء هذه المحاولة الأخيرة؟
الذين فعلوها صورة طبق الأصل من الأداة التي استخدموها. حيث لا أتردد في القول إنهم أناس لا يختلفون كثيرا عن الدواب التي استجلبوها وأطلقوها.
هناك تخمينات تحدثت عن شخصيات بذاتها في الحزب الوطني ورجال الأعمال لهم دورهم فيما جرى؟
هذا صحيح، والأسماء متداولة ومعروفة، الذي لا خلاف حوله أن العملية كان لا بد لها من تمويل، وكان هناك أشخاص جاهزون من أركان التحالف المشهود بين السلطة والمال والأمن. وهؤلاء الأشخاص لا يملكون إلا ما يستطيعون به استئجار الحناجر أو شراء الأسلحة وتجنيد البلطجية وأفراد العصاب
إذا فهمنا منْ وراء مشهد الخيول والجمال التي أطلقت في الميدان، فهل هناك تفسير للغياب التام للشرطة عن ضبط الأمن في البلاد، الأمر الذي فتح الباب لعمليات الترويع والنهب والفوضى التي حدثت؟
هذا جانب من الصورة يستدعى ملاحظات.
الأولى أن مصادر الداخلية تقول إن الذين قاموا بالترويع والنهب وأثاروا الفوضى ينتمون إلى تشكيل سري لا علاقة لهم به.
الثانية أن تعامل الأمن المركزي مع المتظاهرين في البداية اتسم بقسوة مفرطة، حتى بدا وكأنه يمثل ذراعا لقوة غاشمة في بلد احتلته، فيما يشكل جريمة حرب في أي بلد يحترم القانون الإنساني.
الثالثة أن قرار سحب الشرطة لاحقا يكتنفه الغموض في الوقت الراهن. ويبدو أنه سيظل سؤالا معلقا على التاريخ والضمير المصريين سيجيب عنه مستقبل الأيام.
الرابعة أن ما حدث ليس مفاجئا تماما، لأنه تفكير مستلهم من خطط التأمين التي تتضمنها أدبيات الثورة المضادة المتداولة في العالم الغربي، خصوصا في الولايات المتحدة الأميركية وللمخابرات المركزية تحديدا إسهاماتها في هذا المجال، التي انبنت على ما عرف بخطة أجاكسي وأسهم في وضعها خبراء بعض شركات النفط العالمية مثل شل وموبيل أويل وغيرها.
ومن يدقق في وقائع التعامل مع ثورة الشباب في مصر يلاحظ أن ثمة قواسم مشتركة بينها وبين ما جرى من قبل في إيران ضد ثورة مصدق وفي تشيلي أيام بينوشيه، حيث برز في هاتين التجربتين دور بارز للجماعات التي تعمد إلى ترويع الناس وإشاعة الخوف بينهم، لإقناعهم بأن الثورة تهدد استقرارهم وستجعل حياتهم جحيما.
ايه يا جماعة هى فى حاجة تانية اتسرقت غير السجاد
حد يقولى
فعلا القصتين واقعيتين لما يحدث الآن بالظبط
يا عم لاكتم الله لك ضحكة
اضحك زى مانت عايز
قبل الضحك ما يغلى
بس خد بالك
انت تضحك اه
يتضحك عليك لا
لا التبسيط مش بتاعى ده بتاع الاستاذ ابو سيكل
ده ابو سيكل يبنى مش اى كلام
بص اصبر عليا
وانا هبسطهالك بجد
ابسطهالكو بجد
واللى عامل فيها اجنبى و مبيشوفش افلام عربى
حد فاكر المهمة المستحيلة الجزءالتانى
ايوه يا خويا منك له بتاع الواد الحليوة ده اللى نسيت اسمه
فاكرينحكاية
ان انت لو عايز تصنع بطل فانت محتاج اولا لوحش
كايميرا و بفيرون (ده لو انا لسة فاكر)
بلاش كده
طب العيال السيس اللى بتعاكسالبنات
مش بيبعتو واحد الاول يزنق على الصاروخ
وبعدين يجى نجم الحفلة
يضرب الواد السيس (كده وكده)
وبكده يوقع البت
(اعتذر عن الفقرةالسابقة بس دى ضرورى عشان العيال السيس بجد يقدرو يفهمونى هما كمان والا ملهمشنفس)
فى بقى مثال كمان
وده احنا لسة عايشين فيه
لما أشر والعيال اللىمعاه قلعو هدومهم وهربوا
و بعتوا المتحولين (اللى هما ساعات بلطجية وساعات بوليسسرى و ساعات موظفين)
على اساس ان العيال السيس
تنزل اعلان تنويه عنالمفقودين فى القناة التالتة المحلية الساعة خامسة
لكن العيال السيس استرجلتوخلصت على المتحولين بمساعدة
النس الطيبين
اما النظام فبلعب لعبةقديمة قوى
فرق تسد
ودى اللى برع فيها الاستعمار لقرون
واجادها محمد علىباشا ببراعة
عندما قرب منه مجموعة من المشايخ(اللى هم اساسا جابوه)
و نفىمجموعة تانية (زى السيد عمر مكرم <اللى تمثاله فين> الى دمياط <ايام مكانتمنفى
وبكدى المجموعة اللى اتنفت كرهت المجموعة اللى محمد على قربها
ودببتبينهم الفرقة
وتمكن محمد علىمن الحكم
(فرقتسد)
و ربنا يكون فى عون باقى الشباب من محترفى اللعبدول
اقولكم علي حاجه من غير زعل و حساسيه؟!
انا غلبت اتكلم و اتكلم مع بعض الاعضاء هنا
مش معني كده اني يئست من توصيل الفكره
اكيد الغلط من عندي في طريقه التوصيل
فانا ان شاء الله هنزل اتكلم مع الناس اللي في التحرير مباشره مش كلهم طبعا بس اللي فعلا نازل و هو عارف نازل ليه
و لما يتلاقي اصحاب نفس الافكار ساعتها هتكون قدرات توصيل الفكره اكتر و الكلام يكون حتي اوضح
لكن اعذروني مش قادر اتكلم و اناقش الوجدان الجمعي لاعضاء كتير قوي هنا بحترم بعضهم و كلامه و ارائه و البعض الاخر مش قادر اوصل للاسباب الحقيقيه لمواقفه الحاليه من الثوره و بقول اسبابه الحقيقيه علشان لو هو مصدق و مقتنع بالاسباب اللي بيكتبها هنا و يشارك بيها في مواقفه تجاه الثوره يبقي ده شخص لا يمكنني انا النقاش معاه بالاساس
الثوره بيقوم بيها مجموعه صغيره من الناس لا يرضو بالوضع الحالي و بيتمردو علي النظام الحالي
لكن دايما بيكون عددهم اقليه بالنسبه للباقي
و اللي بيحدد نجاح الثوره او انقلابها الي تهم خيانه عظمي و اعدام هو موقف الباقيين
و من هنا تتمحور اهميه دور كل واحد فينا من ورا الكيبورد
لو كلامك بيأيد الثوره و يشجعها فلا خلاف
لو كلامك بيحاول يموت الثوره و يخمدها قبل ما الشعب كله يتبناها يبقي السؤال اللي بيفرض نفسه هنا
هل ده نابع من مصلحه معينه مباشره كانت او غير مباشره مع النظام القائم؟
هل لأنك مخدوع في النظام الحالي فمتبني مواقف ضد الثوره مع علمك بأهميتها؟
هل الخوف من التغيير و بالذات المجهول هو المحرك و الدافع ليك؟
يا جماعه ده ثوره الظباط الاحرار نفسها لحد النهارده ليها فريق بيكرهها و معارض ليها!!!
شوفو بقالها كام سنه فاتت و عدت و كل سنه احتفال بيها و تأييد ليها من ابناء الثوره دي
ياتري هل كان الشعب المصري وقت حدوثها كله مؤيد ليها و عن اقتناع؟
ولا كان في ناس كتير زيي و زيكم و قاعدين يعددو مزاياها و مزايا النظام المنتهي وقتها؟؟
بصراحه لو كان الملك مأمن مبني ماسبيرو وقتها كويس كان زماننا مسمعناش عنها كثوره اصلا
كان زمانها بقت عباره عن سطر واحد في كتب التاريخ
سطر زي سطر السيد الرئيس اللواء محمد نجيب الراجل اللي كان عايز يسلم السلطه للشعب و يقيم دوله مؤسسات و كان مصيره الاقامه الجبريه و توفي في المستشفي و لم يتاح ليه التحدث مع العامه او الصحافه او الاعلام ابدا نهائي
كان الخوف منه هو مجرد كلام يطلع منه يوضح فيه ما جري وقتها و يقلب فئات الشعب اللي اجهزه الاعلام الرسميه غسلت دماغها بالكامل و بشده و سرعه بافلام و اغاني و تصريحات وقتها
كان ضروري جدا لنجاح الثوره دي هو اقناع الشعب بأهميتها و قد كان بالفعل
لأن لو حصل العكس كان زمان السطر المكتوب في كتب التاريخ هو محاوله انقلاب و تم اعدام المخطط ليها "اللواء محمد نجيب رحمه الله للتوضيح"
هو ده حالنا النهارده بس مع وجود فارق مهم و في منتهي الخطوره
الثوره المره دي قايمه من افراد الشعب و شبابه بالاساس
ملو الفساد المستشري و اثر علي حياتهم اليوميه و في جميع المجالات
يبقي المطلوب من النظام القائم تقليب الناس عليهم ان استطاع
ياتري النت مرجعتش ليه مع انه كان مطلب من مطالب الرئيس الامريكي نفسه
النت رجعت لما النظام لقي انه مش قادر يفرق الثوره و يوئدها بالبلطجه الماديه
ففتح جبهه علي الفضاء الالكتروني و بث سمومه في عقول الناس نفسها اللي ساهمت في قيام و نجاح الثوره
و خلي الناس منقسمه علي نفسها و في حيره من موقفها الشخصي كمان
و تضحيه النظام بمعظم رجاله الكبار هو اصدق دليل علي شراسته في سبيل حمايه بقائه
لانه لو صادق في قرار الرحيل و ترك الساحه للشباب كان عملها بالفعل
الا انه عنده اجنده سريه الا ان نقاطها ليست عسيره الاستنتاج
ممكن مش عايز يمشي بطريقه مخزيه
يمكن مش عايز يتحاسب
يمكن مش ناوي يسلم و يرجع ينقض علي الشباب و الناس بكل قسوه
نفس القسوه و الشراسه اللي خلت مجموعه من الحيوانات (ليسو ببشر مثلي و مثلكم يا مشرفين فبلاش ايقاف) خلتهم يضربو بالرصاص الحي في مشاهد كمشاهد الاعدام رميا بالرصاص الشباب الاعزل و منهم من فتح صدره بنفسه كشهيد الاسكندريه في وجه بنادقهم و لم يقتلوه حينها بل قتلوه حين كان يتراجع لاقرانه!!!
حيوانات مش بشر
حيوانات قتلو طفل في رفح من ظهره و بطلقتين في جسده البريء الصغير
ما ذنب طفل بريء
و في ظهره يعني كان بييجري مذعور من اشباه البشر اللي شاف بعينيه البرئتين مدي حيوانيتهم
و انطلق يجري خائفا مذعورا و اكيد نظرا لصغر سنه كان مذعور ذعر رهيب و خائف و مش بعيد كمان كان بيعيط و مش شايف هو بيجري فين
اهو الدموع اللي كانت اخر حاجه خرجت منه قبل روحه الطاهره ما تفيض من جسده الدموع دي لو كانت اتحطت في بحر من نجاسه و قذاره البشريه جمعاء كانت حولتها لنار و طهرت البحر ده من ادناسه
حد يقولي لما الريس حفيده مات الشعب بالكامل و فعلا الناس كلها حتي اشد كارهيه قدرو يلاقو في قلوبهم مكان للتعاطف مع مصيبه الرئيس و ابن الرئيس في حفيد السيد الرئيس
فين بقي احساسكم بطفل صغير مذعور و خائف زي ما كان الشهيد الفلسطيني الطفل محمد الدره بيغتال و هو بيحتمي مذعورا في احضان ابيه
فاكرين المنظر و فاكرين الغضب تجاه الحيوانات الصهاينه وقتها؟
ولا نفس الاحساس حتي مش هطلب احساس اكتر منه لان العدو كان صهيوني اللي قتل الطفل محمد الدره انما في رفح كان مش بني ادم اصلا
ولا علشان محدش شاف المنظر زي ما شفناه و شافه العالم اجمع وقت استشاد محمد الدره؟!
انا بعين الخيال شايف الطفل المصري ده
شايفه ببرائه الاطفال و عقله الصغير لا يعي ما يحدث امام عينيه البرئتين
شايفه بيجري خايف بيدور علي امه او ابيه يحتمي في حضنهم
حتي دي العدو الصهيوني سمح بيها للطفل محمد الدره
و الحيوانات اللي ضربوه رصاصتين و هو بيجري في ضهره حرموه منها
مات في حضن الاسفلت
جرب و انت نازل اشغالك و مصالحك اللي مليت الدنيا عويل و صراخ عليها جرب تقلع الجزمه و الشراب و تدوس برجلك الحافيه علي الاسفلت
شوف اخر حاجه حسها ذاك الطفل قبل وفاته
مكنش حضن امه و ابوه
كان الاسفلت الناشف ده و مش برجله لا ده بوشه و خده
يا جدعان ملعون ابو الفلوس و العيشه نفسها لو هنوافق علي افعال نظام في قسوه نظام النازي نفسه
لو هتعدم و اتسجن و اعتقل
في حاجات في الدنيا لا تسوي الحياه بعدها
و الناس اللي في التحرير دول واقفين للاهداف دي و اهداف اكتر كمان
يبقي لعنه الله علي الاب اللي يعمل في ولاده و احفادهم كده
و لعنه الله علي وزير الداخليه الاثم و رجاله الغير مستحقين للقب رجال اللي ايديهم امتدت علي الناس و الاطفال اللي المفروض يحموهم و عملو فيهم كده
يا جماعه اللي خايف علي الحياه احب اقوله
كتب عليكم القتال و هو كره لكم صدق الله العظيم
ربنا عارف ان في قراره انفسنا القتال مكروه لدينا كبشر
و علشان كده اجر الشهيد عظيم
اللي فيكو راضي يموت علي سريره بعد سنين طويله من دلوقتي هو حر
بس هيعيش في نفس المزله و الهوان و كل ما يفتكر الفظائع و الجرائم و الدم المسال مش هيسامح نفسه ابدا
و هيتمني الموت من شده الندم انه لو رجع بيه الزمن لكان زمانه في ميدان التحرير
انتو احرار انا نازل اكلم الناس في ميدان التحرير
هما موقفهم صريح جدا
شوفو انتو بقي ايه موقفكم
و كل واحد براحته
و احب اقولكم علي اغنيه الهبت مشاعري و قتلت في الخوف و الجبن جت علي لسان المتظاهرين و دون صراخ و علو صوت
بالعكس و علي بلاطه كانو بيغنو
الجبان جبان و الجدع جدع
الجبان جبان و الجدع جدع
الجبان جبان و الجدع جدع
اخر اخبار بواقى اتباع آشر
قام ضابط شرطة فى مصر الجديدة بالتعدى بالضرب على شاب تونسى
متهما اياه بانه و بلده السبب فى اللى جرالهم
(المصدر : قناة الحرة)
منتظر تعليقاتكم
مش عارف يا أمير الميعاد بدقة
هحاول اعرف و اقولك
وبعدين
ما دام انت قدام المنصة فالموضوع بالنسبالك سهل
دانت المفروض انت اللى تقولى على الميعاد
هناك مسيرة لامهات الشهداء امام النصب التذكارى بمدينة نص بكرة
يالا كلنا معاهم
متنسوش تعزوهم
خاصة ام رامى