رجاء لابناء مصر الشرفاء ونداء للرئيس المؤتمن
رجاء
رجاء لكل ابن من ابناء مصر الشرفاء
لكل من اراد الخروج فى خير يوم من ايام الله و هو يوم الجمعة للتظاهر
عبر عن رائيك كيفما تشاء بأدب و اخلاق تليق بدينك وتربيتك
و اياكم والدماء
فكل المسلم على المسلم حرام دمه وعرضه و ماله
نداء
نداء الى السيد الرئيس
يعلم الله اننى طالما احترمتك كرجل عسكرى من الطراز الأول و كأحد ابطال ملحمة أكتوبر العظيم
الا انه يبدو ان السياسة اذا دخلت للعسكريين افسدتهم كما كان يؤكد المشير الجمصى رحمه الله دائما
سيدى لطالما قرائنا وسمعنا الاعلام القومى يناديكم ب (الأب الرئيس)
و انت تعلم سيدى ما يقدمه الاباء للابناء من تضحيات
سيدى انادى فيكم شرف العسكرية و تضحية الاباء
اترك المسئولية الثقيلة و احقن دماء ابنائك و جنودك فورا
واخيرا و كما يقول استاذنا الكبير فاروق جويدة
ويبقى الشعر
فهذه قصيدة للشاعر العراقى الكبير أحمد مطر
اترككم معها فيبدو اننا جميعا فى الهم شرق
زار الرئيس المؤتمن
بعض ولايات الوطن
وحين زار حيّنا
قال لنا
هاتوا شكاواكم بصدقٍ في العلن
ولا تخافوا أحدا فقد مضى ذاك الزمن
فقال صاحبي حسن
يا سيدي
أين الرغيف واللبن؟
وأين تأمين السكن؟
وأين توفير المهن؟
وأين من
يوفر الدواء للفقير دونما ثمن؟
يا سيدي لم نر من ذلك شيئا أبداً
قال الرئيس في حزن
أحرق ربي جسدي
أكلّ هذا حاصل في بلدي؟
شكرا على صدقك في تنبيهنا يا ولدي
سوف ترى الخير غدا
........
وبعد عام زارنا
ومرة ثانية قال لنا
هاتوا شكاواكم بصدق في العلن
ولا تخافوا أحدا
فقد مضى ذاك الزمن
لم يشتك الناس
فقمت معلنا
أين الرغيف واللبن ؟
وأين تأمين السكن ؟
وأين توفير المهن؟
وأين من
يوفر الدواء للفقير دونما ثمن؟
معذرة يا سيدي
وأين صاحبي حسن ؟
خالد سعيد - سيد بلال و اخرون
دعونى اتخيل ان أرواح الشهداء سيد بلال و خالد سعيد و اخرون تطوف بنا اليوم
فماذا تقول لنا
لا تظلموا احدا كما ظلمنا
اياكم و الدماء يا شباب
فما زال الانسان فى فسحة من دينه ما لم يمس دما
كل الذنوب يمكن التوبة عنها الا الدماء
كل المسلم على المسلم حرام دمه و ماله ودينه
يا ريت يا شباب اللى ناوى يطلع النهاردة يفتكر الشعار اللى بدائت به الأمور
سلمية
سلمية
سلمية
و اخيرا ارجوكم
لا انتقام
لا تشفى
لا للدماء الحرام
من يوسف عبد الرحمن الى جمال مبارك (جرائم الأبناء هل يتحملما الأباء؟)
ما اشبه الليلة بالبارحة
فمنذ عدة سنوات طالعتنا وسائل الاعلام بفضيحة المبيدات المسرطنة
و المسئول الأول عنها هو يوسف عبد الحمن الرجل الاقوى فى وزارة الزراعة و اخرون
فمن هو يوسف عبد الرحمن
هو ابن عبد الرحمن يوسف احد الضباط الاحرار الذين كان منوط بهم تنفيذ قوانين الاصلاح الزراعى على الاقطاعيين لتصبح اقصى حيازة ارض زراعية هى 200 فدان تم تعديلها لتصبح اقل فيما بعد
وحينها تجاوز الضابط عبد الرحمن يوسف عن اراضى اسرة والى بالفيوم مبررا انهم راسمالية وطنية
فتحفظ اسرة والى الجميل و يقوم يوسف والى وزير الزراعة بتعيين يوسف ابن عبد الرحمن فى ديوان الوزارة
ثم يبدأ فى فى اثبات جداراته نظرا لنشاطه و حيويته
ثم يبدأ مجموعة المنتفعين الالتفاف حول الفتى المدلل لوزارة الزراعة ليبداء الفساد ينتشر ويتوغل فى وزارة الزراعة
الى ان ينتهى الأمر بفضيحة المبيدات المسرطنة
الا ان امر تقديم يوسف عبد الرحمن للمحاكمة ارتبط بنية يوسف والى لترشيحة للجنة السياسات بالحزب الوطنى ليبدأ الصراع بين
الحرس القديم فى الحزب و الذى اتى الرئيس مبارك الى السلطة وهم قيادات بارزة منذ عهد الرئيس السادات (يوسف والى-كمال الشاذلى - صفوت الشريف- احمد فتحى سرور- مفيد شهاب- مصطفى الفقى - اسامة الباز) [يقال ان هذه المجموعة هى التى كانت مسئولة عن ادخال مبارك من شرف العسكرية الى دهاليز السياسة بأمر من السادات ليتم تأهيل مبارك لأمور السياسة و الحكم
و الحرس الجديد المدعوم باموال رجال الأعمال من الداخل و الخارج ( احمد عز - المغربى- جرانة- رشيد- ابراهيم كامل - ابو العنين) وهم مدعومين بتوجهات امريكية و راسمالية لا تعرف غير الأحصات و الأرقام التى لا ترحم
لتدخل مصر فى دوامة
وينتهى الامر بانتصار الحرس الجديد باقصاء كل من(يوسف والى وكمال اشاذلى و العظيم أسامة الباز الذى تم ابعاده من مستشارى الرئيس) ومن تبقى من الحرس القديم فقد تم تقليم اظفاره و يصبح مستانسا يظهر فقط عندما يتعلق الامر بالقوانين والتشريعات و الموافقة (احمد فتحى سرور - مفيد شهاب - صفوت الشريف)
الأمر نفسه تكرر مع جمال مبارك
الشاب المتعلم المثقف اللبق
الذى تجمع حوله الافاقين الكبار
ثم يذهبون للرئيس الرافض لانخراط اى من عائلته بامور الحكم قائلين له
(هو يعنى عشان هو ابنك يا ريس تمنعه من السياسة)
ويوافق الاب على انخراط ابنه اولا فى اعمال الغرف التجارية
ومنها الى امانة السياسات كعضو
ثم تنشأجمعية جيل المستقبل بتمويل من القطط السمان
و تبدأ سطوةجمال مبارك تزداد ليصبح امينا للسياسات مدعوما برؤوس اموال تطمح فى التزاوج مع السلطة
وبالفعل ينجح هذا الزاوج وينجم ابنا غير شرعى هو وزارة احمد نظيف او ما عرف بوزارة رجال الاعمال
ليبداء فتح ابواب الفساد على مصراعيه
انتهاء بتعديل المادة 76 من الدستور
و كانت القشة التى قصمت ظهر البعير هى انتخابات مجلسى الشعب و الشورى 2010
لينتهى الأمر بكارثة برلمانية
انتهت الى ما نحن عليه من احتقان وغليان
ليأتى موضوع تونس و يثبت ان التغيير ممكن و لكن يحتاج لارادة و هى لا تنقص المصريين ابدا الذين غاروا من اشقائهم بتونس
وتندلع شرارة الغضب الت لم تنطفى الى الان
السوال الاهم هل يتحمل الأب حسنى مبارك (احد ابطال حرب أكتوبر و العسكرى الذى لا يشق له غبار الذى افسدته السياسة
كما كان يقول المشير الجمصى عن قيادات الجيش المصرى قبل 67 بان دخولهم السياسة وهم غير مؤهلين لها افسدهم)
هل يتحمل اخطاء جمال مبارك
كما اصاب العار اسم عبد الرحمن يوسف (احد الضباط الأحرار) نتيجة لاعمال ابنه يوسف
هذا ما سيجيب عنه التاريخ
أم رامى- بيريز -ابوالغيط - الجارديان
سيبتوكو 10 دقايق
قلت اتدغدى واقعد شوية مع العيال
فتحت البى بى سى
( وهى للامانة اكثر القنوات موضوعية
تحس انها بتذيع ماتش الشطرنج اللى فى لندن)
لقيت المذيع اياه بتاع ماتش الشطرنج مستضيف سيدة عجوز تلبس السواد
المذيع: انت مين يا سيدتى
الحاجة: انا يبنى ام رامى
رامى ابنى واحد من الشباب اللى استشهدو فى الايام اللى فاتو
المذيع:ابنك مات ازاى يا سيدتى
الحاجة: اتصل بيا اخوه
قالى رامى مات ياماما
(تسكت لحظات وتبدو الدموع فى عيناها و صوتها)
مات يوم الغضب وهو ماشى فى شارع القصر العينى برصاص قناصة من على مبنى وزارة الداخلية
المذيع:(يسكت لحظة)
محدش اتصل بيك وعزاك
الحاجة: لا يبنى محدش حتى كلمنى
(تزداد نظرة الحزن والدموع)
المذيع :طب انت جاية ليه يا سيدتى
هنا تظهر الصورة اوضح وان الحاجة تحمل صورة رامى ابنها و تحتضنها بلوعة وكانها تتلمس فيها روح ابنها
الحاجة: جاية اشكر الشباب اللى منسوش رامى و اقف معاهم
المذيع: طب انت عندك أولاد تانى غير رامى
الحاجة: (تنظر له بحزن)
عندى تلات اولاد تانيين عاطلين ومش لاقيين شغل
المذيع:طب انت نفسك الرئيس مبارك يتنازل عن الحكم فورا والا ينتظر لنهاية مدته
الحاجة: ( وهى تبدو عليها علمات عدم فهم السؤال)
المهم يبنى الحال يتعدل
ان اولادى يلاقو شغل
ان انا اخد حق رامى
المذيع : (وهو مصر انه بيذيع ماتش شطرنج فى انجلترا)
هل تؤيديين استمرار التظاهرات ام لا (ربنا ينتقم منك يا بعيد ومن البرود الانجليزى ده)
الحاجة (اللى طبعا يبدو فى عينها الحزن الممزوج بالغضب)
ربنا يبنى يهدى الحال
لو كانت المظاهرات دى خير يا رب تستمر
ولو كانت شر يا رب تنتهى
(قولو امين منك له)
المذيع (اللى انا شايفه بارد): شكرا سيدتى
الحاجة :شكرا يبنى
انتهى الحوار
الخبر اللى بعديه
الاستاذ شيمون بيريز
حزين
و زعلان
و متضايق
وبيعض فى الارض
و يرفس زى العيال الصغيرة)
وكل افعال الزعل و الموت كمدا فى كل كتب اللغة
ليه يا عم ده كله
قال ايه
عشان الصديق مبارك (خدو بالكو من حكاية الصديق دى )
زعلان عشان الصديق مبارك هيسيب الحكم كمان سبع شهور
طب لو سابو دلوقتى هتعمل ايه
هاتموت
يا ريت انت وبقيت العائلة الكريمة
(مش بقولكو قولو امين)
انتهى الخبر
الخبر اللى بعده
بسرعة
الاخ صديق الفلاح
(بتاع مصر مش زى تونس
دول شوية عيال
دول قلة مندسة
حكمة السيد الرئيس المؤتمن)
طالع يقول انه بيرفض التدخلات الاجنبية الاستعمارية الانكشارية اللوزعية الملوخية (واى حاجة اخرها ية)
وان الرئيس مش هيسيب الحكم
(و صديق الفلاح احد اعضاء حكومة الراجل ابو موتوسكل اللى بدأت افقد ثقتى فيه)
انتهى التصريح
الخبر الاخير
ده مقال من الجارديان البريطانية
وده خاص بان ثروة اسرة مبارك تعدت 140 مليار
اغلبها فى صورة ارصدة فى
لندن (طبعا يا معلم امال العيلة رايح جاى عل هناك بيعملو ايه)
سويسرا (عادى ماالناس كلها عندها حسابات فى سويسرا)
امريكا ( ومين من العمد معندوش حساب هناك)
ويقال على حد تصريحات الجارديان
ان اغلب هذه االاموال كانت فى فترة ما قبل تولى الرئيس الحكيم المؤتمن الرئاسة
(محدش يا جماعة يعرف اقرار الذمة المالية بتاع الراجل ده فين )
وكاتب هذه الكلمات على وشك الاحتراق ذاتيا
محدش معاه جردل مياه