ألاف المتظاهرين في ميدان التحرير الأن على الجزيرة مباشر يرددون يسقط يسقط حسني مبارك
مصر لسة بخير ... مصر لسة فيها شباب واعي ... لسة فيه أمل
ربنا ينصركم يا شباب مصر الشرفاء
إِنْ يَنْصُرْكُمُ اللَّهُ فَلا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ
الحمد لله أنهم مش عشرات الألاف ربنا يهديهم
و الله اللي اعرفه ان مقياس الرجوله له الكثير من الدلائل
اتوقع الرجولة ايضا انه ليس من العدل و الرجوله ان نكون كل شويه بقرار
يعني
1- هناك من يري من وجهة نظره ان يكتفو برحيل مبارك (( و ان يمكث في مصر بدون اي شئ ضده او ابنائه ))
2- هناك اخرين يرون ان يتم خروجه خارج الوطن ويتم محاكمة كل النظام السابق بمن فيهم عمر سليمان
3- هناك ايضا متظاهرين موجودين هناك يؤيدون اعدام مبارك واهله وكل النظام المحيط به
خلاص تم احد هذه البدائل يخرج بقي علينا نفس الناس دول لما ييجو يختارو من سيحكمنا
1- منهم من يؤيد البرادعي
2- منهم من يؤيد مرشد الاخوان وهم الاغلبية المتواجده في التحرير
3- منهم من يوافق علي ابقاء الحكومة الحالية
خلاص اتخانقنا علي الرئيس و كل منهم دافع عن وجهة نظره
وجه الرئيس القادم فلم يعجب فئة اخري مهم
فأذا بميدان التحرير يمتلئ تاني بالمتظاهرين و لكن اقسم لك و قتها لن يرتدع الموالين للنظام الجديد ان يقتلو من يختلفو معهم و انظر للصومال و لبنان و فلسطين
ربنا معانا و اكرمنا يارب و احقن دماء المصريين
و انا عاوز اقترح اقتراح
ليه اللي بيروح لا يرجع بسرعة حتي يثبت انه خايف علي مصلحة البلد
و اليوم لسه طويل و الشائعات كثيرة
ارجو الله حفظ دمائكم و دمائنا
و قناة العربية دلوقتي بتبث مشهد قديم لسيارة دهست مجموعة من المتظاهرين متصل لكلمة موجهه من قائد قوات الجيش كان بيوجهها للمتظاهرين بكل حب و انه سوف يدافع عنهم و يجب عليهم الالتزام و خلافه واذا بمنظر السيارة اقسم بالله في كادر متصل بدون تقطيع ثم بعد ان بث سمه في النفوس و اوصل رسالته لكي يتعاطف معهم المشاهدين
اقسم بالله انه لم يفصل بين الكادر اي انه تم تجميع المنظرين للرجل الذي يقول لهم سوف نفديكم بأرواحنا ثم كادر السيارة الهيئة السياسية التي كانت تهرب من مكان ما لا احد يعرفه ثم دهست بعض من المتظاهرين لم هذا لم هذه الفتن
م.حاتم السباعي
اقتباس:
المشاركة الأصلية كتبت بواسطة everlasting
حضرتك متأكد إن الصورة مباشر مش تسجيل
الجزيرة لما مش بتلاقي حاجة تنقلها أو بتلاقي الدنيا هادية بالليل أو في الفجر مثلاً بتتعمد نشر تسجيل لأيام المواجهات وأعنفها عشان تدي إيحاء للناس إن الدنيا والعة طول الوقت ... شغل شياطين
وبعدين حضرتك ده مش مكان للتظاهر
الى على الجزيرة دى مش مباشر خالص
انا شفت فيديوا المفروض انة مباشر والشمس ضاربة فى دماغ المتظاهرين وطبعا مافيش شمس بالقوة دى 10 الصبح
هو المشكله الوحيده في البلد دلوقتي هي حسني مبارك طيب مشي حسني كده الاصلاح والتغيير المشود!!!!! اعتقد ان كلنا حسني التغيير الصح يبدا من كل واحد في الشعب يعني لو مشي امين وظابط المرور مش هياخد رشوه ؟ موظف بيخلص ورق مش هياخد ؟ مسئول بيعمل مصالح ويستغل منصبه ؟ ولا هنعين لكل مسئول شاب من بتوع يوم الغضب يراقبه ويراقب تصرفاته يبقي المفروض نقول اتغير اولا ابدا بنفسك ده شعار التظاهر الحر في حب مصر بدون اي اضافات سلطه يعني مع الاكل فوضي غياب وعي والكل بيغلط والكل مش مدرك البلد كلها بقت سياسيه والكل فاهم والكل بيقول رائ وشايفه هو الصح ومفيش غيره ارجوكم اتغير وغير هو ده الصح وارجعوا لكتاب الله فهو خير معين
خطبة فضيلة الشيخ د. يوسف القرضاوي الآن على قناة الجزيرة مباشر.
قناتي الجزيره والعربيه قنوات مشبوهه تثير الفتنه فعلا ..حتي الجزيره الوثائقيه بتجيب افلام وثائقيه عن نظام الحكم في مصر والتعذيب داخل اقسام الشرطه...طيب اشمعني دلوقتي؟؟
انا بعييد كلامي هنا برده ممكن الناس تشوفه وتقتنع
انا عايز اعرف الناس الي واقفه في ميادن التحرير عايزين ايه تاني؟؟؟؟؟؟
الدستور المصري هيتعدل وهتكون فتره الرئاسه لا تتعدي الفترتين....
الرئيس مبارك مش هيرشح نفسه تاني ولا هو ولا ابنه.............
تم تعيين نائب للجمهوريه عمر سليمان وهو من شرفاء مصر
تم منع احمد عز والعادلي الي هما السبب اس الفساد والغربي وجرانه من السفر وتجميد فلوسهم في البنك
بااااااااااااق علي الرئيس مبارك 6 شهور ويمشي وبعديها اختاروا الي انتوا عايزينه مش فاهم المشكله في ايه دلوقت الناس مش قادره تستني ال 6 شهور دوول
حسبي الله ونعم الوكيل في الناس الي بتعاند ديه وعايز تضيع مستقبلنا ومبيفكروش لقدام
الله يحرق الجزيره علي الي بتنشره وعلي الي بيمونها
القناه ديه بتتمني الخرااب لمصر ونشر الفتن والاشاعات بينا
اقتباس:
المشاركة الأصلية كتبت بواسطة everlasting
ممكن تردد قناة الجزيرة مباشر ؟؟
خطبة رائعه بارك الله فيك يا شيخ القرضاوي
اللي بيقولوا إن الصور مش مباشر الصور كمان على الcnn
كمان الcnn بتألف
الفيديو المباشر أصلا من رويترز
اخى العزيز مش ملاحظ لغة هيعدل و هيعمل و سوف مفيش قرارات مفيش ضمانات اعطى للناس قرارات و ضمانات و كانت الناس هتمشى لكن بدل القرارات و الضمانات نزلوا البلطجية و عناصر الشرطة لقتل و ترويع الناس و بعدين تقولوا للناس بمنتهى السهولة روحوا و نبقى نتكلم بعديناقتباس:
المشاركة الأصلية كتبت بواسطة most_wanted
يا اعضاء المنتدي
يا احبائي في الله
الموضوع مش ماتش كوره او فيلم عربي
السياسه لها دهاليز واسعه و غويطه
حد فكر لو ان ايران بتدعم الاضطرابات الداخليه في مصر لزعزعه النظام الحالي و ده لتوريط اسرائيل في حرب مع مصر
الحرب دي لا اسرائيل جاهزه ليها ولا مصر حاليا للاسف
و لو ده حصل هيكون عند اسرائيل جبهه قتال مع طرف قوي زي مصر و ده هيدي فرصه لا تعوض لايران لانهاك اسرائيل
و لينا في حرب حزب الله في لبنان مع اسرائيل خير عظه
ايران كانت بتمول حزب الله علي اختلافهم الفكري, كانت بتمول حزب الله لانه في حاله حرب مع اسرائيل
و ايران لها مطامع في العراق و يشهد عليها حرب ال 8 اعوام
و من مصلحه ايران انهاك كافه الاطراف في حروب حاليا للتفرغ لبرنامجها النووي في فرصه كانت لا تحلم بها من قبل
السياسه لعبه في منتهي الخطوره
و اجهزه المخابرات بتخوض حروب و ليست حروب علي غرار افلام جيمس بوند
حروب اجهزه المخابرات بتكون حروب خفيه زي اللي بيحصل علي الارض حاليا في مصر
الاول كانت ثوره علي الفساد بكل صوره
تم اختراقها و ادينا شايفين فئران الامس في محاولات الظهور كأسود اليوم
ياتري ليه الفئران اللي رضيت بالفتات من قبل بتشترط الان و بكل قوه؟!!
مين ساند فئران الامس و حولهم لاسود اليوم؟؟؟؟
انا من امبارح صاحي و مش قادر انام قبل ما قلبي يطمن علي البلد
ارجوكم انا لو قلتلكم علي قصه في منتهي الغرابه حصلت امبارح في مدينه نصر مش هتصدقو
حد يصدق ان اتنين ستات واحده افريقيه و الاخري شقراء نازلين يشترو خضار من دكان خضار الساعه 1 الفجر و مش معاهم اثبات شخصيه و لما اتسئلو ساكنين فين قالو عنوان بعيد عن مكان المحل و من المفروض ان الناس كتير واقفه لجان حمايه و محدش اعترضهم ولا شافهم و لما اتسئلو كانو ماشيين من اي مسار برضو محدش شافهم و اكد انهم مرو من قدامه
و الالعن واحده بتقول للتانيه بالانجليزي dont tell them anything and dont even talk to them
الاهالي سلموهم للجيش طبعا
بس حد يقرا الكلام ده و يقولي انهم كانو مدنيين اجانب و نازلين يشترو خضار الساعه 1 الفجر في جو مشحون زي ده و مش معاهم اثبات شخصيه!!
بتاع الخضار بيقول انه شاف الافريقيه في المنطقه قبل كده لكن الشقراء دي لا
يا شباب مصر الموضوع فعلا مرعب
احقنو الدماء و امنعو اعداء البلد و ما اكثرهم و اشرسهم امنعوهم من ادخالنا في حروب و صراعات طاحنه
احنا 11 يوم تظاهر و تعطيل تسببو في زياده اسعار و شح السلع
مابالكم بالحرب و تقل الحرب و تدميرها لاقتصاديات دول عظمي!!!!!!
احنا مش مستعدين لدخول معارك حاليا
اقتصادنا اصلا بينهار حتي و البنوك و البورصه قافلين
كل عامل و فني و مهندس و طبيب بيقع مصاب او قتيل خساره بشريه لن تعوض
الناس دي ثروه مصر القوميه
الناس دي اهالينا و اولادنا و جيراننا
مين عايز يفقع عين اخوه او يموته
مين عايز دم اخوه في الله و الوطن و الانسانيه حتي مين عايز الدم ده علي ايده يوم القيامه؟!!!
احقنو الدماء و هدو الناس و استهدو بالله
كفايه ترويع للامنين
كفايه الاهالي و رعبهم مع كل شمس بتغيب
شوارع مصر بقت مدن اشباح بالليل
و الصبح طوابير علي محال فارغه او كادت تفرغ
ناس كتير مش معاهم فلوس مرتباتهم و مش عارفين يصرفوها
ناس منهم فعلا الاكل بدء يتلاشي من بيوتها
و منهم مش لاقي حق ادويه زي الضغط و السكر و مضادات التجلط يعني لازم ياخدها بانتظام
الله يكرمكم اتقو الله في نفسكم و اهاليكم
شعب مصر مش كده ابدا و الله
اللي بحصله حادثه الناس بتتلم و تمد ليه يد العون
و احنا بنموت في اباء و امهات لاولاد زي اولادنا
ليه يكون ذنب اولادهم في رقبتكم طول عمرهم؟؟؟
حد فيكم هيكون مسئول عن اكلهم و شربهم؟؟
مين فيكم هيرد عليهم لما يسئلو عن ابائهم و امهاتهم؟؟؟؟؟
اتقو الله يا ناس
كلنا هنموت اه
بس لينا حساب عند ربنا
بلاش تشيلو ذنب شعب بحاله في رقبتكم
اتصلو باهلكم و بلغو بلاش كفايه الموضوع بقي في منتهي الخطوره
البلد علي حافه حرب اهليه في منتهي البشاعه
و البلطجه اللي حصلت الايام المنصرمه هتكون لعب اطفال بجوار ما يمكن ان يحدث
الاف الجوعي هيجوبو الشوارع و يقتحمو البيوت المره دي بحثا عن طعام !!!!!!!!!!!!!
هنتصارع علي الاكل في صفائح القمامه
بلدنا فعلا بتنهار
ارجوكم شويه رحمه و عقل و تروي
يارب اهدي المصريين
و الله انا خايف من كل حاجه دلوقتي
الزباله اتكومت في الشوارع و كلها ايام قليله و الفئران و الهوام هتتكاثر عليها
و الامراض هتنتشر
و الادويه لن تكفي
المصانع معطله
و المخازن اما مسلوبه او مغلقه خوفا من النهب
و النقل نفسه غير مأمون خوفا من قطع الطرق
الادويه و الاكل هيتعذر وصوله للناس
و هنتجه للتقاتل علي الاكل
كام واحد فيكم لسه عنده فلوس في بيته يقدر يشتري مستلزماته لغايه النهارده؟؟؟
كام واحد فيكم بقي حاسس ان الفلوس اللي في جيبه او بيته بقت عالمه زي قصاصات ورق لن تصلح لشراء السلع اللي اسعارها اتجهت للارتفاع نظرا لقله المعروض و زياده الطلبات؟؟؟؟؟
حد فيكم متخيل ان الانفلات الامني بقي في منتهي الخطوره؟؟؟؟؟
لو حد فيكم حد خطفه او قتله في الشارع في اي وقت ملوش ديه
و محدش اصلا هيقدر يدلكم علي مكان جثته او اي خبر عنه بالاساس
يعني مش هتعرفو مصير اي حد من اهلكم لو مرجعش من بره ولا مين اعتدي عليه
احذرو الفتنه الله يكرمكم
نارها هتحرق كل من يتنفس علي ارض مصر
80 مليون مصري هيتم اختذالهم لعدد اقل من كده
في بلطجيه بقي معاهم اسلحه و ذخيره
و مفيش بوليس يحمينا حاليا
و رجال الجيش حتي و ان تدخلو مش هيقدرو يفرقو بين مدني مسالم و مدني معتدي
بلاش نحط العقده في المنشار
اتقو الله و اتركو فرصه لاستعاده اي نوع من انواع الهدوء و الامن
و الله علي مدار الايام الماضيه كنا هنقتل بعض فعلا احنا شباب نفس المنطقه السكنيه
من كتر الشد و حرقه الاعصاب و عزه جلاله الله كنا هنقتل بعض
كل مجموعه افتكرت ان الاخري هي البلطجيه و الدنيا كانت ليل و ضلمه و محدش شايف التاني
لولا ان ناس منا في مقدمه الالتحام شافو اصحابهم في الطرف المقابل
اقسم بالله العلي العظيم كنا هنموت بعض
و اتضرب نار و الجيش نفسه لما سمع ضرب نار ضرب نار هو كمان في الهواء من الشارع بره و دبابه و مدرعه جابو الشوارع لاستبيان الموقف
و الكارثه دي اتكررت علي مدار الايام و لاسباب مختلفه و مؤسفه
كفايه هلع اهالينا اللي كنا بنحميهم من الخطر كل شويه بسبب الصراخ و الهلع لسبب او دون سبب
حرام و الله حرام
احقنو الدماء
احقنو الدماء
احقنو الدماء
ده هدم الكعبه المشرفه عند الله اهون من اراقه دم مؤمن
اتقو الله في انفسكم و في اهاليكم
اتقو الله اتقو الله اتقو الله
حد فيكم جاهز و متأكد ان اعماله هترحمه من نار جهنم؟؟؟؟؟؟؟؟
يا ناس ده احنا اول ما نموت و نشوف الحق بنتمني الرجوع و لو ساعه علشان نعمل عمل صالح
يبقي نضحي بحياه قدامنا طويله نقدر نعمل فيها كل خير؟!!!!!
و في سبيل ايه بس
ايه يوازي دخول اي حد فينا نار جهنم خالدا فيها؟؟؟؟؟؟
ده احنا حرام علينا كمسلمين رفع حديده علي مسلم و لو علي سبيل المزاح
هل اللي بيحصل حاليا من جميع الاطراف بيدل علي الاسلام؟؟؟؟؟؟
المنظر في الشوارع و كأن الناس بتقاتل الصهاينه
استراليا النهارده ضربها رياح شديده و امطار عنيفه و جده في السعوديه غرقت في فيضانات و شيكاغو داخل عليها اعصار مدمر و اليمن فيها مظاهرات و السودان و الاردن
العالم نفسه علي حافه الانهيار و لسه لما المحاصيل اللي كانت بتتصدر تهلك
نهدي شويه بدل ما غضب ربنا يحل علينا
اتقو الله
اقتباس:
المشاركة الأصلية كتبت بواسطة factorialx
والعربية بتألف والبي بي سي والحرة والمفاجأة التليفزيون المصري بيألف ... ع فكرة كان ناقلها مباشر والاعداد بسم الله ما شاء الله كانت بتزيد.
بالنسبة لتردد قناة الجزيرة والجزيرة مباشر 11555 عمودي
كلمة أخيرة لأعوان مبارك ونظامه
Game Over
يا جماعه مش مسأله سياسه او مخابرات او زفت هباب
ارجوكم اللي ليه حد من اصحابه لسه في ميدان التحرير يتصل بيه و يبوس علي راسه يرجع بيته قبل ما صلاه الجمعه تبدء
الشباب اتورط في مخطط في منتهي الخطوره علي البلد
انا كنت معارض للنظام
و حاليا مش فارقه و الله لان الوضع علي الارض حاليا ينذر بحرب اهليه مصغره تبدء في ميدان التحرير
كل طرف من الاطراف هناك هيمسك واحد من الطرف الاخر و يقتله
و ساعتها هيكون الاشتباك حصل فعلا بين الفريقين
لما كل واحد يكون موت اللي قدامه هيقفو يبصو لبعض بحيره و توجس
لان كل طرف مش هيكون عارف مين اللي واقف جنبه او قدامه
و في سكره الموقف و لاي سبب بسيط كل اللي لسه واقفين هيقتلو من حولهم
مفيش طرف لابس احمر و التاني اخضر
مفيش علامه مميزه لاي فريق
النتيجه مذبحه
و الجيش نفسه مش هيقدر يتعامل مع الموقف الا بطريقه واحده
الجيش مش الامن المركزي
الجيش ماسك نفسه و هو شايف ابناء الوطن بيعتدو علي بعض
الجيش اللي المفروض يكون واقف قصاد اعداء الوطن اللي عايزين كل شر بابناء مصر
لو كان جهاز الشرطه لسه موجود كان ممكن فض الناس دي
و علشان كده انا بأكد انه غالبا مخطط في منتهي القذاره
بيحاولو يخلقو صدام بين القوات المسلحه المصريه و افراد الشعب المصري في ظل غياب جهاز الشرطه و الامن
لو ده حصل و للاسف مش بعيد انه يحصل لحل المجزره الممكنه الحدوث عقب الصلاه
يا جماعه كله يوعي اهله و ناسه ده فاضل ساعات قليله
يجماعه احنا مش اعوان مبارك احنا مصريين زي بعض واخوات وكلنا في الاخر مصيرنا واحد بس لازم نفكر في حالنا الي هيدمر بعد كده والناس الي بتموت كل يووم والناس الي بقت بتشحت دلوقت علشان كانوا بيقبضوا باليوميه ولازم نفكر ان مصر هتخش علي مجاعه ومش هنلاقي كلنا ناكل وهنقتل في بعض وبالعكس انا مع الي بيكرهوا مبارك ونظامه بس في مصلحتنا انه كفايه كده علشان البلد متتدهورش اكتر من كده وبعدين ده فاضل 6 شهور ويمشي وبعديها نختار الي احنا عايزينهاقتباس:
المشاركة الأصلية كتبت بواسطة everlasting
الآن على الجزيرة : مليوووووووووووووووون متظاهر في ميدان التحرير يطالبون بتنحي مبارك.
وحضرتك منزلتيش تشارك معاهم ليهاقتباس:
المشاركة الأصلية كتبت بواسطة everlasting
انا هنزل اصلي احسن مقعد اتكلم معاكوا
عمرو موسى في ميدان التحرير
حتى شريهااان ... في ميدان التحرير
مصر لسة بخير
عمار الشريعي انضم للمتظاهرين
وأحمد كمال أبو المجد ............. مصر بخـيـــــــــــــــــــــ ـــــــــــــــــــــــــ ـــــــر
شريهان اللي عندها سرطان في الميدان
الله يا شبابا مصر
فين الفتنة اللي بتقولوا عليها و كل أطياف الشعب المصري في الميدان
حسبنا الله و نعم الوكيل
نــادر السيد في ميدان التحرير