ألاف المتظاهرين في ميدان التحرير الأن على الجزيرة مباشر يرددون يسقط يسقط حسني مبارك

**Everlasting** · 04-02-2011 10:02 AM

ألاف المتظاهرين في ميدان التحرير الأن على الجزيرة مباشر يرددون يسقط يسقط حسني مبارك

مصر لسة بخير ... مصر لسة فيها شباب واعي ... لسة فيه أمل

ربنا ينصركم يا شباب مصر الشرفاء

إِنْ يَنْصُرْكُمُ اللَّهُ فَلا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ

**otefa** · 04-02-2011 10:07 AM

الحمد لله أنهم مش عشرات الألاف ربنا يهديهم

**م. حاتم السباعي** · 04-02-2011 10:27 AM

و الله اللي اعرفه ان مقياس الرجوله له الكثير من الدلائل
اتوقع الرجولة ايضا انه ليس من العدل و الرجوله ان نكون كل شويه بقرار
يعني
1- هناك من يري من وجهة نظره ان يكتفو برحيل مبارك (( و ان يمكث في مصر بدون اي شئ ضده او ابنائه ))
2- هناك اخرين يرون ان يتم خروجه خارج الوطن ويتم محاكمة كل النظام السابق بمن فيهم عمر سليمان
3- هناك ايضا متظاهرين موجودين هناك يؤيدون اعدام مبارك واهله وكل النظام المحيط به
خلاص تم احد هذه البدائل يخرج بقي علينا نفس الناس دول لما ييجو يختارو من سيحكمنا
1- منهم من يؤيد البرادعي
2- منهم من يؤيد مرشد الاخوان وهم الاغلبية المتواجده في التحرير
3- منهم من يوافق علي ابقاء الحكومة الحالية
خلاص اتخانقنا علي الرئيس و كل منهم دافع عن وجهة نظره
وجه الرئيس القادم فلم يعجب فئة اخري مهم
فأذا بميدان التحرير يمتلئ تاني بالمتظاهرين و لكن اقسم لك و قتها لن يرتدع الموالين للنظام الجديد ان يقتلو من يختلفو معهم و انظر للصومال و لبنان و فلسطين
ربنا معانا و اكرمنا يارب و احقن دماء المصريين
و انا عاوز اقترح اقتراح
ليه اللي بيروح لا يرجع بسرعة حتي يثبت انه خايف علي مصلحة البلد
و اليوم لسه طويل و الشائعات كثيرة
ارجو الله حفظ دمائكم و دمائنا
و قناة العربية دلوقتي بتبث مشهد قديم لسيارة دهست مجموعة من المتظاهرين متصل لكلمة موجهه من قائد قوات الجيش كان بيوجهها للمتظاهرين بكل حب و انه سوف يدافع عنهم و يجب عليهم الالتزام و خلافه واذا بمنظر السيارة اقسم بالله في كادر متصل بدون تقطيع ثم بعد ان بث سمه في النفوس و اوصل رسالته لكي يتعاطف معهم المشاهدين
اقسم بالله انه لم يفصل بين الكادر اي انه تم تجميع المنظرين للرجل الذي يقول لهم سوف نفديكم بأرواحنا ثم كادر السيارة الهيئة السياسية التي كانت تهرب من مكان ما لا احد يعرفه ثم دهست بعض من المتظاهرين لم هذا لم هذه الفتن

م.حاتم السباعي

**elassar2010** · 04-02-2011 10:40 AM

الى على الجزيرة دى مش مباشر خالص

انا شفت فيديوا المفروض انة مباشر والشمس ضاربة فى دماغ المتظاهرين وطبعا مافيش شمس بالقوة دى 10 الصبح

**mohamedrabia** · 04-02-2011 10:46 AM

هو المشكله الوحيده في البلد دلوقتي هي حسني مبارك طيب مشي حسني كده الاصلاح والتغيير المشود!!!!! اعتقد ان كلنا حسني التغيير الصح يبدا من كل واحد في الشعب يعني لو مشي امين وظابط المرور مش هياخد رشوه ؟ موظف بيخلص ورق مش هياخد ؟ مسئول بيعمل مصالح ويستغل منصبه ؟ ولا هنعين لكل مسئول شاب من بتوع يوم الغضب يراقبه ويراقب تصرفاته يبقي المفروض نقول اتغير اولا ابدا بنفسك ده شعار التظاهر الحر في حب مصر بدون اي اضافات سلطه يعني مع الاكل فوضي غياب وعي والكل بيغلط والكل مش مدرك البلد كلها بقت سياسيه والكل فاهم والكل بيقول رائ وشايفه هو الصح ومفيش غيره ارجوكم اتغير وغير هو ده الصح وارجعوا لكتاب الله فهو خير معين

**Everlasting** · 04-02-2011 11:09 AM

خطبة فضيلة الشيخ د. يوسف القرضاوي الآن على قناة الجزيرة مباشر.

**فادى محمد** · 04-02-2011 11:15 AM

قناتي الجزيره والعربيه قنوات مشبوهه تثير الفتنه فعلا ..حتي الجزيره الوثائقيه بتجيب افلام وثائقيه عن نظام الحكم في مصر والتعذيب داخل اقسام الشرطه...طيب اشمعني دلوقتي؟؟

**most_wanted** · 04-02-2011 11:34 AM

الله يحرق الجزيره علي الي بتنشره وعلي الي بيمونها
القناه ديه بتتمني الخرااب لمصر ونشر الفتن والاشاعات بينا

-

-

الموضوع: ألاف المتظاهرين في ميدان التحرير الأن على الجزيرة مباشر يرددون يسقط يسقط حسني مبارك

LinkBack

أدوات الموضوع

عرض

ألاف المتظاهرين في ميدان التحرير الأن على الجزيرة مباشر يرددون يسقط يسقط حسني مبارك - انشر الموضوع فى :

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة