و دى حاجة تتنسى بردو و سيبك من كدا كمان انتا كفاية انك متابع الموضوع بجد شكرا جدا على تعبك و يشرفنى لو اتعرفنا على بعض اكتر
و دى حاجة تتنسى بردو و سيبك من كدا كمان انتا كفاية انك متابع الموضوع بجد شكرا جدا على تعبك و يشرفنى لو اتعرفنا على بعض اكتر
ربنا يخليك يا شادى باشا ...بس خلص بقى يا عم ..هى مش هاتستنى كتير
(اقطع عرق و سيح دمة ) ههههه:d
انتا بتقول فيها باذن الله على اخر الاسبوع هتسمع خبر حلو و انتا اول واحد هتعرف بس انتا قول يارب
ايه يا جماعة كل الحجات الى المفروض تيجى مع العربية عشان خايف انسى حاجة
آريال الردايو
كتالوج السيارة
كتالوج الراديو و الاسطوانات
كتيب الصيانات الدورية
كيس بلاستيك به عدة للسيارة
كوريك لرفع السيارة
كاوتش احتياطي ( مختلف في الحجم عن الأصلي )
أربع طبات بلاستيك عليهم علامة بروتون لتغطية منتصف الجنط
و مبروك مقدما السيارة و اهلا بك في نادي بروتون الملكي :D :D
الف الف شكر ليك يا استاذ توت عنخ امون بس هى دى بس لحجات الى بتيجى معاها لان انا كنت ملاحظ و انا بتفرج فى فرع عز العرب الى فى الدقى ان كان فيه دواسات لونها بيج نفس لون الصالون و هل بيجى معاها سى دى مع الكاسيت عشان اجربو ولا لا
فعلا يا باشا
العربية بييجي معاها ....... دواسات موكيت ( معلش نسيت )
و أنت لازم تأخذ معاك سي دي صوتي ( و ليس ام بي ثري ) علشان تجرب به
و حاول تجرب الأربع سماعات ........ يعني تفحص الأربعة سماعات بودنك و تجرب الكل
و برضه خد بالك إن عجلة القيادة يتم تعديلها حسب طولك ......... أسأل الراجل و خليه يوريك أزاي تعمل كدا
و تفتح الكابوت و تنزل تبص و تتأكد من كل حاجة
و لما تفتح شنطة العربية هاتلاقي الكوريك و الفردة الأحتياطي تحت الفرش و المفروض يكون معاهم العدة و هي مكونة من كام مفتاح و مفك ( يعني مش عدة غالية قوي يعني )
و أنا عمال أعصر دماغي و لو أفتكرت حاجة تانية هاقولك
ومبروك مقدما ياباشا
الف الف شك ليك يا استاذ توت عنخ امون انا فعلن نازل باذن الله بكرة عشان اخلص فيها و انا اعترف ان حاضرتك و الاستاذ فهد و حبيب السيات و خايف انسى حد تانى ليكو الفضل انى اوصل للقرار دا لان الموضوع مكانش سهل خالص عليا و فعلن فعلن مصر جابت رجاله و كلهم فى المنتدى الجامد دا و الف شكر على تعبك و وقتك و اهتمامك بموضوعى
طبعا السعر هايل يا شادي
و انا شايف ان مش فارقه اوي اني اجيب العربيه 2007 ولا 2008
لأن كمان الخصم حلو
اما بقي اللون.....
فلا و الف لا بالنسبه ليا لازم اجيب اللون اللي في ديماغي
بس ممكن اتغاضي بس يكون اللون برضوا حلو
فا لو مش فارق معاك اللون توكل علي الله
اما لو مش مستريحله يبقي رأيي بلاش...علشان ماتندمش بعدين
و خلاص قرفت من الاكسنت:(؟؟؟؟؟
الف شكر ليك يا استاذ عمرو على ردك , انا معاك ان مافيش فرق مابين 2007 و 2008 و خاصة ان فى فرق سعر جامد و انا المستفاد فى الاخر اما موضوع الون انا كنت فى الاول مقلق لانى عمر ماجيه فى دماغى انى اركب عربية لونها اصفر بس بعد اراء كتير من رجاله المنتدى و بحثت كتير لاقيت ان الون لاصفر فعلن هيبقى مميز جدا و شبابى جدا و الامارة على كدا البورش او السيات على راى الاستاذ حبيب السيات او الفرارى اكيد انتا بتشوف ان معظم الاعلانات بتاعتهم مابين الاصفر و الاحمر والى مخلينى قرنت الجين 2 بالعربيات الجامدة دى انهم تقريبا بيشتركو فى صفة واحدة و هى سيارات رياضية لان الجين 2 ميش نص رياضية زى بقيت العربيات لا دى فعلن رياضية و الى كمل اقتناعى بالون انى شوفت جين 2 بنفس الون على صلاح سالم و كانت فعلن جامدة جدا و شكرا على ردك مرة تانية و اتشرفت بمعرفتك استاذ عمرو