أشــرى جيــن2 موديــل 2007 بسعــر مخفــض و لا أنتــظر موديــل 2008 بدون تخفيــض

**shady_love** · 09-03-2008 05:01 PM

السلام عليكم و رحمة الله و بركاته
النهاردة يا جماعة انا روحت لتوكيل عز العرب فى اول طريق القاهرة اسكندرية المهم انهم قالولى ان موديل 2008 مافهوش اى تغيرات و لا حتى مسمار و ان كل الحوارات بتاعت النت حقيقى ولكن ليس فى مصر و ان الموديل دا هوة هوة 2007 بس اختلاف الموديلات و ان الفرق فى السعر المعروف انو مابين الف او اتنين دا بس عشان فرق الموديل و قالى ان فى جين 2 موديل 2007 هى الى فاضلة و عملى تخفيض جامد و وقفها عليا على 78000 الف و لونها كنارى او اصفر و قولتيلو على انا متاكد ان فى تغير فى الموديلات قالى كل دا برة ميش فى مصر و قالى لو عايز الى برة بالتغيرات الى احنا شوفناها ممكن اجيبها بس على حسابى الخاص لانها كدا تعتبر اسبيشيل بمعنى اصح بجيب عربية من برة و بدفع جمركها و كلو طبعا هتبقى عليا جدا , فانا حجزت الجين دى رغم ان موديلاها 2007 خاصة مع ااتخفيض بس الى ضايقنى موضوع انى ميش موخير فى موضوع الون رغم انى مقتنع ان الالون الفاتحة جامدة على الجين 2 و الاحلى انو ميش كتير بس هى الخانقة انى مقيد بالون دا يا اما استنى موديل 2008 و طبعا بسعرها و ميش هيبقى سعتها فى تخفيض بس هى الفكرة انى مقيد بالون و انما ليس رافضه لانى لما شوفتها حسيت انها مبينة اكتر جمالها و بيبان فيها اى شغل ممكن يتعمل فيها , فانا كنت عايز اخد رايكم فى التصرف دا و هل انا اتسرعت ولا لا و لو مقيدينى ايه رايكم فى الون هل مرفوض و لا مقبول و انا عارف انها ازواق بس سعات فى عربيات ماينفعش فيها الون دا و فى عربيات ينفع و سعات فعلن بتبقى جامدة عليها , اسف على التطويل بس ياريت تدونى راى لو مكانى تعمل ايه لانو على اساس ردكم يا اما ارجع فى كلامى و استنا 2008 و طبعا احاول استحمل الفرق يا اما امشى فى اجراتى و اسف مرة تانية على التطويل

**fahd_628** · 09-03-2008 06:54 PM

باشا محدش عندة معلومات مؤكدة لموديل 2008 انا رأى تستنى 2008 لما ينزل لأن فية احتمال ان المحرك يتعدل و يبقى احسن بكتيير فى العزم فى عدد اللفات المنخفض و مش خسران حاجة استنى :)

**shady_love** · 09-03-2008 07:04 PM

اولا شكرا على ردك السريع استاذ فهد بس هوة انا خسران لو مافيش فرق , خسران فلوس و فرق كبير

**shady_love** · 09-03-2008 08:51 PM

ايه يا جماعة ماحدش عندو راى تانى , فين الردود و الاقتراحات

**mohameddawoud** · 09-03-2008 09:02 PM

بص يا باشا انا لسه مكلم التوكيل وقالى مفيش ولا عربيه جايه دلوقتى 2008 مانويل وعلى فكره انا حجزت 2008 اوتوماتيك

**aboalm** · 09-03-2008 09:03 PM

حاضر ياعم شادى واحده واحده بس علينا
بص يا سيدى هو واضح ان موضوع التخفيض فى الفلوس فارق معاك و دة من حقك طبعا فا مافيش اى مشكله طبعا ايه يعنى موديل 2007 هو انت حا تبيعها بكره الصبح و بعدين انت عايز فرق الموتور علشان تدخل بيها رالى الفراعنه مثلا هيا اصلا العربيه بسم الله ما شاء الله عليها فامش ناقصه بالنسبه للون دى أزواق و ممكن جدا لون يعجبك قوى و مش يعجب ناس تانيه و العكس صحيح

**mohameddawoud** · 09-03-2008 09:07 PM

العربيه وصلت فى الميناء ومافيش فرق فى الموتور ولا اى حاجه خالص ولو عاجبك اللون توكل على الله وانت اولى بالفرق لان مفيش مانيول جه فى الرساله دى

**Ahmed Anwer** · 09-03-2008 09:10 PM

بص لو مش هتضايق انك تكون جايب عربية موديل 2007 و انتا في 2008

اتكل علي الله ،،

بس تاخد في اعتبارك ان ده ليه فرق في اعادة البيع ،،

بس بصراحة معتقدش انه هيكون مساوي لفرق السعر اللي في الزيرو دلوقتي

قصدي لو انك كده وفرت 5000 جنية تقريبا ،،

لما تيجي تبيع بعد خمس سنين مثلآ ،، هيكون الفرق بين موديل 2007 و 2008

مش اكثر من ثلاث الاف جنية كمثال ،،

**SEATLOVER** · 09-03-2008 09:28 PM

بص يا شادى ..
انا متابع اهتمامك بالموضوع دة و مشاركة ليك قبل كدة لما لقيت اللون دة

العربية دى انا شفتها فى التوكيل ..من الاخر اللون الاصفر فى ال Gen 2
تحـــــــــــــــــــــــ ـــــــــــــــــــــــــ ـــــــــــــــــــــــفة
اللون الاصفر لون مميز فى العربيات ذات الطابع الرياضى و منها ال جين 2 يعنى مثلاً اضربلك مثل عندنا فى السيات بيبقى اعلانات موديلات (الكوبرا) اللى هى فول سبورت باكدج بيعملوها فى لونين (الاصفر -الاحمر)

انا بصراحة رأى تتوكل على الله و تخلص فيها انا من النوع اللى ممكن ادفع اكتر فى اللون الاصفر دة (بصراحة ) بس دى ميزة فى السوق انها ارخص

للآمانة بس ..ممكن اللون دة بيقلل شوية من ثمن العربية فى البيع بعد كدة لآن مش كل الناس بتحبة ...بس بردو هتلاقى شباب كتير بيدورا علية .

توكل على الله وفرق الفلوس انت اولى بية تصرفة فى ترويش العربية
ربنا يوفقك .

**Ghamrawy** · 09-03-2008 09:49 PM

المشاركة الأصلية كتبت بواسطة fahd_628

باشا محدش عندة معلومات مؤكدة لموديل 2008 انا رأى تستنى 2008 لما ينزل لأن فية احتمال ان المحرك يتعدل و يبقى احسن بكتيير فى العزم فى عدد اللفات المنخفض و مش خسران حاجة استنى :)

طبعا الكلام ده صحيح و الا حانبقى السوق اللى بيلم البواقى و الفضل و نركب اللى هما عايزينه مش العكس