الموضوع: لمن يريد ان يعرف من المسئول عن مجزره ميدان التحرير

صاحبى فى لجنه من لجان الحزب الوثنى شحن 3 عربيات نقل محمله ناس من السلام يوم الاربع عشان اللى حصل
الكوميدى انا واخوه كنا هناك!!! بس رجعنا للاصابه على نص اليوم

هما شايفين انهم اعضاء مجلس الشعب و انهم بيمثلوا الشعب و بيتخذوا القرارات نيابة عن الشعب و ان تفكيرهم للشعب و مش مفروض ان الشعب يتكلم او يفكر لانهم هما هيقوموا بالتفكير له و ارسال الحصان و الجمل كنوع من انواع الاعلان السياحى المجانى عن مصر للعالم علشان اللى يتفرج عليهم بره مصر يبقى نفسه يجى مصر و يركب الحصان و الجمل قدام المتحف فى ميدان التحرير
مش كدة بردوا و لا ايه
هل ممكن اكون فهمت غلط

المشاركة الأصلية كتبت بواسطة أبو عبدالله

وعلى فكره هما اصدروا بيان وبيقولوا فيه :
انهم لا يطلبوا منصب الرئاسة ولا اي مناصب اخرى ولكن يريدوا الأصلاح

وهوا إلي بيحصل في البلد دلوقتي ده إصلاح برده

حال البلد وقف
موظفين حكومة في بيوتهم بقالهم إسبوع
وموظفين قطاع خاص في بيوتهم وإلي نزل منهم مش عارف هيقبض مرتبه ولا لأ
وشباب كتير كانوا شغاليين في السياحة بقوا عاطلين
وبنوك عطلانة
ووسط البلد إلي فيها المراكز الرئيسية لأغلب الهيئات الحكومية والخاصة ومقفولة
وإختلاف وشقاق بين أبناء الوطن الواحد بل وقتل وإتهامات وحصل

وتدخل دول خارجية في حالنا
بل وتهديد والحديث عن مشروع قوانين في الكونجرس (وغداً ربما في مجلس الأمن) لدس أنوفهم في حالنا وللأسف بقى كتير أوي وكل العالم بينهش فينا

كل ده ... فين الإصلاح يا جماعة

هل من موضوعية في الكلام

هل من منطقية في التفكير

هلى من حياد في الحكم

انا باستغرب من اللي بيفصل ما بين تصرفات الرئيس وبين تصرفات وزراؤه ومسئوليه

شيءغريب جدا...الحكم مسئوليةامام الله وامام الناس ..والصحابة كانوا بيهربوا من الحكم علشان لو عثرت ناقة في الشام سيسأل عنها الخليفة وهو في المدينة...

ما حدث في معركة الابل والبلطجية تصرف غير جديد على اعضاء الحزب الوطني..ومن ساعة ما عملوا حاجة اسما انتخابات
والممارسات دي يعرفها الشعب كله...فان لم يكن الرئيس على علم بهذا طوال هذه السنين فهي مصيبة وهي مسؤليته برضه شاء ام ابى...

وبعدين احنا فيها نتمنى نشوف النواب والوزراء والمحبين للرئيس اللي عملوا الجريمة دي في الكلبشات..وانا اشك انه ممكن يحصل يوما ما لان دي سياسة حزب ونظام...سياسة متأصلة...