الموضوع: استفسار عن فيات البيا

المشاركة الأصلية كتبت بواسطة yoko

برينس إتأكد من كفائة المستر وإن مفيش هواء الدبرياج معرفش بس لو تقل عنزمان إكشف عليه

هو فى ملاحظة اخدت بالى منها بس مش عارف دى ليها علاقة بالماستر ولا لأ
الملاحظة هى ان لما باجى ادور العربية الصبح بدرى و مسيبهاش تسخن خالص، خالص يعنى خالص، ولا حتى دقيقة واحدة..
ممكن 10 ثوانى ولا حاجة عقبال ما البس الحزام و انقل و اطلع
المهم لما بمشى من غير ما اسخن و اجى افرمل (مبكونش لسة لحقت امشى تقريبا ، يعنى حاجة كدة لحد اخر الشارع بس) بس صوت غريب بحس ان صوت ممكن كاوتش فى كاوتش او بلاستيك فى بلاستيك.. انا مش عارف اوصف الصوت بالظبط، بس الغريب ن الصوت دة بيعد كدة 5 دقايق لحد ما العربية تبقى سخنة و ميبقاش فى صوت خالص.. و كمان الصوت اصلا مش بيبان فى خلال ال5 دقايق دول الا لما اقفل كل الشبابيك..
مش عارف دة عادى ولا لأ، وليه علاقة ب"إحساسى" بالفرامل لأن انا مسقتش غير الصنى و الباليو

المشاركة الأصلية كتبت بواسطة karimalaa

ده تقريبا صوت حكة التيل في الطانبور و بيبان في الحتة اللي مافيهاش دوشة و هادية تماما و خصوصا و الديسك لسه بارد و ده أعتقد سببه ان التيل ناشف.
بالنسبة للفرامل فا زي ما قلت ( في حالة الطوارئ و العربية بتجري الفرامل المفاجأة حتزحلق بسرعة ) عشان ايا كان انت برده جوه البلد مش بتوصل لسرعة عالية يعني أو لو وصلت نادرا لما بتفرمل فجأة...الصني تبقى حلوة و تفرمل أسرع لو ماشي لحد سرعة 40 مثلا أو 50 والله أعلم

كلام كويس :)
طب و الصوت دة ، لو زى ما بتقول انه صوت حكة التيل فى الطنبور، بسبب ان التيل ناشف. دة كدة غلط ولا ايه ؟