هتغاضي عن التلميح نظراً للاعصاب المشدودة من الجميع...
و لكن دماء الشهداء لم تذهب سدي, بس انتوا اتركوا الفرصة لظهور النتائج حتي لا تضيع دمائهم او يزداد عددهم... طلب بسيط, ممكن ؟
.
بصوا يا جماعة بعيدا عن المليون والاتنين مليون، الناس خارجة تقول رأيها وبتنوب عن عدد كبير جدا من الناس اللي قاعدة في بيوتها. يعني لو خرج كل الناس المعارضة للحكم أعتقد ما فيش مكان في مصر يقدر يستوعبهم.
بدل في مفاوضات يبقي ده شئ مبشر بالخير... احنا مش ضد غير الجمود و التصلب في المواقف, المهم محدش من المتسلقين يطلع بمكاسب جامدة في وسط الهيصة...
موضوع الاعداد ده كان رد علي تهريج الجزيرة في تقدير اعداد المتظاهرين و استغلال البعض للارقام ليوهم العالم الخارجي بانه يتحدث باسم شعب مصر كله...
.
.
أعجب شيء في المناقشات البيزنطية التي ملأت النت عن "ثورة الشباب" إن الناس تتكلم وكأنهم "لم يكونوا هنا" ولم يجربوا هذا النظام الذي أفقد مصر كرامتها وكيانها لعقود طويلة... وكأنه كان صادقا وأمينا معنا في وعوده طوال الوقت. الأغلبية تقول "هذا يكفي" و"الناس حالها وقف" وكذا وكذا. مما يردده الإعلام المضاد للثورة في عملية "غسيل مخ" لا تنطلي على طفل.
إلى مغسولي المخ ..... لم ننته بعد.... هذه هي البداية فقط... إذا خلت الشوارع من الأحرار ستموت الثورة.. وستعود الأمور أسوأ مما كانت ... أما إن كنتم خائفين ... فهذا شيء آخر.
طبعا بصفتي مهندس امتلك شركة متخصصة في الاعمال المساحية
و امتلك خرائط لمناطق كثيرة في مصر
و عن طريق حسابات بسيطة من جوجل ايرث مثلما سبق من بعض الاعضاء الافاضل ففعلا هناك بعض الحقائق:-
و لنبدأ ان نقسم كل المنطقة في ميدان التحرير كي نفهم بموضوعية
اولا - المنطقة من اول سور المتحف من عبد المنعم رياض جنوبا الي اول المنطقة التي يتم تطويرها امام المتحف و هي التي تعرضت لاخطراق الجمال و الجياد (( طولا180*40 عرض الشارع )) = 7200م2
ثانيا - منطقة مرحلة التطوير و امامها مداخل شارع البستان و الجراج
(( طولا 225* متوسط عرض 65 )) = 14625 م2
ثالثا - منطقة السرة اي الميدان ولكن بتوسعها اي سنترها الميدان و مماسها عبارة عن الشوارع و اخر منطقة التطوير
(( 115*115 )) = 13225 م2
رابعا - المنطقة امام المجمع المحترق متوسطها
(( 115 * 100 )) = 11500 م2
خامسا - مناطق السور الخلفي لمنطقة التطوير و امام مجمع التحرير
و باقي الشوارع الصغيرة التي لم يشملها الحصر السابق = 10000م2
اخيرا حساب تلك المساحات يبلغ حوالي 56550 متر مربع
و هذه نسبة تقريبية و ليست عن طريق حدود ثابتة
و بحساب ان المتر المربع يسع لحوالي 4 اشخاص في و في حالة تكدس الميدان بهذا الشكل كله اذن يكون عدد الموجودين لن يزيد في اي حال من الاحوال عن 226200 مواطن ومثلما قال احد الاعضاء قول العدد 250الف مواطن
طب هل المشكلة في الخلاف علي العدد الان
لو اننا اختلفنا فيما بيننا علي العدد اكيد لن نصل لشئ المشكلة انه مع بداية الازمة اتضح اننا كلنا كشعب كنا راضيين عن التغيير ومن خالف ذلك اكيد كان له مصلحة من عدم التغيير (( في رأيي )) و اتوقع انها كانت نسبة صغيرة جدا
و لكن حدث الشرخ بين جموع المصريين سواء مجتمعين في الميدان او ممثليين للماكثين في البيوت لا يتظاهرون مع انهم رافضين للنظام
بعد خطاب الرئيس الشرخ حدث في نظري بعد التوحد علي حتمية تغيير الوجوه و تغيير منطق التوريث الذي ظل مطروحا لمدة سنة كاملة لم ينفيه احد من الحكم في اشد الظروف التي مرت بها البلاد
الشرخ حدث نتيجة احساس البعض بأن الثورة حينما ملكت الامور مارست الديكتاتورية هي الاخري بأصرارهم علي عدم الانسحاب حاليا حتي يتركو الحكومة الجديدة و الانجاز الذي تم حتي ينعم الشعب المؤيد للمتظاهرين بنتيجة هذه الثورة و لكن التشدد بأمور كنا نعاني منها في رأيي لن يخرجنا مما نحن فيه
م.حاتم السباعي
طيب بس عشان الناس بتسأل اسئله غلط و بتروح فى سكك غلط
هاتلى الف واحد عندهم مبدأ يفضلوا فى الشارع يومين ورا بعض عشان مبارك
مافيشششششششششششش خخخخخخخخخخخخخالص
فبلاش تحبيط من ناس شرفا بتعمل للبلد وانت قاعد تحسب مساحه فى جوجل
و حدوا من لا يغفل و لا ينام
و متنزلوش بمستواكم او مستوى حواركم
احنا ارقى من كده
انا برضه بقول انهم لا يتجاوزوا المليون ! بس اغلب اصدقائي اللي راحوا قالوا انه كان زي يوم الحشر! و اقسموا انهم ملايين! و انهم مشافوش هذا الكم او العدد من البشر في حياتهم! و كلهم بيحبوا بعض و بيخافوا على بعض و مبتسمين في وش بعض
الاخوة الاعزاء..بالراحة على بعض مش كدا...احنا مش ديمقراطيين مع بعض ليه؟ ايه المشكلة إن يبقى في ناس لها رأي مختلف عننا..الهدوء يرحمكم الله...من الآخر الميدان مستحيل يشيل مليون واحد ودي مش عايزة نقاش..والموضوع مش موضوع مليون ولا خمسين الف..يكفي إن في ناس اتحركوا من اجل الاصلاح..ودي مش عايزة نقاش..فين بقى المشكلة!!
لو عايزين نستبدل نظام سلطوي..يبقى اولى إننا لا نكون ديكتاتوريين مع بعضنا البعض
واحد اخونجى بيقولى يوم المظاهره المليونيه.......احنا كونا 900 الف ..........رديت علية قولتله .....انت عديت قولت عد اوحد اتنين تلاته اربعه خمسه سته سبعه
بالراحة بس
دلوقتى ماتنكرش ان فى فى و سط المجموعة اللى هناك و على بلاطة مجموعة مش قليلة من الاخوان
و على قناة الجزيرة نفسها بتشوفهم و هما ماسكين الميكروفونات
فهما دول اللى اقصد انهم بيتلقوا اوامر من قيادتهم و مش حيتحركوا الا لما قيادتهم تقولهم
صح و لا غلط
و بعد اذنك بلاش الكلام اللى من نوعية يسكت و عبثى و الكلام اللى ما يصحش ان احنا نتحاور بيه
لا اله الا الله
و ليه القسم و التأكيد انهم ملايين لو حد نزل الاستاد و شاف المنظر اكيد هيقول كده كمان
الحكاية مش عدد الناس الحكاية ان اى كلمة تتقال و نسمعها نقف 5 دقايق بس و نمررها على عقلنا و نستوعبها قبل ما نرددها او نؤمن و ننادى بيها
اى حاجة يا ريت نمررها على عقلنا و نفكر فيها الاول ............ اى حاجة و خاصة اليومين دول.
اخواني الاعزاء
استحلفكم بالله ان نهدي من حواراتنا و اختلافنا معا
نحن لم نخرج حتي الان من الازمة
الاختلاف علي اي قيادة تحدث من عهد الرسول صلي الله عليه وسلم
و الانشقاق في الرأي حدث علي صحابة الرسول صلي الله عليه وسلم
ولكن المختلفين لم يهدمو الامه لخلافهم
و الفتن و المؤامرات علي وحدة الامه من قديم الازل
ولن يستفيد احد من تشرزمنا الا اعداء الامة
ما يحدث من خلاف شئ صحي انما تمسك كل طرف برأية و محاربة الجانب الاخر مقابل عدم التنازل شئ مخجل
العجيب في الامر ان من يؤيد الاستقرار في البلد و الاكتفاء حاليا بما تم تحقيقة علي ارض الواقع من استفادة معنوية يجدو مهاجمة من المتظاهرين علي اننا ناس لا نفهم و لا نحس بما يحدث في البلد
و يتم خلق الاوراق و كأننا ندافع علي رجل
و يشهد الله علي ان المجتمعين في التحرير الكثير منهم منقسمين
و ستحدث مهازل بينهم حينما تتكشف النوايا
و أشهد الله اني احزن علي ذلك لاني كان نفسي يكون هناك رمز نتوحد جميعا خلفه يقودنا في المرحلة الجديدة
[frame="1 90"]
مين يصدق ان (( خالد يوسف + الشيخ صفوت حجازي ))
مين يصدق ان (( نهي العمروسي + المرشد العام للاخوان ))
مين يصدق ان (( امريكا + ايران ))
[/frame]
اين عقولكم يا موحدين كل هذه التحالفات من حولنا بالطبع لا تريد لنا الخير اين الفطنه محاولات الضرب في مجتمعنا تحيط بنا من كل جانب
بالله عليكم ان تفصلو بين كرهنا و كرهكم للنظام و بين اجبارنا علي ان نؤيد قرار لناس ليس لهم قائد اريد من اي واحد مؤيد لاستمرار التظاهر ووقف الحال ان يشرح لنا و يؤكد لنا ما هي خطوات المرحلة التي تتبع تنحي الرجل حاليا
اقسم بالله انكم عندكم عدم رؤيه واضحه لان لنا اهل و اصدقاء في التحرير الان ولا تجد اي شئ في الدماغ غير الاتي:-
يمشي دلوقتي طب يا جماعة لو مشي هتعملو ايه
يقول لك هنبدأ في عمل حكومة انتقالية و تعديل الدستور و حل مجلسي الشعب و الشوري و عمل انتخابات حره
نقول لهم كويس جدا الكلام ده (( مع ان ده اللي هيتم وهوه موجود برضه بس هوه تحكيم رأي )) المهم هنطغط احنا كمان و المجتمع الدولي وهيمشي الراجل
هب هيطلعو يقولك لا لا لا مش كفايه مش كفايه دم الشهداء
عاوزين نحاكمه محاكمه شعبيه و كل واحد من اللي معاه
طب وبعد المحاكمات و بعد البهدله و بعد كل شئ سئ ممكن نراه
تتعمل انتخابات طبعا سينجح الاخوان بأكتساح و الله العظيم لان هم الجهه الوحيده التي تملك تنظيم في مصر
طب هناك ناس سوف تختلف و يعطردو انما مين اللي يقدر يختلف مع الدين و مين اللي يقدر يختلف مع الرمز حتي لو شيوخ اخرين بفكر وسطي معتدل نفسي اشوف بقي ساعتها (( خالد يوسف و عمار الشريعي و نهي العمروسي و شباب 6 ابريل و شباب الفيس بوك اذا كان ساعتها هيفضل هناك نت من الاساس )) هيختلفو وقتها ازاي
استحلفكم بالله مره ثانيه الا نعترض وان نقف خلف امتنا و وطننا كي نبني شعبنا و كل واحد منا له رأيه
و اسف اني كتبت هذه المداخلة في موضوع اساسه عمليه حسابيه الغرض منها احكام العقل و العلم ليس الا
م.حاتم السباعي
يا باشمهندس حاتم
فيه ناس مش عايزة تشوف غير تحت رجليها
وناس تانية تسيد فئة معينة في مصلحتها لانها من الفئة دي
واي حد يختلف معاهم يبقي خاين وعميل للنظام وعبثي وضد الثورة
داخلين على ايام اسوا من اسود ايام حكم عبد الناصر
صفوت الشريف - جمال مبارك - زكريا عزمى تم اقصائهم من الحزب الواطى
تخيل ده كان هيتم انهارده لو الرجال الشرفاء فى التحرير مش مصرين على موقفهم؟؟؟
للاسف فيه ناس متعوده على الخنوع ومتعوده تخاف لو حد خوفها
احنا مش بنخترع - ديه ثوره و طلبها مش عايزه النظام
الرئيس لازم يرحل عشان اللى بعد كده
اللى يمسك لازم يفهم قوة الشارع اللى مايقدرشى انه يقود البلد يبقى عارف ان الناس هتشيله وده اللى موجود فى العالم
و مافيش اى دوله بتقف ولا بتبوظ على واحد لو حد فاكر كده يبقى فعليا مش فاهم حاجه
اللى يقول اخوان و صراعات يبقى ولا عنده ادنى قدر بالسياسه عشان الطبيعيى يبقى فيه صراع ده صحى عشان يظهر الصالح من الطالح
اللى ضد مصر هو الجمود والاستقرار فى المناصب وعدم الحراك السياسى وعدم تقديم برامج جديده
انا عايز دوله فيها سياسه فيها قوى مختلفه وكل واحديختار الرنامج اللى شايفه صح وفالاخر الافضل الناس هتمشى وراه حتى لو الاخوان
ديه اسمها ديموقراطيه بس اللى انتوا عايزينه اننا نفضل فى حضن حزب فاسد بحجه استقرار
ديه اخر مشاركه هنا عشان بجد انا مش مصدق الناس وشاكك فى معظم الردود
اولا كلام م حاتم عين العقل و هوه ده اللى المفروض كلنا نفهمه
المشكلة ان الريس لو مش عاوز يحل فعلا كان ممكن يضرب كرسى فى الكلوب و يتنازل لسلطاته للجيش و يتم الانصياع للاحكام العرفية و الحكم العسكرى و نعيش بقى
و فعلا تبقى الليلة بالكربون من ايام عبد الناصر و اهل الثقة و ايام ما هيعلم بيها الا ربنا و صلاح نصر تانى
يا جماعة بحمد لله و لطفه فى الايام الاخيرة و صلنا لحاجات زى الفل بس نمشى فيها
و شخصية النائب عمر سليمان و الفريق احمد شفيق مش هتسمح بالفوضى خاصة بعد كل هذه التغيرات و خاصة بعد الخروج لرؤس الحزب كمان زى صفوت و على الدين هلال و مفيد شهاب و اللى اعتقد ان اعادة الترتيب بالشكل ده من ترتيبهم و ضلوعهم فيه مش عشان امتصاص غضب الشارع بس
لأ كمان عشان يعرفوا يشتغلوا فى جو نظيف و كمان اعطاء مزيد من الثقة و الامان لمن يشككون
و لو حسوا ان فى نشوفية دماغ هيتم التسليم للجيش و سلملولى على الدستور للى مش عاوزين نحتكم بيه لمدة 6 شهور
فياريت الناس تقرا و تعرف المشكلة كويس و ربنا المستعان
يا أخي تصدق لسه أمبارح شايف الكلام اللي أنت كاتبه ده علي الفيس بوك من واحد من عملاء الحزب الواطي الخونة و كان بيقول ان مساحة الميدان 90000 كم مربع و برضه من علي جوجل ايرث و بعدها واحد تاني برضه قال 9000 كم مربع و برضه من علي جوجل ايرث و برضه بنفس العبارات بسلطاته ببابا غنوجه
عيب أوي لما نقعد نكرر كلام الاعلام الكاذب و عملاء الحزب اللي ان شاء الله هايكون محظور زي البغباغانات من غير مانشغل عقلنا شوية
و ياريت الليي راح المظاهرات و شال رأسه علي كفه علشان حضرتك و حضرتي نعيش بعد كده بكرامة و امان هو بس اللي يتكلم و الباقي يسمع