المشاركة الأصلية كتبت بواسطة semsem kane
شوف ياباشا دية عربية موديل 92-95 معاك بس من دقة اتقانها فعلا تحس انها موديل السنة لانها مش ناقصها حاجة ابدا بالعكس دية فيها كل حاجة وازيد كمان وبجد العربية دية كانت نازلة وقتها ب144 الف جنية بالنسبة للsi و 128 الف جنية للel و134 الف للex يعنى عربية مصروف عليها جامد جدا ايام مكان الجنية الواحد يجيب حاجات كتير
فامتقارنش اى عربية سواء موديل قديم او جديد بالموديل دة بالذات
كل اللى فى الموضوع ان فية ناس عشان قطع غيار العربية غالية فمش بتقدر على تمن الاصلى تروح مركبة التايوانى + اى حد بيشتغل في العربية ودة اكبر غلط لانها معقدة جدا خصوصا الماتور ولازم تبقى حافظها والا هتبهدل الدنيا + لا قدر الله تكون عملت حادث مؤثر
دول الثلاث حالات اللى العربية تبقى فيهم حالتها وحشة
عايز بقى تعرف ان العربية دية نظيفة ولا لأ بص على حاجتين :
1: الصالون لو نظيف وكل محتوياتة موجودة معناة ان صاحبها دة محافظ عليها
2: حالة العربية الخارجية لو لاقيت كل الاكسسوارات موجودة والحليات الخارجية موجودة وسليمة يبقى العربية دية نظيفة بنسبة 70 %
اخر حاجة تفكر فيها العفشة , والماتور فقط اكبسة فى البنزينة لو لقيت كبسة 80% يبقى الماتور دة جامد , لو لقيتة 75% يبقى الماتور دة حالتة جيدة, اقل من 70% اعرف انك هتغير شنبر للماتور بعد سنة