المشاركة الأصلية كتبت بواسطة arabmarket
سلام عليكم يا رجاله
يارب تكونوا بخير كلكم وكل حبايبكم ..
الاخ الى بيسال عن الهوندا اولا احب اقوله انا راى مش هيضيف للعربيه ولا هيزيد عن راى الاخوه بس انا هقولك تجربتى مع العربيه وانقلك احساسى :
لما تكون راكب عربيه اولا اسمها هوندا يعنى من حيث الوجاهه الاجتماعيه محترمه وعربيه ماشاء الله شكلها لغايه دلوقتى محبوب ومرغوب ومتزهقش عينك منه واعتقد لو عربيه هوندا متظبطه ومشدوده شده رايقه من غير تنفيخ لازم العين تفضل معلقه عليها وهى معديه ادامك
اما عن السحب فحدث ولا حرج هى فى الانطلاقه الاولى قد تبدو بطيئه بالمقارنه بالجديد لسبب انها 2 كامه واعتقد ان احد الاخوه قال ان اليابانين عملوها كده عشان التوفير فى البنزين اما على الهاى واى طياااااااااااره
بامانه تقدر تشد مع اتخن عربيه لكن مش مع الانواع التقيله زى المرسيدس مثلا لانى جربت الصراحه بس بص هتعضد يعنى بس عموما طيااااره
ومن حيث الثبات انسى متمسمره فى الارض سواء ماشى بسرعه او ملفات بسرعه العربيه بتتحرك يمين وشمال على حسب ايدك الى على الدركسيون اقصد حركتها متوقفه على ايدك وانت ماسك الطاره .
والكماليات طبعا ازيد من تمنها وعلى فكره فعلا كانت ب 144 الف وقت نزولها واحد صاحبى كان شاريها من اول مالك وقالى شاف فواتيرها
بص ياعم اتوكل بس اهم حاجه تلاقى حنه نضيفه والله ثم والله ثم والله مش هتندممممم ابداااااااااااااااااا
بالتوفيق يارب