خفة دم الشعب المصرى ...حتى فى يوم الغضب

**ابو ليلى** · 07-02-2011 02:12 AM

انا كتب كتابى كان فيه 150 بالعافية .....يابختهم

[youtube]http://www.youtube.com/watch?v=Xmkqju1Ncyg[/youtube]

**M.Osman** · 07-02-2011 02:17 AM

**نور القمر** · 07-02-2011 02:21 AM

النهاردة كنت عند الكوافيرة ومكنش في غير بنت واحدة في العشرينات
الموضوع اتفتح مين مع ومين ضد
معجبهاش كلامي لاني ضد مبارك .. هي بتكرر نفس كلام القناة الاولى .. انه اب وصاحب اول طلعة جوية .. الخ
وانا اقولها هو اللي سمح بالمسرطنات من اسرائيل وهو اللي هرب صاحب العبارة السلام في ظل حكمه وهو اللي طلع حريقة القطر بسبب وابور جاز في عصره .. وسألتها بتشوفي برنامج قبل الكارثة قالت لي اه .. قلت لها شوفتي بيحللوا الكارثة ازاي لحد مايوصلوا للنتيجة
هي اتعصبت واتنرفزت وانا جاي عليا بضحك
اخر جملة قالتها كانت بمناسبة الفيديو ده بس مفهمتاش لاني مكنتش لسه شوفته
بتقول البنات بتروح التحرير عشان تتجوز وكل اللي مش لاقيه عريس بتروح تتعرف على عرسان هناك !!!!!!!!
الحمد لله اخواتها دخلوا بعد شوية وخرج طاقة الغضب فيهم هم وربنا نجاني منها
اه نسيت انا بقولها كلامك ده بتاع القناة الاولى وهي تقولي كلامك ده بتاع النت
الله يسامحكم بقى يا بتوع النت انتم السبب ...........

**Ralliart** · 07-02-2011 03:15 AM

حكاية العرسان دي قالتهالي دكتوره في الجامعه بتقولي
بلاش مظاهرات وقلة ادب وسفاله دا البنات بتروح تدور على عرسان وامريكا في قناة السويس واسرائيل عالحدود!!

**samcar** · 07-02-2011 03:36 AM

المشاركة الأصلية كتبت بواسطة ralliart

حكاية العرسان دي قالتهالي دكتوره في الجامعه بتقولي
بلاش مظاهرات وقلة ادب وسفاله دا البنات بتروح تدور على عرسان وامريكا في قناة السويس واسرائيل عالحدود!!

للاسف - من يوم قانون الجامعه ما تغير وبقت العماده بالتعيين - بالمصادفه صدر القنون ده مع قانون تعيين العمد والمشايخ - كنا بنتريق ونسميه قانون العمد والعمداء

.................................................. .....
طبعا لا تتخيلوا حجم مخصصات رئيس الجامعه ونوابه وسطوتهم- يعنى يبقى زميل لك بيروح مشى معاك او حتى فى عربيه نص عمر
وهب علشان كتب كلمتين تقارير فى حق زمايله وطلع فى كام مجله او لقاء يسبح بحمد النظام- اللى ممكن قوى لو قعدت معاه لوحدكم يسب ويلعن فيه - هب يلاقى نفسه فى مكتب اكبر من اى مدرج فى الجامعه وعربيه مرسيدس رياسه وماشى قدامه كوصبغل من بتوع الجامعه وسرينه ووسع يا جدع
ومرتب وبدلات على كل نشاط فى الجامعه ومنافقين من كل لون - ومش عايز واحد ولا واحده من دول يطلع يلعن ابو اللى فى التحرير - انا متاكد انهم لو كانوا ادوهم سلاح كانوا راحوا هم صربوا نار

النظام كله بقوانينه عايز اباده

**dr-mohamed** · 07-02-2011 03:51 AM

المشاركة الأصلية كتبت بواسطة samcar

للاسف - من يوم قانون الجامعه ما تغير وبقت العماده بالتعيين - بالمصادفه صدر القنون ده مع قانون تعيين العمد والمشايخ - كنا بنتريق ونسميه قانون العمد والعمداء

.................................................. .....
طبعا لا تتخيلوا حجم مخصصات رئيس الجامعه ونوابه وسطوتهم- يعنى يبقى زميل لك بيروح مشى معاك او حتى فى عربيه نص عمر
وهب علشان كتب كلمتين تقارير فى حق زمايله وطلع فى كام مجله او لقاء يسبح بحمد النظام- اللى ممكن قوى لو قعدت معاه لوحدكم يسب ويلعن فيه - هب يلاقى نفسه فى مكتب اكبر من اى مدرج فى الجامعه وعربيه مرسيدس رياسه وماشى قدامه كوصبغل من بتوع الجامعه وسرينه ووسع يا جدع
ومرتب وبدلات على كل نشاط فى الجامعه ومنافقين من كل لون - ومش عايز واحد ولا واحده من دول يطلع يلعن ابو اللى فى التحرير - انا متاكد انهم لو كانوا ادوهم سلاح كانوا راحوا هم صربوا نار

النظام كله بقوانينه عايز اباده

وحضرتك استاذ في الجامعة ؟؟؟؟؟؟

**dr-mohamed** · 07-02-2011 05:37 AM

المشاركة الأصلية كتبت بواسطة M.Osman

الراجل ده العداد بتاعه بيعد
على فكرة انا صورته ووجهه واضح وقلت له اني هنزل الصورة على النت ووافق

**dr-mohamed** · 07-02-2011 06:36 AM

المشاركة الأصلية كتبت بواسطة mahmoudysf

طيب بذمتك مش عشان الراجل ده يشوف نفسة
والنخلة تطرح
لازم يمشي

مانا ضحكت معاه وقلت له يا ابني روح يومين وتعال تاني متقلقش الرجالة هنا شكلهم مش هايمشوا
بدل ما تستناه على ما يمشي ترجع البلد تلاقيها رفعت عليك قضية خلع فطس على روحه من الضحك واللى جنبه قاله على فكرة الكلام ده يقلق فطست انا على روحي من الضحك